करनाल जिल्ला

करनाल जिल्ला भारतया उत्तरी भागय् अवस्थित हरियाणा राज्यया छगू जिल्ला खः । थ्व जिल्ला भारतया राष्ट्र राजधानी क्षेत्र (NCR)या दुने ला। करनाल नगर राष्ट्रिय राजधानी क्षेत्र (NCR) या छगू भाग खः व नापं थ्व नगर जिल्लाया प्रशासनिक केन्द्र नं ख।

थ्व जिल्ला राष्ट्रिय राजमार्ग ४३ (पुलां NH-1)य् लाःगुलिं थ्व जिल्ला नापंया मू नगर (दसु दिल्ली व चंडीगढ) नाप यातायात प्रणालीं बांलाक्क स्वानाच्वंगु दु। करनाल जिल्लायात रेलमार्गं नं देय्या मेमेगु थाय्नाप भिंकः स्वानातःगु दु। करनाल जंक्सन दिल्ली-कल्का लाइनय् ला व थ्व जंक्सनय् मू रेल दिकी। जिल्लाया मुख्यालयय् छगू चिकिचा धंगु विमानस्थल दु, गुकियात करनाल एयरपोर्ट धाइ।

उपविभाजन

करनाल जिल्लायात दिप्युति कमिशनर (DC)या पदयाम्ह छम्ह IAS अधिकारीं नेतृत्त्व याइ। थ्व पदाधिकारी जिल्लाया मुख्य कार्यकारी अधिकृत ख। थ्व जिल्लाय् ४गू उप-विभाग दु, सकल उपविभागया नेतृत्त्व छम्ह सब-दिभिजनल म्याजिस्त्रेतं (SDM) याइ। थ्व जिल्लाया उपविभागय् करनाल, इन्द्री, असन्ध व घरौंदा ला।

राजस्व तहसील

च्वे बियातःगु ४गू उप-विभाजनयात ५गू राजस्व तहसीलय् बायातःगु दु: थ्व तहसीलतेगु नां करनाल, इन्द्री, निलोखेरी, घरौंदा व असन्ध, व ३ उपतहसील: निग्धु, निसिंग व कैम्ला ख।

विधानसभा क्षेत्र

करनाल जिल्लायात ५गू विधानसभा निर्वाचन क्षेत्रय् विभाजन यानातःगु दु:

• घरौंदा
• इन्द्रि
• करनाल
• निलोखेरी
• असान्ध
• कैमला

करनाल जिल्ला करनाल लोक सभा क्षेत्रया छगू भाग ख।

जनसंख्या

Template:Historical populationsसन २०११या जनगणना अनुसार थ्व जिल्लाया जनसंख्या १५,०५,३२४ दु, थ्व जनसंख्या करिब गाबोन राष्ट्र वा संरा अमेरिकाया राज्य हवाइ'इया जनसंख्या नापंया मनूल्या ख। थ्व जनसंख्या नापं थ्व जिल्ला भारतया ६४० जिल्लाय् ३३३गू दकलय् आपा जनसंख्या दूगु जिल्ला ख ।[1] थ्व जिल्लायाजनसंख्या घनत्व प्रति वर्ग किलोमिटर ५९८ (१,५५०/वर्ग माइल) दु।[1]

मू नगर

• अस्सन्ध
• घरौंदा
• इन्द्री
• कर्नाल
• निलोखेरी