धरान नेपाया कोशी अञ्चलया सुनसरी जिल्लाय् दुगु छगू नगर खः। थ्व नगरपालिकाया पलिस्था वि॰सं॰ २०१७य् जुगु ख। थ्व नगरपालिकाया दृष्टिकोण "शिक्षा, स्वास्थ्य व पर्यटकीय पूर्वाधारयुक्त शुन्दर शहर" ख।

धरान
अञ्चल
 - जिल्ला
कोशी
 - सुनसरी
लागा १०३.२८ km²
ई लागा NST (UTC+५:४५)
जनसंख्या (२००१)
 - जनघनत्व
९५,३३२
 - 
वेबथाय्: dharan.gov.np

खँग्वःया पलिस्था सम्पादन

थ्व थासय्‌ नगर देकेयात थ्व थासय् दुगु गुँ पालाछ्वेबिले सिं फाइपिं आरावालातेसँ देकुगु धरान (धराप) खँग्वःया नामं धरान नगरया नां वगु धइगु भलसा दु।

इतिहास सम्पादन

किपा:धरानघन्टाघर.jpg

धरानया सिथय् दुगु विजयपुर गुँया इतिहास २२५ दँ पुलाँ [१]। धरान धाःसा थ्यं-मथ्यं वि॰सं॰ १९५०य् गुं बाया छगू चिधंगु बस्तीया कथं पलिस्था जुगु ख। वि.स. १९५९य् राणा प्रधानमन्त्री श्री ३ चन्द्र शमसेरं चन्द्रनगर (आःयागु पुलां बजाः) व वि.स. १९९०य् श्री ३ जुद्ध शमसेरं जुद्ध नगर (आःयागु न्हु बजाः) पलिस्था यानादिल[२]वि॰सं॰ २०१७ सालय् धरान नगरपालिका घोषित जुल[३]

वि.स.२०१०य् पूर्वाञ्चल विकास क्षेत्रया निंतिं ब्रिटीश गोर्खा भर्ति केन्द्र पलिस्था जुइ धुंका थ्व थासय् मनुतः अप्व च्वनिगु जुल। वि.स. २०१८ सालय् नेपाःयात १४ अञ्चल, ७५ जिल्लाय् बायाछ्वःबिले धरान कोशी अञ्चलया सदरमुकाम घोषित जुगु खने दु[४]। न्ह्यथंबिले ११ वडा जक्क दुगु रहेको धरानयात वि.स.२०३५ सालय् पूर्वय् लागु वाँझगरा गाँउ पञ्चायत व पश्चिमय् दुगु घोपा गाँउ पञ्चायतयात ल्वाक्छ्याना १९गु वडा दुगु नगरपालिका देकल[५]

भूगोल सम्पादन

थ्व नगरपालिकाया क्षेत्र १०३.२८ वर्ग कि‌.मि. दु[६]। थ्व नगरपालिकाय् १९ वडा दु[७]

अर्थतन्त्र सम्पादन

पर्यटन सम्पादन

धरानय् अप्व याना स्वंगु कथंया पर्यटन दु। थ्व ख-

  • ऐतिहासिक व धार्मिक
  • भौगोलिक
  • वन्यजन्तु

ऐतिहासिक व धार्मिक सम्पादन

धरानया सिथय् लागु विजयपुर गुँइ दुगु धार्मिक व ऐतिहासिक देगः व देगलय् जुइगु जात्रा, नखः आदिं धरानया पर्यटनय् ग्वहालि यागु दु[८]। धरान नापं दुगु धार्मिक थाय् दसु- बराहक्षेत्र, विष्णुपादुका, रामधुनी, पञ्चायनधाम आदिया कारणं थन धार्मिक पर्यटक नं वइ[९]

भौगोलिक सम्पादन

भेडेटार व चार्ल्स प्वाइन्ट (भेडेटार भ्यू टावर)य् वनेयात नं धरानय् पर्यटकत वइगु या। धरानं नेपाःया पूर्वी पहाडी जिल्लातेगु थाय्‌त दसु- धनकुटा, ताप्लेजुङ्ग, कुम्भकर्ण हिमाल, कन्चनजङ्गा च्वापुगुँ, मकालु वरुण राष्ट्रिय निकुञ्ज, अरुण स्वनिगः, तिनजुरे, मिल्के (लालिगुराँस क्षेत्र), गुफा पोखरी, सभा पोखरी, ह्यात्रुंग झरना आदि वनेयात थ्व थाय् प्रवेश मार्ग जुगुलिं नं थ्व थाय्‌या पर्यटकीय महत्त्व अप्व जुगु दु[१०]

वन्यजन्तु सम्पादन

कोशी टप्पु वन्यजन्तु आरक्ष धरानया नापं लागुलिं नं धरानया पर्यटकीय विकासयात ग्वहालि यागु दु[११]

संस्कृति सम्पादन

धरानय् यक्व जनजातितेगु सांस्कृतिक व परम्परागत संस्कृति खनेदु[१२]राई जातितेसं चण्डीनाच, लिम्बू जातितेसं धाननाच, नेवाः जातितेसं लाखेनाच, गाईजात्रा, तामाङ जातितेगु शेलो, गुरुङ जातितेगु रोदीधर व खेँ जातितेगु बालननाच, संगिनी आदि थनया मू प्याखँ ख[१३]

जनसंख्या सम्पादन

नेपाःया सन् २००१या जनगणना कथं थ्व थासय् ९५,३३२ मनु दु। थुकिलि राई, लिम्बू, नेवाः, गुरुङ, तामाङ, खेँ आदि थी-थी कथंया जनजातित दु।

लिधँसा सम्पादन

  1. https://web.archive.org/web/20071118204626/http://dharan.gov.np/nep_dhrn_intro.asp
  2. https://web.archive.org/web/20071118204626/http://dharan.gov.np/nep_dhrn_intro.asp
  3. https://web.archive.org/web/20071118204626/http://dharan.gov.np/nep_dhrn_intro.asp
  4. https://web.archive.org/web/20071118204626/http://dharan.gov.np/nep_dhrn_intro.asp
  5. https://web.archive.org/web/20071118204626/http://dharan.gov.np/nep_dhrn_intro.asp
  6. https://web.archive.org/web/20111023061126/http://www.rlc.org.np/dharan_coverage.asp
  7. https://web.archive.org/web/20111023061126/http://www.rlc.org.np/dharan_coverage.asp
  8. https://web.archive.org/web/20071009060412/http://dharan.gov.np/nep_tour_intro.asp
  9. https://web.archive.org/web/20071009060412/http://dharan.gov.np/nep_tour_intro.asp
  10. https://web.archive.org/web/20071009060412/http://dharan.gov.np/nep_tour_intro.asp
  11. https://web.archive.org/web/20071009060412/http://dharan.gov.np/nep_tour_intro.asp
  12. https://web.archive.org/web/20071009060412/http://dharan.gov.np/nep_tour_intro.asp
  13. https://web.archive.org/web/20071009060412/http://dharan.gov.np/nep_tour_intro.asp

पिनेया स्वापूत सम्पादन


Template:कोशीयागु थाय्