माउरी तानिया

माउरी तानिया आधिकारिक कथं मुस्मां गणतन्त्र माउरी तानिया ( अरबी : الجمهورية الإسلامية الموريتانية , अल-जुम्हूरिया अल-इस्लामिया अल-मुरीतानियाह), उत्तर-पश्चिमी अफ्रीकाया छगू देय् खः। थ्व देय्या पश्चिमय् एत्लान्तिक महासागर, उत्तर व उत्तर-पश्चिमय् पश्चिमी सहारा, उत्तर- पूर्वय् अल्जेरिया, पूर्व व दक्षिण-पूर्वय् माली व दक्षिण-पश्चिमय् सेनेगल दु। भूमिक्षेत्रया कथं थ्व देय् अफ्रीकाया ११गू दकले तःधंगु देय् व हलिंया २८गू दकले तःधंगु देय् खः। थ्व देय्या ९०% क्षेत्र सहारा मरुभूमिइ ला। थ्व देय्या लगभग ४.३ मिलियनया अधिकांश जनसंख्या देय्या दक्षिणी समशीतोष्ण क्षेत्रय् च्वनि, गुकिलि लगभग १/३ जनसंख्या अत्लान्तिक तटय् दूगु राजधानी व दकले चकंगु नगर नौआकशटय् केन्द्रित दु।

الجمهورية الإسلامية الموريتانية
Al-Ğumhūriyyah al-Islāmiyyah al-Mūrītāniyyah
République Islamique de Mauritanie
इस्लामी गण्तन्त्र माउरी तानिया

[[Image:|110px|राष्ट्रीय चिं माउरी तानियायागु]] ध्वांय राष्ट्रीय चिं
म्ये: National Anthem of Mauritania
माउरी तानियायागु नक्सा
राजधानी	Nouakchott 18°09′N 15°58′W
तधंगु सहर	Nouakchott
औपचारिक भाय	अरबी भाषा; (de facto: हसनिया व फ्रेञ्च)
सरकार	Military junta
- President	Ely Ould Mohamed Vall
- Prime Minister	Sidi Mohamed Ould Boubacar
Independence	From France
- Date	November 28, 1960
क्षेत्रफल
- फुकं	1,030,700 किमि² (29th)
	(397,954 वर्ग माइल)
- लयागु प्रतिशत (%)	0.03
जनसंख्या
- 2005 एस्टिमेटेड	3,069,000 (135th)
- 1988 सेन्सस्	1,864,236 [१]
- जनघनत्व	3.0/किमि² (221st) (7.8/वर्ग माइल)
कुल ग्राहस्थ उत्पादन (पि पि पि)	2005 एस्टिमेट
- फुकं	$7.159 billion (144th)
- प्रति छ्यं	$2,402 (132nd)
मुद्रा	Ouguiya (MRO)
ई क्षेत्र	GMT (UTC+0)
- वर्खा (DST)	not observed (UTC+0)
इन्टरनेट TLD	.mr
कलिंग कोड	+222

देय्या नां प्राचीन माघरेबया दुने उत्तरी अफ्रीकाय् मरितानियाया प्राचीन बर्बर साम्राज्यं वःगु खः। ३गू शताब्दी ईस्वीइ बर्बर मनूतेसं वर्तमान माउरी तानियाय् कब्जा यात। उमय्यद खिलाफतया शासन बिले अरबतेसं ७गू शताब्दीया अन्तय् थ्व क्षेत्र त्याकल व इस्लाम, अरब संस्कृति व अरबी भाषा थन हल। २०गू शताब्दीया शुरुआतय् थ्व देय्यात फ्रान्सं फ्रांसीसी पश्चिम अफ्रीकाया भूभाग दयेकल व उपनिवेशया रुपय् शासन यात। १९६०स थ्व देय् स्वतन्त्र जुल तर यक्व समय तक सत्ता परिवर्तन व सैन्य तानाशाहीया झ्वलय् थ्व देय् थाःवन।

थ्व देय् सांस्कृतिक व राजनीतिक रूपं अरब हलिंया भाग खः। थ्व देय् अरब लीगया सदस्य खः व अरबी थनया आधिकारिक भाषा खः। थ्व देय्या आधिकारिक धर्म इस्लाम खः व लगभग सकल मनूतेसं सुन्नी मुस्मां धर्म हनि। थःगु प्रचलित अरब म्हसीका दःसां थ्व देय् वास्तवय् छगू बहुजातीय देय् ख।