एम्स्तरद्याम

एम्स्टरड्याम वा एम्स्तरद्याम नेदरल्यान्दस्या राजधानी ख। थ्व नगरया मू भाषा डच भाषा ख। एम्स्तरद्याम खँग्वःया अर्थ एम्स्टेल खुसिइ दूगु बांध ख। नेदरल्याण्ड्सया राजधानी नापं थ्व नगर ​​थ्व देय्या दकलय् अप्व जनसंख्या दूगु नगर नं ख। थ्व नगरया दुनेया जनसंख्या ९२१,४०२ दु धाःसा वृहद नगर क्षेत्रय् १,४५७,०१८ मनू दु। डच प्रान्त उत्तरी हल्याण्डय् लाःगु एम्स्टरड्यामयात बोलचालया भासं "उत्तरया भेनिस" धाइ छाय्धाःसा थन यक्व नहर दु। थ्व नगरया नहरत आः युनेस्कोया विश्व सम्पदा स्थलया धलखय् दु।

एम्स्तरद्याम
—  Municipality/city  —
किपा:Flag of Wapen van Amsterdam.svg Flag Coat of arms
Nickname(s): Mokum, Venice of the North
Motto: Heldhaftig, Vastberaden, Barmhartig (Valiant, Steadfast, Compassionate)
Location of Amsterdam Location of Amsterdam
Coordinates: 52°22′23″N 4°53′32″E
Country	Netherlands
Province	North Holland
COROP	Amsterdam
Boroughs	Centrum (Centre) Noord (North) West (West) Nieuw-West (New-West) Zuid (South) Oost (East) Zuidoost (South-East) Westpoort (Westgate)
Government
- Mayor	Eberhard van der Laan (PvdA)
- Aldermen	Eric van der Burg Andrée van Es Carolien Gehrels Pieter Hilhorst Freek Ossel Maarten van Poelgeest Eric Wiebes
- Secretary	Henk de Jong
Area
- Municipality/city	२१९ km2 (८४.६ sq mi)
- Land	१६६ km2 (६४.१ sq mi)
- Water	५३ km2 (२०.५ sq mi)
- Metro	१,८१५ km2 (७००.८ sq mi)
Elevation	२ m (७ ft)
Population (6 May 2012)
- Municipality/city	८२०,६५४
- Density	३,५०६/km2 (९,०८०.५/sq mi)
- Urban	१,२०९,४१९
- Metro	२,२८९,७६२
- Demonym	Amsterdammer (♂), Amsterdamse (♀)
Time zone	CET (UTC+01)
- Summer (DST)	CEST (UTC+02) (UTC)
Postal codes	1011–1109
Area code(s)	020
Website	www.amsterdam.nl

एम्स्तरद्यामया पलिस्था एमस्टेल खुसिया मुहानय् जूगु खः, गुकियात खुसिबाः नियन्त्रण यायेत बांध दयेकूगु खः। मूल रुपं १२गु शताब्दीइ छगू चिधंगु न्या लायेगु गां दूगु एम्स्तरद्याम १७गु शताब्दीया डच स्वर्ण युगया ईले हलिंया मू बन्दरगाह जुल। थ्व ईलय् नेदरल्यान्द हलिंया आर्थिक शक्ति केन्द्र जुयाच्वन। एम्स्तरद्याम वित्त व व्यापारया अग्रणी केन्द्र नापं धर्मनिरपेक्ष कला उत्पादनया केन्द्र नं ख। १९गु व २०गु शताब्दीइ थ्व नगरया विस्तार जुल व न्हुगु त्वाः व उपनगरत दयावल। थ्व नगरय् खुल्लापन, उदारवाद व सहिष्णुताया ताःहाकःगु परम्परा दु। साइकल गयेगु नगरया रुपय् थ्व नगरयात आधुनिक कालय् म्हसीकिगु याः व थन यक्व बाइक चलेयायेगु लँपु व लेन यक्व थासय् दयेकातःगु दु।

एम्स्तरद्यामया मू आकर्षणय् थुकिया ऐतिहासिक नहरत ला। नापं, रिक्सम्युजियम (Rijksmuseum): डच स्वर्ण युगया कला दूगु राज्य संग्रहालय; भ्यान गः संग्रहालय; द्याम स्क्वायर (the Dam Square), गन एम्स्तरद्यामया जुजुया लाय्कू व पुलांगु सिटी हल दु; एम्स्तरद्याम संग्रहालय; आधुनिक कलाया स्तेदेलेक (Stedelijk) संग्रहालय; कन्सर्टगेबाउ कन्सर्ट हल; द एन फ्र्याङ्क हाउस; शीपवार्टम्युजियम, नेचुरा आर्टिस मजिस्ट्रा; होर्टस बोटानिकस, नेमो , रेद-लाइत दिस्त्रिक्त व क्यानाबिस कफी पसः आदि थनया छुं आकर्षण केन्द्र ख। थ्व नगर थःगु नाइटलाइफ व नखःचखःया गतिविधिया निंतिं नांजा, हलिमया दकलय् नांजाःगु नाइट क्लबय् यक्व नाइट क्लब थन दु। थुकिया कलात्मक सम्पदा, नहर व संकीर्ण नहरया गेबल (gabled) पलि दूगु छेँत, शहरया १७गु शताब्दीया स्वर्ण युगया बांलाक्क संरक्षित सम्पदा, दँय् दसं लखौं-लखः चाहिलामितेत आकर्षित यानाच्वंगु दु।

सन् १६०२इ पलिस्था जूगु एम्स्तरद्याम स्टक एक्सचेञ्जयात हलिमय् दकलय् पुलांगु "आधुनिक" धितोपत्र दूगु शेयर बजारया रुपय् कायेगु या। नेदरल्याण्ड्सया व्यावसायिक राजधानी व युरोपया शीर्ष वित्तीय केन्द्रय् छगूया रुपय् एम्स्तरद्यामयात अल्फा विश्व नगरया रुपय् कायेगु या। थ्व नगर नेदरल्यान्दया सांस्कृतिक राजधानी ख। यक्व तःधंगु डच संस्थातेगु मुख्यालय थ्व नगरय् दु। हलिंया यक्व तःधंगु कम्पनीत थन हे दु वा थ्व नगरय् थःगु युरोपेली मुख्यालय पलिस्था याःगु दु, दसुया कथं प्रविधि कम्पनीत उबर , नेटफ्लिक्स, व टेस्ला कायेछिं। सन् २०२२इ इकोनोमिष्ट इन्टेलिजेन्स युनिटं एम्स्तरद्यामयात च्वनेत न्यागुगु दकलय् बांलाःगु नगर व मर्सरं वातावरण व पूर्वाधारया निंतिं जीवनया गुणस्तरया ल्याखं १२गु थासय् तःगु दु। थ्व नगर सन् २०१९इ शीर्ष प्रविधि केन्द्रया रुपय् हलिमय् ४गु थासय् लाः धाःसा पोर्ट अफ एम्स्तरद्याम युरोपया ५गु दकलय् तःधंगु पोर्ट ख। केएलएम हब व एम्स्तरद्यामया मू विमानस्थल शिफोल नेदरल्यान्दया दकलय् व्यस्त विमानस्थल ख, थ्व विमानस्थल युरोपया स्वंगुगु व हलिमय् ११गु दकलय् व्यस्त विमानस्थल ख। डच राजधानी हलिमया दकलय् बहुसांस्कृतिक नगरय् छगू ख, गुकिलि करिब १८० राष्ट्रियताया प्रतिनिधित्व दु। एम्स्तरद्यामय् आप्रवासन व जातीय पृथक्करण छगू वर्तमान समस्याया विषय ख।

एम्स्तरद्यामया इतिहासय् नांजापिं मनूइ किपामि रेम्ब्रान्त व भिन्सेन्ट भ्यान गः , १७गु शताब्दीया दार्शनिकत बारुच स्पिनोजा, जन लक, रेने डेसकार्टेस, व होलोकस्ट पीडित व दैनिकीकार एन फ्र्याङ्क ला।

स्वयादिसँ

• नेदरल्यान्दस्