ओटो भोन बिस्मार्क

ओटो एडुअर्ड लिओपोल्ड बिस्मार्क (अप्रिल १, सन् १८१५ - जुलाई ३०, सन् १८९८), जर्मन साम्राज्यया प्रथम चान्सलर व तत्कालीन युरोपया प्रभावी राजनेता ख। वय्कः 'ओटो फॉन बिस्मार्क'या नामं नांजाः। वय्कलं थीथी जर्मनभाषी राज्यतेत एकीकरण याना शक्तिशाली जर्मन साम्राज्य स्थापित यानादिल। वय्कः द्वितीय जर्मन साम्राज्यया प्रथम चान्सलर जुयादिल। वय्कः "रीअलपालिटिक"या नीतिया निंतिं नांजाः गुकिया कारणं वय्कःयात "लौह चान्सलर"या उपनाम बियातःगु दु।

अतो भोन बिस्मार्क
जर्मनीया प्रथम चान्सलर (जर्मनीया चान्स्लरी)
In office मार्च २१, सन् १८७१ – मार्च २०, सन् १८९०
Monarch	विल्हेम १, फ्रेदेरिक ३, जर्मन सम्राट, विल्हेम २
Deputy	Otto zu Stolberg-Wernigerode Karl Heinrich von Boetticher
Preceded by	Post created
Succeeded by	लियो भोन क्याप्रिभि
प्रसाया मिनिस्तर प्रेजिदेन्त
In office 9 November 1873 – 20 March 1890
Monarch	Wilhelm I, Friedrich III, Wilhelm II
Preceded by	Albrecht von Roon
Succeeded by	Leo von Caprivi
In office 23 September 1862 – 1 January 1873
Monarch	Wilhelm I
Preceded by	Adolf zu Hohenlohe-Ingelfingen
Succeeded by	Albrecht von Roon
Personal details
Born	1 April 1815 Schönhausen, Prussia (in modern Saxony-Anhalt, Germany)
Died	30 July 1898 (aged 83) Friedrichsruh, Schleswig-Holstein, German Empire
Political party	Independent
Spouse(s)	Johanna von Puttkamer (1847–94)
Children	3
Religion	Lutheranism
Signature

जीवनी

बिस्मार्कया जन्म शौनहाउसेनय् अप्रिल १, सन् १८१५स जूगु ख। वय्कलं गातिजेन व बर्लिनय् कानून अध्ययन यानादिल। वय्कः लिपा छुं ईया निंतिं नागरिक व सैनिक सेवाय् नियुक्त जुयादिल। सन् १८४७स वय्कः प्रसाया विधान सभाया सदस्य जुयादिल। सन् १८४८-४९या हिउपाया ईलय् वय्कलं जुजुया "दिव्य अधिकार"यात तच्वलं समर्थन यानादिल। सन् १८५१स वय्कः फ्र्याङ्कफर्तया संघीय सभाय् प्रसियाया प्रतिनिधि जुयादिल। अन वय्कलं जर्मनीइ अस्त्रियाया आधिपत्यया कडा विरोध यानादिल व प्रसियायात समान अधिकार बीत तिबः यानादिल। च्यादं तक्क फ्र्याङ्कफर्तय् च्वनेधुंका सन् १८५९स वय्कः रूसय् राजदूत नियुक्त जुयादिल। सन् १८६२स वय्कः पेरिसय् राजदूत जुयादिल व थ्व हे दंय् सेनाया विस्तारया न्ह्यःसलय् संसदीय संकट जूगुलिं वय्कः परराष्ट्रमन्त्री व प्रधान मन्त्रीया पदय् नियुक्त जुयादिल। सेनाया पुनर्गठनया स्वीकृति कया बजेत पास याकेत सफल मजुइ धुंका वय्कलं संसदनाप मन्यसें हे ज्या यानादिल व जनतानाप कर नं अथे हे कयादिल। थ्व "संघर्ष" सना हे च्वंबिलय् श्लेजविग होल्सताइनया प्रभुत्वया न्ह्यःसः हानं न्ह्यने वल। जर्मन राष्ट्रीयताया भावनां लाभ दयेका बिस्मार्कं अस्त्रियाया ग्वहालिइ देनमार्कय् हमला यात व थ्व निगु राज्य जानाः थ्व क्षेत्र थःगु राज्यय् लाकल (सन् १८६४)।

निदं धुंका बिस्मार्कं अस्त्रियानाप नं संघर्ष न्ह्यथनादिल। थ्व हतालय् अस्त्रिया बुइ धुंका अस्त्रियां जर्मनीयात त्वता ल्युने वनेमाल। अनंलि, बिस्मार्कया नेतृत्वय् जर्मनीया सकल उत्तरस्थ राज्यतेत स्वाना उत्तर जर्मन संघराज्यया पलिस्था जुल। जर्मनीया थ्व शक्तिवृद्धिं फ्रान्स आतङ्कित जुल। स्पेनया गद्दीया उत्तराधिकारया न्ह्यसलय् फ्रान्स-जर्मनीइ तनावया स्थिति उत्पन्न जुल व लिपा सन् १८७०स थ्व निगु देय्तेगु दथुइ युद्ध जुल। थ्व हतालय् फ्रान्स बुतः व फ्रान्सं अलससलोरेनया प्रान्त व तःच्वःगु हर्जाना बिया जर्मनी नाप सन्धि यायेमाल। सन् १८७१स न्हूगु जर्मन राज्यया घोषणा जुल। थ्व नवस्थापित राज्ययात सुसंगठित व प्रबल दयेकिगु ज्या आः बिस्मार्कया प्रधान लक्ष्य जुल। थ्व हे दृष्टिं वय्कलं अस्त्रिया व इतालिनाप जाना छगू त्रिराष्ट्र सन्धि दयेकल। पोपया "अमोघ" सत्ताया खतरा म्हो यायेत वय्कलं क्याथोलिकतेगु शक्तिरोधया निंतिं यक्व कानून दयेकादिल व समाजवादी आन्दोलनया दमनया कुतः नं यानादिल। थुकिलि धाःसा वय्कःयात यक्व सफलता ल्हातय् मला। साम्राज्यय् तनाव व असंतोषया स्थिति जुयावल। सन् १८९०स न्हूगु जर्मन सम्राट् विलियम द्वितीयनाप मतभेद उत्पन्न जुया वय्कलं पदत्याग यानादिल।

स्वयादिसँ

• हि व न

पिनेया स्वापू

• Life of Otto von Bismarck
• Gedanken und Erinnerungen "Thoughts and Remeniscences" by Otto von Bismarck Vol. I
• Gedanken und Erinnerungen "Thoughts and Remeniscences" by Otto von Bismarck Vol. II
• Bismarck's Memoirs Vol. II. In English at archive.org
• Complete German text of Bismarck's autobiography
• The correspondence of William I. and Bismarck : with other letters from and to Prince Bismarck at archive.org
• The Kaiser vs. Bismarck : suppressed letters by the Kaiser and new chapters from the autobiography of the Iron Chancellor at archive.org
• Bismarck: his authentic biography. Including many of his private letters and personal memoranda at archive.org
• The love letters of Bismarck; being letters to his fiancée and wife, 1846-1889; authorized by Prince Herbert von Bismarck and translated from the German under the supervision of Charlton T. Lewis at archive.org
• Prince Bismarck's Letters to His Wife, His Sister, and Others, from 1844-1870
• Rede des Reichskanzlers Fürsten Bismarck über das Bündniss zwischen Deutschland und Oesterreich Speech of Reich Chancellor Prince Bismarck on the League between Germany and Austria Oct. 7 1879