काशीपुर
काशीपुर (अंग्रेजी:Kashipur), भारतया उत्तराञ्चल राज्यया उद्धम सिंह नगर जिल्लाया छगु नगर ख।
| काशीपुर | |
| — city — | |
| निर्देशाङ्क | |
| देय् | भारत |
| राज्य | उत्तराञ्चल |
| जिल्ला | उद्धम सिंह नगर |
| जनसङ्ख्या | ९२,९७८ (2001[update]) |
| ई लागा | IST (UTC+05:30) |
जनसंख्या
सम्पादनभारतया सन् २००१ या जनगणना कथं काशीपुर शहरया जनसंख्या ९२,९७८ ख।[१] थुकिली मिजं ५३%, व मिसा ४७% दु।
थनया साक्षरता प्रतिशत ६८% दु, गुकिलि मिजंतेगु साक्षरता ७३% दु व मिसातेगु साक्षरता ६२% दु। सकल भारतया साक्षरता प्रतिशत ५९.५% स्वया काशीपुरया साक्षरता अप्व दु।
थ्व नगरया जनसंख्याय् १४% ६ दं स्वया म्हो जु।
चाहिलिगु थाय्
सम्पादनभीमशङ्कर महादेव
सम्पादनभीमशंकर महादेव काशीपुरय् भगवान शिवया नांजाःगु देगः व तीर्थ स्थान ख। थनया शिवलिङ्ग सिक्क तःग्वारा जूगुलिं थ्व द्यःयात मोटेश्वर महादेव (हिन्दीइ मोटा धाःगु ग्वारा ख) धका नं धाइगु या । पुराणय् नं थ्व देगःया वर्णन यानातःगु खनेदु। आसामय् शिवया द्वादश ज्योर्तिलिङ्गय् छगू भीमशङ्कर महादेवया देगः नं ख। काशीपुरया देगःयात वय्कःयागु हे रुप धका धाइगु या।
चैतीमंदिर
सम्पादनमोटेश्वर महादेव नापं हे माता बालसुंदरीया देगः दु गुकियात चैती माताया नामं नं म्हसीकिगु या। थ्व देगःयात सकल उत्तराञ्चलय् सिक्क हनिगु या।
गिरीताल
सम्पादनथ्व छगू पुखु ख। थ्व थासय् चामुण्डा देवीया छगू देगः दु। गिरीताल सिमाया घेराय् दूगु छगू मनोरम थाय् ख। थ्व पुखुलि बोटिङ याइगु या।
आःतक्क नं पर्यटन मानकिपाय् काशीपुर मवसां थ्व थाय्या पर्यटकीय सम्भाव्यता यक्व दु। विशेषकथं इतिहासय् रुचि तइपिं मनुतेगु निंतिं थ्व थाय् सिक्क बांला।
परिवहन
सम्पादनथ्व थाय् भारतया राजधानी दिल्ली स्वया थ्यंमथ्यं सवा निसः किलोमीटर तापा। दिल्लीं थ्व थासय् रेल व बसं स्वानातःगु दु। थ्व थाय् नैनीतालस्वया चेःगु किलोमिटर तापा। नैनीतालं थ्व थाय् सडकमार्गं स्वानातःगु दु।
लिधंसा
सम्पादन- ↑ भारतीय जनगणना २००१. मार्च ३, ई सं २००७ कथं।