क्वाः
क्वाः धाःगु हतालय् शत्रुतयेसं कायेमफयेक दयेकातःगु थाय् ख। थुकियात किल्ला वा गढ नं धाइ। थ्व युद्धय् भूभागया रक्षाया निंतिं दयेकूगु सैन्य संरचना ख व शान्तिकालय् छगू क्षेत्रय् शासन स्थापित यायेत छ्यलिगु या।
तसकं प्रारम्भिक इतिहासं निसें आधुनिक ई तक्क, आक्रमण व विजयया निरन्तर झ्वलय् हलिमय् नगर म्वायेत प्रायः रक्षात्मक पःखाः आवश्यक जुयाच्वन। सिन्धु स्वनिगः लहनाया छुं बस्तीइ मनूया इतिहासया दकलय् न्हापांगु क्वाः खनेदु। प्राचीन ग्रीसय् तःधंगु ल्वहंया पःखाः माइसेनियन ग्रीकतेसं थःगु थासय् दयेकूगु खनेदु। थुकिया दसु माइसेनियाय् थौं तक खनेदु। ग्रीकतेगु फ्रोउरियन (phrourion) धाःगु सैनिक संरचना सेनाया निंतिं छ्येलीगु भवनतेगु छगू दुर्गयुक्त पुचः ख। थ्व रोमन क्यास्टेलम वा किल्लाया समान दु। थ्व निर्माणं मू कथं छगू पहरागार (वाच टावर)या उद्देश्य पूवंकल। थुकिलिं छुं लँ, भूभाग व सीमाया रक्षा यायेत ग्वहालि यात। किल्ला स्वयां चिधंसां थन्यागु संरचनां सीमा स्वयेगु निंतिं ज्या यात।
सैनिक शिविर तयेगु वा क्वाः दयेकेगु कलायात परम्परागत रुपं रोमन सेनायात "कास्ट्रामेटेशन" धाइ। क्वाः वा किल्लायात सामान्यतया निगु कचाय् बायातःगु दइ: स्थायी क्वाः व ख्यः क्वाः। थ्व नापं, अर्ध-स्थायी क्वाःया रुपय् म्हसीकिगु दथुया क्वाः नं दु। महल वा क्यासल धइगु थन्याःगु क्वाः ख गुकियात साधारण क्वाः वा किल्ला स्वया बिस्कं कथं कायेगु या। थन्याःगु क्वाः वा किल्लाय् जुजु वा कुलीन मनूत च्वनिगुलिं थन्याःगु क्वाःतेसं छगू विशिष्ट रक्षात्मक क्षेत्रया नेतृत्त्व याइ। नापं, थन्याःगु क्वाः दुने लाय्कू व मेमेगु ज्याकुथि नं दयेफु।
रोमन किल्ला व पहाडी किल्ला युरोपय् महलया मू पूर्वरुप ख। थन्याःगु महल ९गु शताब्दीइ क्यारोलिन्जियन साम्राज्यय् उदय जुल। प्रारम्भिक मध्य युगय् महलया छचाखेरं दयेकूगु छुं नगरत दयेकल।
१४गु शताब्दीइ तोपया आगमनं मध्यकालीन शैलीया किल्लात यक्व ल्याखय् अप्रचलित जुल। बारुदया युगय् किल्ला वा सामरिक संरचनाय् यक्व बँया संरचनाया विकास जुल गुकिलि गाः खनिगु व चाः ल्हेया तोपयात संके थाकुइगु व तोपया मिया तितरबितर याइगु ज्या जुल। प्रत्यक्ष तोपया गोलीया स्वापूलि वइगु पःखाः तसकं जोखिमय् लानाच्वंगुलिं सुरक्षायात बांलाकेत पःखाःयात गालय् क्वबाना चाया ढलानं न्ह्यःने च्वंगु भः दयेकिगु ज्या जुल।
१९गु शताब्दीइ विस्फोटक गोलाया आगमनं क्वाःया विकासया मेगु चरणय् थ्यन। नगु आकारया क्वाःतेसं तःच्वःलं मुइगु पदार्थया प्रभावया विरुद्ध बांलाक ज्या मयात, नापं, फ्लाङ्किङ, ब्याट्री व रक्षात्मक तोपया निंतिं होशियारीपूर्वक दयेकूगु फायरया लाइनया जटिल व्यवस्था विस्फोटक गोलां तीव्र गतिं स्यंके फत। १९गु व २०गु शताब्दीया सुरुइ स्टील व कंक्रिटया क्वाः दयेकिगु सामान्य जुल। न्हापांगु विश्वयुद्ध धुंका आधुनिक युद्धय् जूगु ल्वाभःया प्रगतिं आपालं क्वाःया ज्या सिधेकाबिल।
लिधंसा
सम्पादन- ↑ Crac des Chevaliers and Qal'at Salah El-Din, UNESCO, <http://whc.unesco.org/en/list/1229>. Retrieved on २० अक्टोबर २००९
स्वयादिसँ
सम्पादन| विकिमिडिया मंका य् थ्व विषय नाप स्वापु दुगु मिडिया दु: Fortifications |