केपताउन
केपताउन दक्षिण अफ्रिकाया राजधानी ख। केप ताउन दक्षिण अफ्रिकाया निगूगु दकलय् अप्व जनसंख्या दूगु नगर ख। थ्व वेस्तर्न केपया राजधानी ख। थ्व नगर दक्षिण अफ्रिकाया संसद भवन दूगु नगर नं ख। थ्व थाय् बंदरगाह, पर्वः व केबः आदिया निंतिं नांजाः। तेबल माउन्तेन, तेबल माउन्तेन नेशनल पार्क, तेबल माउन्तेन रोपवे, केप अफ गुद होप, च्यापम्यान्स् पिक, सिग्नल हिल, भिक्तोरिया एन्द अल्फ्रेड वाटरफ्रन्त आदि थनया मू दर्शनीय स्थल ख।
| केप टाउन कापस्ताद्त Template:Af icon आई-कैपाTemplate:Xh icon |
|||
 |
|||
|
|||
| मेमेगु नां(s): मातृ नगर, वा द टैवर्न ऑफ द सीज़ | |||
| नारा: Spes Bona (लातिन :"भिंगु आशा") | |||
|
Lua error in Module:Location_map at line 502: Unable to find the specified location map definition. Neither "Module:Location map/data/South Africa" nor "Template:Location map South Africa" exists.दक्षिण अफ्रीकाय् स्थिति |
|||
| Coordinates: 33°55′S 18°25′E / 33.917°S 18.417°E | |||
| Country | दक्षिण अफ्रिका | ||
|---|---|---|---|
| Province | वेस्टर्न केप | ||
| Municipality | केपटाउन नगर | ||
| पलिस्था | सन् १६५ | ||
| नगर पालिका प्रशासन | 1839 | ||
| Government [१] | |||
| - Type | नगर परिषद | ||
| - महापौर | हेलेन ज़िल्ले (DA) | ||
| - सिटि म्यानेजर | अच्मत इब्राहिम | ||
| क्षेत्रफल [२] | |||
| - Total | २,४५४.७२ km² (९४७.८ sq mi) | ||
| Highest elevation | १,५९०.४ m (५,२१८ ft) | ||
| Lowest elevation | ० m (० ft) | ||
| Population (2007)[३] | |||
| - Total | ३,४९७,०९७ | ||
| - Density | १,४२४.६/km2 (३,६८९.८/sq mi) | ||
| Time zone | SAST (UTC+2) | ||
| पोस्तल कोद | 8000 | ||
| Area code(s) | +27 (0)21 | ||
| Twin Cities | |||
| - आचेन |  Germany
| ||
| - बुयनोस आयरेस | Template:ARG | ||
| - गैल्वेस्टोन |  United States
| ||
| - त्युनिस | Template:Tunisia | ||
| - नाइस |  France
| ||
| - सेंट पीटर्स्बर्ग[४] | Template:RUS | ||
| - स्यान फ्रान्सिस्को | United States
| ||
| Website: www.capetown.gov.za | |||
इतिहास सम्पादन
द्वलं द्व दंं न्ह्यः केप ताउन दूगु थासय् आदिम जनजाति खोईतेगु निवास स्थान दयाच्वन। सन् १६५२स थन दकलय् न्ह्यः युरोपियनत दुहां वल। दकलय् न्ह्यः थन दच मनूत थ्यन। थ्व थासय् सन् १६५२स जन वन रिविकं छगू व्यापार केन्द्र पलिस्था यानादिल। दचतेगु ल्यु-ल्यु जर्मन व फ्रेञ्च थन थ्यन। युरोपियनत थन वयेधुंका केप ताउनया स्थायी बस्ति बिस्तारं न्ह्यथन। बिस्कं स्तेल्लनबोसच, पर्ल तथा केप वाइनल्यान्द थें न्याःगु उपनगरत स्थापना जुल। केप ताउनय् हे देसया संसद भवन नं दु। आ वया थ्व नगर छगू विश्वस्तरीय नगर जूगु दु गुकिलिं थःगु प्राचीन सभ्यता-संस्कृतियात नं ल्यंकातःगु दु।
मू आकर्षण सम्पादन
तेबल माउन्तेन सम्पादन
तेबल माउन्तेन समतल सतहया म्हो जाः दूगु छगू पहाड ख। थ्व पर्वः १०८६ मितर तजाः। थ्व केप ताउनया पश्चिमी भागय् अवस्थित दु। थ्व पहादं केप ताउन नगरया बांलाःगु लू स्वयेछिं। थ्व पर्वःया च्वकाय् थ्यनेत रोपवे दयेकातःगु दु। थ्व पर्व मू रुपं तेबल माउन्तेत न्यासनल पार्कया छगू भाग ख।
तेबल माउन्तेन न्यासनल पार्क सम्पादन
थ्व पार्कयात न्हापा केप पेनिन्सुला न्यासनल पार्क धका नं म्हसीकिगु या। थ्व पार्कया पलिस्था सन् १९९८या मे २९स जूगु ख। थ्व पार्कया पलिस्थाया मू उद्देश्य तेबल माउन्तेन नापंया वातावरण सुरक्षित तयातेत ख। विशेषकथं तेबल माउन्तेनया गुंइ दइगु फेन्वास नांया जन्तुयात सुरक्षित यायेत। थ्व पार्कयात दक्षिण अफ्रिका न्यासनल पार्कं स्वयाच्वंगु दु। थ्व पार्क नापं पर्यतनया दृष्टिं सिक्क महत्त्वपूर्ण जूगु थाय् तेबल माउन्तेन व केप अफ गुद होप दु।
तेबल माउन्तेन रोपवे सम्पादन
थ्व रोपवे तेबल माउन्तेतय् थ्यनेत दयेकातःगु ख। थ्व केपताउनया महत्त्वपूर्ण थासय् छगू ख। थ्व रोपवेया क्वय्या स्तेसन त्रेफल्गर रोदं ३०२ मितर च्वय् ला। नापं, थ्व रोपवेया च्वय्या स्तेसन १०६७मितर जालय् ला। च्वय्या स्तेसनं केपताउनया बांलाःगु लू खनेछिं।
केप अफ गुद होप सम्पादन
छुं नं देसय् इतिहासय् हिलिगु यक्व म्हो जक्क थाय् दइ। केप ताउनय् दूगु केप अफ गुद होप थन्यागु हे छगू थाय् ख। सन् १४८८स पोर्चुगिजतेसं थ्व हे थासं अफ्रिकाय् तुति तल। थ्व धुंका अफ्रिकाया इतिहास हिलावन। थ्व थाय् एन्तान्तिक महासागर नापं ला। केप ताउन थ्यनिंपिं पर्यतक थ्व थासय् चाःहिलेत अवश्य हे वनि।
च्याप्म्यान् पिक सम्पादन
थ्व केप ताउनं १५ किमि तापाक्क दयाच्वंगु छगू गुं च्वका ख। थ्व च्वका तक्क छगू लं थ्यं गुकियात च्याप्म्यान्स् पिक द्राइभया नामं म्हसीकिगु या। सन् १९१५ निसें सन् १९२२ या दथुइ दयेकूगु थ्व लं थःगु ईया इञ्जिनियरिंगया छगू अदभूत नमूना ख। थ्व छगू धःस्वाःगु लं ख। थ्व लं थाकूगु जुलिं थन सावधानीं गसा संकेमा।
सिग्नल हिल सम्पादन
थ्व तेबल माउन्तेन नापं दूगु सपात सतहया पर्वः ख। थ्व पर्वःयात द लायंस फ्ल्यांक'या नामं नं म्हसीकिगु या। तर आः वया थ्व नां यक्व प्रचलनय् मदु। थ्व नून गनया निंतिं नांजाः।
समुद्रतट सम्पादन
समुद्रया सिथय् दूगुलिं केप ताउनय् यक्व बीच दु। ग्लेन बीच, क्याम्पस बे, क्लिफतन, सी प्वाइन्त, स्यान्द वे, ब्लूबर्गस्त्राय्न्द आदि थन दूगु महत्वपूर्ण बीच ख। थ्व बीचय् न्ह्याबिलंय् पर्यतकत दयाच्वनि। थन लखय् लाल्कायेछिं।
भिक्तोरिया व अल्फ्रेद वातरफ्रन्त सम्पादन
केप ताउन स्थित भिक्तोरिया एन्द अल्फ्रेद वातरफ्रन्त पर्यतकतेगु दकलय् यःगु थासय् छगू ख। थ्व आतक्क ज्याब्युगु छगू ऐतिहासिक बन्दरगाह ख। थ्व बन्दरगाह रोबेन आइल्यान्द व तेबल माउन्तेनया दथुइ ला। थ्व बन्दरगाहया नापं पर्यतकतेगु मनोरञ्जनया प्रबन्ध नं यानातःगु दु। थ्व बन्दरगाहया निर्माण सन् १८६०स लानि भिक्तोरियाया काय् प्रिन्स अल्फ्रेदं याकादिगु ख।
तु ओसन एक्वेरियम सम्पादन
थ्व एक्वेरियम भिक्तोरिया व अल्बर्त वातर पार्कय् ला। थ्व एक्वेरियमय् ७गु ग्यालरी दु। थ्व एक्वेरियमयात सन् १९९५या नोभेम्बर १३स जनसाधारणतेगु निंतिं चायेकूगु ख।
लंग स्त्रित सम्पादन
थ्व केपताउनया सिति बःल क्षेत्रय् लाःगू मू बजाः ख। थ्व थासय् यक्व थिएतर, सफूपसः, होतेल, रेस्तोरां आदि दु।
कापसे कलोपसे सम्पादन
थ्व छगू मिनिस्त्रेत नखः ख गुकियात थन दंय्दसं हनि। थ्व नखःया जात्राय् १३,००० स्वय अप्व मिनिस्त्रेलतेसं थःगु ख्वालय् तुयु रंग पाना ब्वति काइ। नापं, इमिसं थीथी रंगया कुसा व बाजंत नं ज्वना वइ। थ्व नखःयात केपताउनया मिनिस्त्रेल कार्निभलया नामं म्हसीकिगु या। थ्व नखः दंय्दसं ज्यानुवरी २ खुनु हनिगु या।
क्रिस्तनबोच बोतानिकल गार्देन सम्पादन
थ्व गार्देन न्युल्यान्दय् ला। थ्व गार्देनय् थीथी कथंया बा-बांलाःगु स्वांमा मुनातःगु दु। थ्व गार्देन सुथ ८ता ई निसें बहनि ६ता ई तक्क चा।
रोबेन आइल्यान्द सम्पादन
थ्व तापु केपताउन स्वया भतिचा तापाक्क ला। थ्व थासय् न्हापा नेल्सन मन्देलायात नजरबन्द याना कुनातःगु ख।
संसद भवन सम्पादन
केपताउनय् दक्षिण अफ्रिकाया संसद दु। केपताउनय् चाहिलेत वइपिं चाहिलामित थ्व थाय् स्वयेत वइगु या। थ्व भवनय् सितिकं दुहां वनेदु।
थ्व नापं बो-केप संग्रहालय, दिस्त्रिक्स सिक्स संग्रहालय आदि थनया न्ह्याइपूगु थाय् ख।
आवागमन सम्पादन
केपताउनय् केपताउन अन्तराष्ट्रिय विमानस्थन दु। थ्व दक्षिण अफ्रिकाया निगुगु दकलय् तःधंगु विमानस्थल ख। थ्व थासय् यक्व देसं नियमित कथं फय्गःत वइगु या।
लिधंसा सम्पादन
- ↑ Pollack, Martin (2006-05-31). Achmat Ebrahim is the new city manager of Cape Town. City of Cape Town Metropolitan Municipality. 2007-03-25 कथं।
- ↑ City of Cape Town. Municipal Demarcation Board. 2008-03-23 कथं।
- ↑ Community Survey, 2007: Basic Results Municipalities (PDF). Statistics South Africa. 2008-03-23 कथं।
- ↑ Saint Petersburg in figures - International and Interregional Ties. Saint Petersburg City Government. 2008-03-23 कथं।
पिनेया स्वापू सम्पादन
| विकिमिडिया मंका य् थ्व विषय नाप स्वापु दुगु मिडिया दु: Cape Town |
- सरकार
- Other
