क्यानादाया ध्वाँय्
क्यानादाया राष्ट्रिय ध्वाँय् वा क्यानाडाया राष्ट्रिय ध्वाँय् यात प्रायः क्यानाडाया ध्वाँय् वा अनौपचारिक रुपय् मेपल लीफ ध्वाँय् धाइगु या। थ्व ह्यांगु ध्वाँय्या दथुइ छगू तुयु ख्यः दु। थ्व तुयु ख्यलय् ११गू कुं दूगु मेपलया हः क्यनातःगु दु । क्यानादाया इतिहासय् थ्व न्हापांगु ध्वाँय् ख गुकियात संसदया निगु हे सदनं स्वीकार यात व क्यानाडाया जुजुं आधिकारिक रुपं देय्या आधिकारिक राष्ट्रिय ध्वाँय् घोषणा यात। वर्तमानय् थ्व ध्वाँय् क्यानाडाया प्रधान व दकलय् म्हसीके बहःगु राष्ट्रिय चिं जुयाच्वंगु दु।
सन् १९६४य् प्रधानमन्त्री लेस्टर बी पियर्सनं क्यानाडाया आधिकारिक ध्वाँय् मदुगुया न्ह्यानाच्वंगु मुद्दा समाधान यायेत छगू समिति नीस्वनाः संघीय ध्वाँय् हिलेगु बारे बहस ब्वलंगु खः। स्वंगु विकल्प मध्ये माउन्ट एलिसन विश्वविद्यालयया इतिहासकार जर्ज स्ट्यान्ली, रोयल मिलिट्री कलेज अफ क्यानाडाया ध्वाँय्या आधारय् मेपल लीफ डिजाइन ल्यःगु खः। थ्व ध्वाँय् आधिकारिक रुपं सन् १९६५ फेब्रुवरी १५ खुनु पिथन। थ्व तिथियात आः दँय् दँसं क्यानाडाया राष्ट्रिय ध्वाँय् दिवसया रुपय् हनेगु याइ।
सन् १९६५ स्वया न्ह्यः, क्यानाडाया रेड एनसाइन सन् १८६०या दशकं निसें अनौपचारिक छ्येलेज्याय् दयाच्वंगु जुल व लिपा सन् १९४५या अर्डर इन काउन्सिलं थुकियात "गन गन थाय् वा अवसरय् विशिष्ट क्यानाडाया ध्वाँय् ब्वयेकेगु बांलाःगु जुइफु" अन छ्येलेगु निंतिं आधिकारिक रुपं स्वीकृति बिल। नापं, रोयल युनियन ध्वाँय् क्यानाडाया मेगु आधिकारिक ध्वाँय् जुयाच्वंगु दु। थुकियात क्यानाडाया जुजुप्रति निष्ठा व राष्ट्रमंडलय् सदस्यताया प्रतीकया कथं कायेगु या। राष्ट्रिय ध्वाँय्यात गथे यानाः छ्येलीगु धकाः निर्धारण याइगु कानून मदु, तर थुकियात गथे यानाः ब्वयेगु व ध्वाँय्या प्राथमिकताया क्रमय् थुकिया थाय्यात निर्देशन याइगु नियम व प्रोटोकल दु।
क्यानाडाया अधिकारी, सरकारी निकाय व सैन्य बलया निंतिं दयेकूगु यक्व थी-थी ध्वाँय्य् मेपल हःया छुं प्रतीक खनेदु।