क्यालिफोर्नियाया भूगोल
क्यालिफोर्निया उत्तर अमेरिकाया पश्चिमी तटय् दूगु छगू अमेरिकी राज्य ख। १कोटि ६३ लखः ६९६ वर्ग माइल (४,२३,९७० वर्ग किमि) क्षेत्रय् दयाच्वंगु थ्व राज्य भौगोलिक दृष्टिं संरा अमेरिकाया दकलय् विविध राज्यय् छगू ख। सिएरा नेभादा, मध्य स्वनिगःया उब्जाऊ बुँ व दक्षिणया शुष्क मोजावे मरुभूमि थ्व अमेरिकी राज्यया प्रमुख भौगोलिक विशेषता खः। थ्व राज्य हलिंया दकलय् असाधारण सिमातेगु नं छेँ खः: हलिंया दकलय् ताःहाकःगु (कोस्ट रेडवुड), दकलय् तःधंगु (ग्रेट सेकोइया), दकलय् पुलांगु (ब्रिसलकोन पाइन) सिमा थ्व हे राज्यय् ला। कन्तिनेन्तल संरा अमेरिकाया दकलय् तःजाःगु ( माउंट व्हिटनी) व दकलय् चिजाःगु थाय् (डेथ भ्याली) थ्व हे राज्यय् ला। राज्ययात साधारनकथं उत्तर व दक्षिण क्यालिफोर्नियाय् विभाजित याइगु या। अथे जुसां, उत्तर व दक्षिणया दथुया सीमा धाःसा बांलाक्क परिभाषित यानातःगु मदु। स्यान फ्रान्सिस्को निश्चित रूपं छगू उत्तरी कैलिफोर्नियाया नगर ख धाःसा लस एञ्जेलस छगू दक्षिणी क्यालिफोर्नियन नगर ख। थ्व नगरतेगु दथुया थाय् वस्तुस्थिति कथं उत्तर व दक्षिणय् लायेफु। युएस जियोलजिकल सर्भे क्यालिफोर्निया कथं नर्थ फोर्क नापंया छगू फुतियात थ्व राज्यया भौगोलिक केन्द्रया कथं परिभाषित यानातःगु दु।