क्रोएसिया

क्रोएसिया दक्षिण पूर्व युरोपय्‌ पानोनियन प्लेन, बाल्कन्स व भूमध्य सागरया दथुइ दूगु छगु देय्‌ ख। देय्‌या राजधानी व दकले तःधंगु नगर जगरेब ख। क्रोएसियाया सीमा उत्तरय्‌ स्लोभेनिया व हंगेरी, उत्तर पूर्वय्‌ सर्बिया, पूर्वय्‌ बोस्निया व हर्जगोभिना व दक्षिण पूर्वय्‌ मोंटेनेग्रोनाप स्वा। देय्‌या दक्षिण व पश्चिमी किनारा एड्रियाटिक सागरनाप स्वा।

क्रोएसिया गणराज्य
Republika Hrvatska

ध्वांय राष्ट्रीय चिं
म्ये: झिगु यःगु मातृभूमि
क्रोएसियायागु नक्सा
राजधानी	जगरेब 45°48′N 16°0′E
तधंगु सहर	जगरेब
औपचारिक भाय	क्रोएसियन1
सरकार	गणराज्य
- राष्ट्रपति	स्टीपन मेसिक
- प्रधानमंत्री	इवो सानादेर
स्वतंत्रता
- युगोस्लावियानं	जुन २५, 1991
क्षेत्रफल
- फुकं	56,542 किमि² (124वां)
	(21,831 वर्ग माइल)
- लयागु प्रतिशत (%)	0.01
जनसंख्या
- जुलाई 2004 एस्टिमेटेड	4,496,869 (117 वां)
- 2001 सेन्सस्	4,437,460
- जनघनत्व	83/किमि² (116वां) (215/वर्ग माइल)
कुल ग्राहस्थ उत्पादन (पि पि पि)	2005 एस्टिमेट
- फुकं	$55.638 बिलियन (72वां)
- प्रति छ्यं	$12,364 (56वां)
मुद्रा	कुना (kn)  (एचआरके)
ई क्षेत्र	सीईटी (UTC+1)
- वर्खा (DST)	सीईएसटी (UTC+2)
इन्टरनेट TLD	.hr
कलिंग कोड	+385
1स्थानीय तौर इटालियन में इस्त्रिया काउंटी.

थौंया क्रोएसिया नां दूगु थासय्‌ न्हेगु शताब्दीइ क्रोट्सं कदम तल। इमिसं राज्ययात संगठित यात। तामिस्लाव प्रथमया 925 ई. स राज्याभिषेक जुल व क्रोएसिया राज्य जुवन। राज्यया रूपय्‌ क्रोएसियां थःगु स्वायत्तता करीब निगु शताब्दि तक्क दयेकातल, व जुजु पीटर क्रेशमिर चतुर्थ व जोनीमिरया शासन बिले थःगु उत्कर्षय्‌ थ्यन। सन् 1102स पेक्टा समझौताया माध्यमं क्रोएसियाया जुजुं हंगेरीया जुजुनाप विवादास्पद समझौता यात। सन् 1526स क्रोएशियन संसदं फ्रेडिनेंडयात हाउस आफ हाब्सबर्गं सिहांसनय्‌ तल। सन् 1918स क्रोएसियां अस्ट्रिया-हंगेरीं बायावनिगु घोषणा याना युगोस्लाभिया राज्यय्‌ सहस्थापकया कथं स्वा वन। लिउ हलिम हताःया ईले नाजितयेसं क्रोएसियाया क्षेत्रय्‌ कब्जा याना स्वतन्त्र राज्य क्रोएसियाया पलिस्था यात। हताः क्वचाये धुंका क्रोएसिया निक्वगु युगोस्लाभियाया पलिस्थामि सदस्यया रूपं युगोस्लाभियाय्‌ स्वावन । 25 जुन 1991स क्रोएसियां स्वतन्त्रता घोषणा याना संप्रभु राज्य जुवन।

स्वयादिसं

• wikt:क्रोएशिया (विकिस्नरी)