च्वापुहुर

च्वापुहुर छगु प्रकृतिया झका ख। थुकिया स्वापू च्वापुनाप दु। च्वापुगुंइ यक्व च्वापु दइ बिले थी-थी कारनं छुं च्वपु क्वंहा वयेफु। थुकियात च्वापुहुर धाइ। थुकिलिं च्वापु कासा म्हितिपिं कासामि तयेत व च्वापुगुंइ च्वानिपिं मनुतयेत यक्व खतरनाक परिस्थिति हयेफु।

हिमालयय् च्वापुहुर

च्वापुहुर

तच्वःगु च्वापुहुरं थःनाप लोंह, चाधि व सिमा कयावयेफु। उकिलिं मनुतयेत थःगु क्वय् दुथुने फु। यदि मनुतयेत ग्वहालि पुचःद्वारा याकनं लुइके मफुसा थुकिलि लाःपिं मनुत इइपना (गाक्क फे मदया) वा हाइपोथर्मिया (सिक्क चिकुया) सी फु।

च्वापुहुरय् म्वाना च्वनिगु संभावना थ्व कथं दु:

• 15 मिनेट दुने लू सा 92%
• 35 मिनेट दुने लू सा 30% (पीडितत इइपाना सी)
• करिब नि घौ धुंका शून्य (पीडितत घाः व हाइपोथर्मिया जुया सी)

युरोपमि च्वापुहुर ज्वखिम धलः

युरोपय् च्वापुहुर ज्वखिम व्यापक रूपय् क्वसं च्वःगु दापुइ ल्यायेगु या। थुकियात सन् 1993या अप्रिलय् न्हापा छ्येलातःगु गैर मानक राष्ट्रीय दापु त्वता छ्येलाहःगु ख। एकरूपता तनेत थुकिया वर्णन मे 2003य् पुनरावलोकन यात।pdf

ज्वखिमया स्तर	च्वापु स्थिरता	च्वापुहुर ज्वखिम
1 - म्हो	साधारण कथं च्वापुगाइगु स्थिर जु।	तस्कं पाःलूगु थासय् सिक्क च्वापु गाइबिले[2] त्वता च्वापुहुर साधारणकथं सम्भव मदु। छकलं जुइगु च्वापुहुर चिधंगु (sluffs) जक्क जुइ। सामान्यतया, सुरक्षित स्थिति दइ।
2 - नियन्त्रित	छुं पाःलूगु थासय् च्वापु मध्यम स्थिर जुइ।[1] मेमेगु थासय् यक्व हे स्थिर जुइ।	झ्यातुगु [2] भारं, विशेषयाना छुं म्हस्युगु धंगु पाय्, क्वथ्येलि बिले च्वापुहुर न्ह्यथने फु। छकलं तच्वःगु च्वापुहुरया अपेक्षा मजु।
3 - मध्यम	[1] यक्व पाःलाःगु थासय् च्वापु मध्यम कथं वा कमजोर रुपय् जक्क स्थिर।	यक्व पाःलाःगु थासय् याउंगु जक्क भार [2] लासां च्वापुहुर न्ह्यथनि। छुं पाःलाःगु थासय्, मध्यम वा तःधंगु चवापुहुर छकलं जुइफु।
4 - तच्वः	आपा पाःलागु थासय् [1] च्वापु यक्व स्थिर मजु।	याउंगु जक्क भारं[2] नं यक्व थासय् च्वापुहुर न्ह्यथनेफु। छुं थासय्, यक्व मध्यम वा गब्लें छकलं तच्वःगु च्वापुहुर जुइफु।
5 - सिक्क तच्वः	च्वापु न्ह्याबिले थें अस्थिर।	यक्व पाःमलूगु थासय् नं यक्व त-तधंगु च्वापुहुर जुइफु।

[1] स्थिरता:

• आपालं च्वापुहुर बुलेटिनय् (जाः, पक्ष, टेरेन आदिया बारेय्) विस्तारय् वर्णन जुइ।

[2] अतिरिक्त भार:

• झ्यातु: निम्ह वा निम्ह स्वया अप्व स्कियर वा बोर्डर स्पेसिंग मदयेक वा छम्ह पदयात्री वा पर्वतारोही, छागु ग्रुमिङ्ग मेशिन, च्वापुहुर ब्लास्टिङ्ग।
• याउंगु: छम्ह स्कियर वा स्नोबोर्दर मदसें smoothly linking turns, स्कियर वा स्नोबोर्दरतयेगु पुचः गनकि निम्ह मनुतयेगु दथुइ कम्तीं हे 10मि तापा,च्वापुलाकां न्ह्याना च्वंम्ह छम्ह मनु।

पाः:

• साधारण पाः: 30 ° स्वया म्हो धेचुगु।
• तस्वाःगु पाः: 30 °स्वया अप्व धेचुगु।
• सिक्क तस्वाःगु पाः: 35 ° स्वया अप्व धेचुगु।
• तस्कं हे तस्वाःगु पाः: (40° स्वया अप्व) घेचुगु, क्षेत्र प्रोफाइल, सिलिं स्वया गुलि तापाः, क्वसंया बुँ गुलि चुलु।

च्वापुहुरया आकार:

आकार	Runout	संभावित क्षति	भौतिक आकार
1 - स्लफ (Sluff)	म्हो च्वापु गुकिलिं मनुयात दुथुनि मखु तर दयेकेफु।	मनुतयेत अपेक्षाकृत हानिरहित	हाकः <50 मिटर मात्रा<100 m³
2 - म्हो	पाःया दुने हे क्वचाइ।	मनुयात दुथुने, घाःपाःयाये वा स्यायेफु।	हाकः <100 मिटर मात्रा <१,००० m³
3 - मध्यम	पाःया तुतितक्क थ्यं।	कार थुने वा स्यंकेफु, ट्रक स्यंकेफु, चिखाःगु छें थुनेफु सिमा त्वाल्हायेफु।	हाकः <1000 मिटर मात्रा <10,000 m³
4 - तच्वःगु	पाःया क्वसं लाइगु पाचुगु बुँइ (30° स्वया सिक्क म्हो धेचुगु) कम्तीइ 50 मिटर हाकः तक्क थ्यं, स्वनिगःया गालय् तक्क थ्यनेफु।	तःधंगु ट्रक, तःख्खागु छेँ, गुं लागा आदि थुने वा स्यंकेफु।	हाकः > 1000 मिटर मात्रा > 10,000 m³