जर्जिया

जर्जिया युरेसियाया काउकस क्षेत्रय् दूगु छगू देय् ख। थ्व देय् पूर्वी यूरोप व पश्चिम एशियाय् छगू अन्तरमहाद्वीपीय देय् खः। थ्व देय् काउकस क्षेत्रयय् ला, गुकिया पश्चिमय् कृष्ण सागर, उत्तर व उत्तर-पूर्वय् रूस, दक्षिण-पश्चिमय् तर्की, दक्षिणय् आर्मेनिया व दक्षिण-पूर्वय् अजरबैजान ला। जर्जियाया क्षेत्रफल ६९,७०० वर्ग किलोमीटर (२६,९०० वर्ग माइल) दु। थ्व देय्या जनसंख्या ३.७ मिलियन दु, गुकिया १/३ स्वया अप्व मनू राजधानी व दकले तःधंगु नगर त्बिलिसीइ दु। जर्जियामि थ्व क्षेत्रया मूल निवासी खः। देय्या मनूल्याय् बाहुल्य थ्व हे जातिया मनू दु। नापं, थ्व देय्या नां नं थ्व हे जाति च्वनिगु थाय्या नामं वःगु खः। जर्जियाय् प्रागैतिहासिक कालं निसें मनूतेगु बस्ती दयाच्वन। प्रागैतिहासिक कालया अय्ला, लुं, वसः आदि वस्तुया अवशेष थन लूगु दु। शास्त्रीय युगय् यक्व राज्यतेगु उदय जुल, दसु: कोल्चिस व इबेरिया। थ्व राज्यतेसं आधुनिक जर्जियन राज्यया केन्द्र दयेकल। ४गू शताब्दीया शुरुआतय् जर्जियामि मनूतेसं आधिकारिक कथं ईसाई धर्म हनाहल, गुकिलिं जर्जिया साम्राज्यया एकीकरणय् योगदान बिलः। जुजु देभिद चतुर्थ व लानी तामारया शासनकालय् जर्जिया उच्च मध्य युग बिले थःगु स्वर्ण युगय् थ्यन। १५गू शताब्दीया शुरुआतय् राज्यया पतन न्ह्यथन व बिस्कं मंगोल, अटोमन साम्राज्य, पर्सिया नापं थीथी क्षेत्रीय शक्तितेगु दबावय् विघटित जुल व सन् १८०१य् रूसी साम्राज्यय् बिलय जुल।

საქართველო
Georgia

राष्ट्रीय चिं जर्जियायागु ध्वांय राष्ट्रीय चिं
म्ये: Tavisupleba ("Freedom")
जर्जियायागु नक्सा
राजधानी	त्बिलिसी 41°43′N 44°47′E
तधंगु सहर	त्बिलिसी
औपचारिक भाय	Georgian
सरकार	Unitary republic
- President	Giorgi Margvelashvili
- Prime Minister	Nikoloz Gilauri
Consolidation
- Establishment of first Georgian Kingdoms of Colchis and Iberia	c.2000 BC
- Establishment of unified Georgian Kingdom	1008 AD
- Establishment of Democratic Republic of Georgia	May 26 1918
- Independence from the Soviet Union
- Declared	March 11 1990
- Recognized	September 6 1991
- Completed	December 25 1991
क्षेत्रफल
- फुकं	69,700 किमि² (121st)
	(26,912 वर्ग माइल)
जनसंख्या
- 2005 एस्टिमेटेड	4,474,404 (117th1)
- जनघनत्व	64/किमि² (129) (166/वर्ग माइल)
कुल ग्राहस्थ उत्पादन (पि पि पि)	2005 एस्टिमेट
- फुकं	$15.5 billion (122nd)
- प्रति छ्यं	$3,616 (120th)
मुद्रा	Lari (ლ) (GEL)
ई क्षेत्र	MSK (UTC+3)
- वर्खा (DST)	MSD (UTC+4)
इन्टरनेट TLD	.ge
कलिंग कोड	+995
1 Population figure excludes Abkhazia and South Ossetia.

सन् १९१७स रूसी क्रान्ति धुंका सन् १९८०या दशकय् छगू स्वतन्त्रता आन्दोलन बुयावल। थुकिया लिच्वः कथं अप्रिल १९९१स जर्जिया सोभियत संघं बायावन। थ्व धुंकाया दशकया अधिकांश समयय् थ्व देसं आर्थिक संकट, राजनीतिक अस्थिरता व अबकाजिया व दक्षिण ओसेशियाय् देय् विभाजनया गृहयुद्ध खन। सन् २००३स शान्तिपूर्ण रोज क्रान्ति धुंका जर्जियां युरोपीयन युनियन संघ व नेतोय् सदस्यताया निंतिं लोकतांत्रिक व आर्थिक सुधारतेगु छझ्वः ज्याझ्वः शुरु यात। थ्व कुतःया कारणं रूस नाप थ्व देय्या स्वापू स्यना वन, गुकिया लिच्वः कथं सन् २००८स रुसो-जर्जियन युद्ध जुल व जर्जियाया छुं भूभागय् रूसी कब्जा जुल।

जर्जिया छगू प्रतिनिधित्मक लोकतन्त्र खः। थन एकात्मक संसदीय गणराज्यया शासन संरचना दु। थ्व छगू विकासशील देय् खः गनया मानव विकास सूचकांक समुच्च दु। थ्व देय् यक्व अन्तरराष्ट्रीय संगठनतेगु सदस्य नं ख, गुकिलि काउन्सिल अफ युरोप, यूरोकन्ट्रोल, बीएसइसी, जीयूएएम, एनर्जी कम्युनिटी आदि ला। एसोसिएशन ट्रायोया भागया रूपं जर्जिया युरोपियन संघय् सदस्यताया निंतिं छगू उम्मेदवार जुयाच्वंगु अवस्था दु।