डब्लिन सिटी काउन्सिल

डब्लिन सिटी काउन्सिल ( आइरिश : Comhairle Cathrach Bhaile Átha Cliath ) गणतन्त्र आयरल्याण्डया डब्लिन नगरया स्थानीय प्राधिकरण ख । नगर परिषदया रुपय् थ्व स्थानीय सरकार ऐन २००१ पाखें शासित जुइ। सन् २००१ तक्क थ्व प्राधिकरणयात डब्लिन कर्पोरेशनया नामं म्हसीकिगु या। परिषद् सार्वजनिक आवास व समुदाय, सडक व यातायात, नगर योजना व विकास, सुविधा व तजिलजि व वातावरणया निंतिं जिम्मेवार जुइ। थ्व परिषदय् ६३ म्ह निर्वाचित दुजः दु व थ्व परिषद आयरल्याण्डया दकलय् तःधंगु स्थानीय परिषद ख। थन न्यादँय् छक्वः प्रत्यक्ष बालिग मताधिकारं निर्वाचन जुइ। परिषदया प्रमुखयात लर्ड मेयरया सम्मानजनक उपाधिं नालेगु या। काउन्सिलया बैठक सिटी हल, डब्लिनय् जुइ ।

डब्लिन सिटी काउन्सिल Comhairle Cathrach Bhaile Átha Cliath
Logo
Type
Type	City council
Leadership
Lord Mayor	James Geoghegan, FG
Chief Executive	Richard Shakespeare
Structure
Seats	63
Elections
Voting system	Single transferable vote
Last election	7 June 2024
Motto
Latin: Obedientia Civium Urbis Felicitas "The Obedience of the citizens produces a happy city"
Meeting place
City Hall, Dublin
Website
dublincity.ie

वैधानिक प्रावधान

डब्लिनया स्थानीय सरकारयात स्थानीय सरकार ऐन २००१नं नियमन याइ। थुकिं पुलांगु डब्लिन कर्पोरेशनया नां हिलाः आःया डब्लिन नगर परिषदया उपाधि तयेगु व्यवस्था याःगु दु। डब्लिन नगर परिषदं पूर्वी व मिडल्याण्ड क्षेत्रीय सभाय् ७म्ह प्रतिनिधि छ्वइ। थ्व सभा राज्यया स्वंगू सभाय् छगू ख।

डब्लिन शहरया सीमा फिंगल, दक्षिण डब्लिन व डन लाओघैर–राथडाउन (Dún Laoghaire–Rathdown) काउन्टी नाप ला। थ्व प्यंगू स्थानीय सरकार क्षेत्रं परम्परागत डब्लिन डब्लिन दयेकी। सन् २०१३य् फिङ्गल त्वता डब्लिनया फुक्क परिषद्तेसं डब्लिन महानगर क्षेत्र छम्ह कार्यकारी मेयरया पद दयेकेयात समर्थन यात। थुकिया निंतिं योजना दयेकेत छगू नागरिक सभा दयेकूगु दु।

इतिहास

सन् १८४१ स्वया न्ह्यः डब्लिनया प्रशासनिक व सरकारी व्यवस्थायात डब्लिन कर्पोरेशनया नामं म्हसीकिगु या। थ्व निगु-सदनीय संस्था ख गुकिलि "हाउस अफ एल्डरमेन" व मेगु "हाउस अफ शेरिफ एण्ड कमन्स" दयाच्वन। नगर निगम (आयरल्याण्ड) ऐन १८४० अन्तर्गत , इमिगु थासय् छगू सदनीय सभां प्रतिस्थापन यात। छगू सदनीय सभाया निंतिं डब्लिन सिटी काउन्सिल नां प्रस्तावित जुल। डब्लिनया लर्ड मेयरं सभाया अध्यक्षता यानादीगु खः। थ्व ज्याकुथि सन् १६६५ निसें दयावल। न्हापांगु नगर काउन्सिल सन् १८४१या अक्टोबरय् ड्यानियल ओकोनेल न्हापांम्ह लर्ड मेयर जुल। १ ज्यानुवरी २००२ निसें स्थानीय सरकारया ज्या डब्लिन नगर परिषदय् हस्तान्तरण जुल। थःगु नां हिलेगु ब्वयेत नगर परिषदं न्हुगु लोगो व ब्राण्ड पहिचानयात नालाकाल। थ्व न्हूगु लोगो प्राचीन "स्वंगु किल्ला" (three castles) चिंया सरलीकृत संस्करणय् आधारित दु।