डिसेन्टरी

डिसेन्टरी छगू प्रकारया आन्द्राया इन्फ्लामेटरी अवस्था ख गुकिलि आपालं कोलोनयात असर याइ व थुकिया लिच्वया कथं तच्वःगु म्युकस व/वा हि दूगु झारा जुइ। थ्व ल्वय्‌यात निदान मयासा प्राणघातक जुइफु।

डिसेन्टरी
वर्गीकरण व पिनेयागु श्रोत

ICD-10	A03.9, A06.0, A07.9
ICD-9	004, 007.9, 009.0
MeSH	D004403

लक्षण व जटिलता

थ्व ल्वेया लक्षणय् यक्व खि फायेमाःगु, व छुं अवस्थाय् हि बान्ता यायेगु ख। खि फाये माःगु जुइगुया फ्रिक्वेन्सी, खिया मात्रा, व हि/म्युकसया मात्रा संक्रमण याइगु जीव कथं जुइ।

कारक

डिसेन्टरी प्रायः ब्याक्टेरियल, प्रोटोजुआन वा परजीवी किमि दाया जुइयः। छुं रसायनिक इरिटेन्ट व भाइरल इन्फेक्सनं नं डिसेन्टरी याइ। दक्ले आपालं थ्व ल्वेया कारक शिगेल्ला पुचःया ब्यासिलस व एन्टेमोइबा हिस्टोलाइटिका धाःगु अमिबा ख। ब्याक्टेरियां याःसा डिसेन्टरीयात ब्यासिलरी धाइ धाःसा अमिबां यासा डिसेन्टरीयात अमिबिक डिसेन्टरी धाइ।