तँसा दिं क्यंगु दँ

इस्वि सम्बतEdit

इस्वि सम्बतय् फेब्रुअरीसं छन्हु तनां तँसा दिं क्यनिं । थ्व खुनु फेब्रुअरी २९ जुइ ।

नेपाल सम्बतय्Edit

दँय् दसं नेपाल सम्बतया न्हापांगु न्यालाय् लच्छिइ स्वीन्हु न्हिल्याः दइ । अन चौला खुनु नीगुन्हु दइ । बछला निसें कौला ताक्क लच्छिइ स्वीछन्हु दइ । थथे दँय् दसं न्हिल्याः कथंया नेपाल सम्बतय् ३६५ दिं दइ । अयेनं बँग्वारां सुर्द्यः चाःहिलेगु पायेछि ई ३६५ दिं मखु । दँय् दँय् ३६५ दिं जक्क दत कि उगु सम्बत बास्तविक इलं पापां वनिं । अज्याः 'तँसा दिं क्यंगु दँ' ल्याःचाः यानां चौलां छन्हु अप्वः तयेगु याइ । थथे तँसा दिं गूगु दँय् तयेगु धकाः ल्याःचाः तइ । तँसा दिं गूगु दँय् तयेगु धकाः थुकथं ल्याः खाइ ।

  • उगू दँया ल्याः ४ पाखें पायेछि ब्वथलेजीमाल । ४ पाखें पायेछि ब्वथलेमज्यू सा वदँय् तँसा दिं क्यनिंमखु ।
  • ४ पाखें पायेछि ब्वथालेज्यूसा हाकनं १०० पाखें ब्वथलेमाः ।
  • ४ पाखें पायेछि ब्वथलाः नं हाकनं १०० पाखें पायेछि ब्वथलेमजिल धाःसा तिनि उगु दँय् तँसा दिं क्यनिं ।
  • ४ पाखें पायेछि ब्वथलाः, १०० पाखें नं पायेछि ब्वथलेजिल धाःसा ४०० पाखें हाकनं ब्वथलेमाः । अथे हाकनं ४०० पाखें पायेछि ब्वथलेजिल धाःसा तिनि उगु दँय् तँसा दिं क्यनिं ।