तारिम स्वनिगः

 

तारिम स्वनिगः (चीनी भासय्: 塔里木盆地) चीनया उत्तरपश्चिमय् सिन्जियाङ प्रान्तइ अवस्थित छगू भूभाग खः। थ्व भूभाग ८८९ द्व वर्ग किलोमिटर क्षेत्रफलय् दयाच्वंगु दु। चीनया सिन्जियांग क्षेत्रय् स्थित थ्व थाय्यात गबिलें थ्व प्रान्तया दक्षिणी भाग (दक्षिण सिन्जाङ वा नानजिआङ्ग) धकाः नं धायेगु याइ धाःसा थ्व प्रान्तया उत्तर भागयात जिंगुरिया वा बेइजिलांग धाइगु या। प्रदेशया उत्तरी सीमा तियान्शान पर्वःझ्वः व दक्षिणि सिमा सँदेय्या पठारय् स्थित कुन्ह्लुन पर्वः ला। ताक्लामकान मरुभूमि थ्व स्वनिगःया अधिकांश भागय् दयाच्वंगु दु। तारिम स्वनिगःया ऐतिहासिक उइघुर नां अल्तिशाहर (उईगुः: آلتی شهر, चीनी भाषाय् 六城) ख, थ्व नांया उइघुर खँग्वःया अर्थ 'खुगु नगर' ख। थ्व क्षेत्रयात चिधं बुखारा वा चिधं बुखारिया धका नं म्हसीकिगु या।

भौगोलिक अवस्था व सिन्जियांगया स्वापू

तारिम बेसिन मध्य एशियाय् खेँ आकारय् दूगु मरुभूमि खः ।

शिनजियांग भौगोलिक, ऐतिहासिक व जातीय रुपय् पृथक निता क्षेत्र स्वाना दयाच्वंगु दु। थ्व क्षेत्रतेगु थीथी ऐतिहासिक नां दयाच्वंगु दु। थ्व निगु मू क्षेत्र Dzungaria (जुन्गारीया) व तारिम स्वनिगः (अल्तिशहर) ख। चिंग राजवंशं थ्व निता क्षेत्रयात स्वाना सन् १८९४स शिनजियांग प्रान्त पलिस्था याःगु खः। सन् १७५९स चिंगतेगु अधिग्रहणया इलय् जुंगारिया लागाय् मंगोलिक भासा ल्हाना सँदेय् बुद्ध धर्म पालन याइपिं व घाँय् ख्यलय् पशुचरनया लजगा यानाच्वंपिं जुंगार (Dzungars) जाति दयाच्वन , धाःसा तारिम स्वनिगलय् दूगु ओएसिसय् स्थायी बसोबास यानाच्वंपिं तुर्किक भाय् ल्हाइपिं व बुंज्या याइपिं उइघुर मुस्मांत दयाच्वन।. थ्व निता लागा सन् १८८४स प्रान्तया पलिस्था स्वया न्ह्यः पृथक रुपं संचालित जुयाच्वन।

तारिम स्वनिगःया थाय्बाय्

 

भौतिक मानकिपाय् तियन शान पर्वःझ्वलं जुंगारिया व तारिम स्वनिगः (ताक्लामकन)यात बायातःगु खनेदु।

उत्तर खण्ड

चिनियामितेसं थ्व क्षेत्रयात तिएन शान् नान लु वा तिएन शान दक्षिण मार्ग धकाः म्हसीकिगु या धाःसा पर्वःया उत्तरयात बेइ लू धका धाइ। थ्व खण्डय् आधुनिक राजमार्ग व रेललं दयेकेगु ज्या जूगु दु धाःसा मध्य तरिम् खुसि करीब १०० कि.मि दक्षिणय् दयाच्वंगु दु।  थ्व ख्यलं जुइपिं बनेज्यापिंतेगु कारवान पर्वः पुलेन्ह्यः काश्गरय् नापलाइ। थनया मू थासय बाचु वा मिरालबाची; उचटुरपान मुख्य सडकया उत्तरय्, अक्सु तःधंगु अक्सु खुसि नापं ला। कुचा छगू ईलय् महत्वपूर्ण राज्य जुयाच्वन। लन्ताई: कोर्ला आःया इलय् तःधंगु नगर जूगु दु, थ्व नगर बोस्तेन ताल नापंला। तुर्पान - तुर्पान गाःया उत्तरय् व बुगदा श्यानया दक्षिणय ला धाःसा हामी एंशी व गान्सु करिदोरया दक्षिणपूर्वय ला।