द सिम्प्सनस् (सीजन १)

अमेरिकी एनिमेटेड सिटकम द सिम्पसनया न्हापांगु सिजन सन् १९८९ डिसेम्बर १७ निसें १९९० मे १३ तक फक्सय् प्रसारण जूगु खःसा थुकिया प्रिमियर क्रिसमसया विशेष "सिम्पसन रोस्टिङ अन एन ओपन फायर" नापं जूगु खः। न्हापांगु निर्माण सिजनया कार्यकारी निर्माता म्याट ग्रोनिङ, जेम्स एल ब्रुक्स व स्याम साइमन ख। थ्व ग्रेसी फिल्म्स व त्वेन्तिथ सेन्चुरी फक्स टेलिभिजनं दयेकूगु ख।

थ्व झ्वः मूल रुपं सन् १९८९या शरद ऋतुइ "सम एनचान्टेड इभनिङ" नांया एपिसोड (गुकिया मू मू पात्रतेगु परिचय बीगु ज्या जुल) नापं डेब्यु यायेगु निंतिं दयेकूगु ख, तर थ्व एपिसोडया न्हापांगु स्क्रिनिङया इलय् निर्मातातेसं एनिमेशन थुलि बांमलाःगु लुइकल कि ७०% एपिसोडयात हाकनं दयेकेमाःगु आवश्यकता जुल।