पेले
पेले हवाई धर्मय् ज्वालामुखी व मिया देवी व हवाई टापुया निर्माता ख। वय्कःयात सम्मानया रुपय् "तुतु पेले" (मय्जु पेले) धकाः म्हसीकिगु या। वय्कः हवाई पौराणिक बाखन्य् दुने छम्ह नांजाःम्ह द्यः ख। प्राचीन हवाईया संस्कारय् वर्तमानय् दयाच्वंगु तजिलजिइ वय्कःया सांस्कृतिक प्रभाव नांजाः। देवीया मेमेगु नां पेले-होनुआ-मेआ ("पवित्र भूमिया पेले") व का वाहिने ʻऐ होनुआ ("पृथ्वी नइम्ह मिसा") ला।
| पेले | |
|---|---|
| ज्वालामुखी व मिया देवी | |
| या दुजः | |
 पेलेया किपा, किपामि डी हावर्ड हिचकक (करिब सन् १९२९) | |
| Abode | हलेमाउमाउ |
| Symbol | मि, ज्वालामुखी |
| अबु/मां | हौमेआ कु-वाहा-इलो |
| Siblings | हिइआका नामका कापो कामोहोलि काने मिलोहाइ |
देवी पेलेया थी-थी बाखनय्, वय्कःया जन्म हौमेया नांयाम्ह मिसाया आत्मां जूगु ख। वय्कःया जन्म पापा (वा पृथ्वी मां) व वाकेआ (सर्ग/आकाश अबु)या मचाया रुपय् जूगु ख। वय्कःया मां व अबु हवाइमि परम्पराय् परम प्राणीया सन्तानया रुपय् जूगु ख। पेलेयात "पवित्र भूमियात आकार बीम्ह" धका नं म्हसीकिगु या व थ्व खँ प्राचीन हवाईया म्येय् हालातःगु दु। पेलेया बारेय् दकलय् न्हापां पिदंगु बाखं विलियम एलिसं च्वयादीगु ख।