फ्रान्सेस् मारियोन
फ्रान्सेस मारियोन (नोभेम्बर १८, १८८८[१] - मे १२, १९७३) छम्ह अमेरिकी पत्रकार, च्वमि, व स्क्रिनराइटर ख। वय्कःयात जुन म्याथिस व अनिता लूसनापं २०गु शताब्दीया दक्ले नांजापिं मिसा स्क्रिनराइटरय् नालेगु या।
| फ्रान्सेस मारियोन | |
| किपा:Frances Marion.jpg | |
| जंको नां | मेरियोन बेन्सन ओवेन्स् |
| बुगु | नोभेम्बर 18, सन् 1888 |
| मदुगु | मे 12, 1973 (आयु 84) |
| तिरिमयजु/ तिरिभाजु | फ्रेड टम्सन (१९१९-१९२८) जर्ज डब्लु हिल (१९३०-१९३३) |
| एकेडेमी सिरपा | |
|---|---|
| एकेदेमी अवार्ड फर बेस्ट स्टोरी १९३० द बिग हाउस १९३२ द च्याम्प | |
जीवनी
सम्पादनम्यारियन बेन्सन ओवेन्सया नामं स्यान फ्रान्सिस्को, क्यालिफोर्नियाय् बुयादिम्ह वय्कःलं दक्ले न्ह्यः पत्रकारया रुपं ज्या यानादिल व लिपा वर्ल्ड वार १ बिले समुद्रपारी कम्ब्याट अरेस्पोन्डेन्टया कथं ज्या यानादिल। युद्धं लिहां झायेधुंका वय्कः लस एञ्जेल्सय् च्वनादिल व संकिपा पायोनियर लुइस विबरजुं न्ह्यथनादिगु "लुइस् विबर प्रडक्सन"य् एसिस्टेन्ट च्वमिया रुपय् ज्या न्ह्यथनादिल।
"फ्रान्सेस मेरियोन"या रुपय् वय्कलं कलाकार /फिल्ममेकर मेरी पिक्फर्डया निंतिं यक्व स्क्रिनप्ले च्वयादिल गुकिलि रेबेका अफ सन्नीब्रुक फार्म (१९१७ संकिपा व द पोर लिटल रिच गर्ल ला, नापं वय्कलं सन् १९२० व सन् १९३०या दशकय् यक्व मेमेगु सफल संकिपाया स्क्रिप्ट च्वयादिल। सन् १९३०य् द बिग हाउस संकिपाया निंतिं वय्कः बेस्ट स्क्रिपप्लेय् एकेडेमी एवार्ड त्याइम्ह दक्ले न्हापाम्ह मिसा नं जुयादिल। वय्कलं सन् १९३२इ द च्याम्पया निंतिं एकेदेमी अवार्ड फर बेस्ट स्टोरी नं त्यानादिल। वय्कलं ३०० स्क्रिप्ट च्वयादिल गुकिलि १३० स्क्रिप्टया संकिपा देकेधुंकुगु दु। वय्कलं मेरी पिक्फर्डया प्रारम्भिक संकिपात निर्देशन यायेगु व गब्लें गब्लें कलाकारया कथं म्हितिगु ज्या नं यानादिल।
वय्कलं प्यकः इहिपा यानादिल। वय्कलं थःगु नां हिलेस्वया न्ह्यः दक्ले न्ह्यः वेस्ले दे ल्याप व लिपा रोबर्ट पाइकनाप इहिपा यानादिल। सम् १९१९य् वय्कलं फ्रेड टम्सन (मेरी पिक्फर्डनाप सम् १९२१इ द लभ लाइटय् म्हितिम्ह कलाकार) नाप इहिपा यानादिल। टम्सनय् सम् १९२८य् असामयिक निधन जुइधुंका वय्कलं निर्देशक जर्ज डब्लु हिलनाप सम् १९३०इ इहिपा यानादिल, तर थ्व इहिपा सम् १९३३इ डिभोर्सया रुपय् क्वचाल।
वय्कः यक्व दं तक्क एम जि एम स्टुडियोनाप कन्ट्राक्टय् ज्या यानादिल। हलिवूडं यक्व ध्येबा देकेधुंका वय्कलं सम् १९४६इ हलिवूड त्वःता दबू नाटक व उपन्यास च्वेगुलि यक्व ई बियादिल।
फ्रान्सेस मेरियनं सम् १९७२इ छगू मेमोआ अफ् विथ देय्र हेड्स्: अ सिरियो-कमिक टेल अफ हलिवूड प्रकाशित यानादिल व सम् १९७३इ मदियादिल।
लिपा
सम्पादनच्वमि केरी बिउच्याम्पजुं वय्कःया बारेय् विथआउट लाइङ्ग डाउन: फ्रान्सेस मेरियोन एण्ड द पावर अफ वुमिन इन हलिवूड धाःगु सफू १९९७य् प्रकाशित यानादिल। थ्व सफू न्यु यर्क टाइम्सया कथं छगू "नोतेबल सफू" ख। सन् २०००य् यु सि एल ए फिल्म एण्ड टेलेभिजन आर्काइभया ग्वहालिइ थ्व सफूया आधारय् छगू वृतचित्र संकिपाया देकेज्या जुल गुकियात टर्नर क्लासिक मुभिजं ब्रोडकास्ट यात।
संकिपा क्रेडिट
सम्पादन
|
|
प्रकाशित कृति
सम्पादन- Minnie Flynn NY:Boni and Liveright, (1925)
- The Secret Six. NY:Grosset & Dunlap, (1931)
- Valley People. NY:Reynal & Hitchock (1935)
- How to Write and Sell Film Stories. NY:Covici - Friede, (1937)
- Molly, Bless Her. NY:Grosset & Dunlap, (1937)
- Westward The Dream Garden City:Doubleday, (1948)
- The Passions of Linda Lane. NY: Diversey Publications, (1949)
- The Powder Keg. Boston:Little, Brown & Co., (1953)
- Off With Their Heads: A Serio-Comic Tale of Hollywood. NY:The MacMillan Company, (1972)
पिनेया स्वापू
सम्पादनलिधंसा
सम्पादननोट
सम्पादन- ↑ Beauchamp. 1997
बिब्लोग्राफी
सम्पादन- Beauchamp, C. Marion, Frances. American National Biography Online, February 2000.
- Beauchamp, Cari (1997). Without lying down: Frances Marion and the powerful women of early Hollywood. Berkeley: University of California Press.
| Persondata | |
|---|---|
| नां | Marion, Frances |
| मेमेगु नां | Owens, Marion Benson |
| चीहाकःगु विवरण | Writer, Screenwriter |
| बुगु तिथि | November 18 1888 |
| बुगु थाय् | San Francisco, California,  United States
|
| मदुगु तिथि | May 12 1973 |
| मदुगु थाय् | |