बंगलादेशया भूगोल

दक्षिण एशियाया तःधंगु खुसि गङ्गा खुसि व ब्रह्मपुत्रं देकूगु देल्टाय् बंगलादेश ला। भौगलिक रुपय् बंगलादेश दक्षिण एशियाय्‌ भारत व म्यानमारया दथुइ ला। थ्व दे‌या क्षेत्रफल १ लख ४७ द्व ५७० वर्ग किलोमिटर दु। बंगलादेशया पश्चिम व उत्तरय् भारत, पूर्वय् भारत व म्यानमार व दखिनय् बंगाली खाडी ला। बंगलादेशया पश्चिमय् भारतया पश्चिम बङ्गाल राज्य, उत्तरय् पश्चिमबङ्गाल, आसाम, मेघालय राज्य, पूर्वय् आसाम, त्रिपुरा, मिजोराम। व म्यान्मार (बर्मा) नाप सीमा दु। दक्षिणय् बङ्गालया खाडी ला। बङ्गलादेशया सीमायार ४,२४६ किलोमिटरय् ९४ प्रतिशत (९४%) भारतनाप व ६ प्रतिशत म्यानमारनाप दु। बांलादेशया तटरेखाया हाकः ५८० किलोमिटर दु।

स्यटेलाइटं काःगु बंगलादेशया किपा

बंगलादेशया अधिकांश इलाका समूद्र सतह स्वया १० मिटर जक्क च्वे ला। समुद्र सतह १ मिटर जक्क व्रृदि जुसां थ्व देय्‌या ५०% इलाका लखे दुने लाःवनि। बंगलादेशया उच्चतम थाय्‌ देय्‌या दक्षिण-पूर्वाञ्चलय् दूगु पार्वत्य चट्टग्राम ख। थ्व छगू मोडक पर्वत श्रृङ्खलाया च्वका ख थुकिया जाः १,०५२ मिटर (३,४५१ फुट) दु। बङ्गालया खाडीइ दूगु सुन्दरबन हलिमया दक्ले तःधंगु म्यानग्रोभ वन ख। थ्व थासय् रोयल बंगाल धुं, चित्तल हरिण आदि यक्व प्रकारया प्राणीतेसं बसोबास याइ। १९९७य् थ्व थाय्‌यात विश्व सम्पदा सूचीइ सूचीकृत यात।

बांलादेशया जलवायु सबट्रपिकल दु। थ्व देशय् ६गु ऋतु दु-ग्रीष्म, वर्खा, शरद, हेमन्त, शीत व वसन्त। थनया वार्षिक वृष्टि १५००-२५००मि.मि./६०-१००इञ्च दु; पूर्वी लागाय्‌ थ्व मात्रा ३७५० मि.मि./१५०इञ्च अप्व। बंगलादेशय दथुं कर्कट रेखा वनि। नोभेम्बर निसें मार्चतक्क थन शीत मौसम,मार्च निसें जुन तक्क ग्रीष्म काल, जुन निसें अक्टोबर तक्क बर्षा मौसम दै। व‍खाय् मौसमी वायुं थन प्रचुर वृष्टि जुइ। वा अप्व वया थन प्राकृतिक प्रकोप दसु चलः, टोर्नेडो आदि वनिगु या।

स्वयादिसँ

• बंगलादेश