बुलुबुलु
बुलुबुलु वा बुलुबुलु वइगु (लातिन nausea, ग्रीक भाषा ναυσία - nausia नं[१] "ναυτία" - nautia, मोसन सिकनेस"[२][३]) छता मफूगु व याउंसे मच्वंगु अवस्था ख। थुकिलि प्वाया च्वयेया भागय् मफुथें जुया ल्ह्वयेमाथें च्वनि। [४] थ्व अवस्था आपालं ल्ह्वये स्वया न्ह्यः खनेदै तर न्ह्याबिलें अथे मजुइ नं फु।
_-_Foto_Giovanni_Dall%27Orto,_6-Dec-2007-cropped.jpg) सन् १६८१स ल्ह्वयाच्वंम्ह मनुया किपा | |
| ICD-10 | R11. |
|---|---|
| ICD-9 | 787.0 |
यक्व ल्वय्य् बुलुबुलु वइगु जुगुलिं थ्व छता अस्पष्ट लक्षण ख। थ्व लक्षण खनेसाथ कि हे थ्व हे ल्वय् जूगु धका धाये छिनि मखु। बुलुबुलु वइगुया छुं कारणय् मोसन सिकनेस, इकुइगु, माइग्रेन, मुर्छा, प्वाथय् संक्रमण आदि ला। यक्व वासःया साइद इफेक्तया रुपय् बुलुबुलु मिनेफु, दसु-क्यान्सरया वासः। ग्याना, घचाना, दिप्रेसनय् वना नं बुलुबुलु वयेफु। [५][६][७]
बुलुबुलु मवयेकेत बीगु वासःतयेत एन्तिएमेतिक धाइ। थ्व पुचलय् दाइफेनहाइद्रामिन, मेतोक्लोप्रामाइद, अन्दान्सेत्रन आदि वासः ला।
लिधंसा
सम्पादन- ↑ ναυσία, Henry George Liddell, Robert Scott, A Greek-English Lexicon, on Perseus
- ↑ ναυτία, Henry George Liddell, Robert Scott, A Greek-English Lexicon, on Perseus
- ↑ Wamble definition. MedTerms Medical Dictionary.
- ↑ Cite error: Invalid
<ref>tag; no text was provided for refs namedAFP - ↑ Stress symptoms: Effects on your body, feelings and behavior. Mayo Clinic.
- ↑ Diagnostic Criteria: Clinical Guidelines for the Management of Anxiety. PubMed.
- ↑ Disease Information for Stress/Emotional/Physical: Clinical Manifestations.