बुल्गेरिया
बुल्गेरिया दक्षिण-पूर्व यूरोपय् स्थित देय् ख, गुकिया राजधानी सोफिया ख। देय्या सीमा उत्तरय् रोमानिया, पश्चिमय् सर्बिया व मेसेडोनिया, व दक्षिणय् ग्रीस व टर्कीनाप स्वा। पूर्वय् देय्या सीमा हाकुगु सागरं निर्धारित या। कला व प्रविधिनापं राजनैतिक दृष्टिं नं बुल्गेरियाया अस्तित्त्व न्यागुगु शताब्दीं निसें वःगु खनेदु। न्हापा बुल्गेरियन साम्राज्यं (632/681 - 1018) बाल्कन क्षेत्र जक्क मखुसें सकल पूर्वी युरोपयात थीथी कथं प्रभावित यात। बुल्गेरियन साम्राज्यया पतन धुंका थ्व थाय् उस्मान शासनया अधीनय् लावन। 1877-78स जूगु रुस-टर्की हतांः बुल्गेरिया राज्ययात पुन: स्थापित जुइत ग्वहालि यात। लिउ हलिम हताः धुंका बुल्गेरिया साम्यवादी राज्य व पूर्वी ब्लकया भाग जुवन। सन् 1989स क्रान्ति धुंका सन् 1990स साम्यवादीतयेगु सत्ताया एकाधिकार क्वचाल व देय् संसदीय गणराज्यया रूपय् न्ह्यथन। थ्व देय् सन् 2004स नेटोया व सन् 2007स युरोपियन युनियनया सदस्य जुल।
| म्ये: Mila Rodino ("यःगु जन्मभूमि") | |
 | |
| राजधानी | सोफिया |
| तधंगु सहर | सोफिया |
| औपचारिक भाय | बुल्गारियन |
| सरकार | संसदीय लोकतन्त्र |
| • राष्ट्रपति • प्रधानमन्त्री |
ज्योर्जी प्रावानोव (बीएसपी) सेर्गी स्टेनिशेव (बीएसपी) |
| स्वत्रन्तता • स्वायत्ता मिली • घोषणा |
ओटोमन साम्राज्य से मार्च ३, सन् १८७८ सेप्टेम्बर २२, सन् १९०८ |
| क्षेत्रफल | |
| - फुकं | 111,001.9 किमि² (102गु) |
| (42,858 वर्ग माइल) | |
| - लयागु प्रतिशत (%) | 0.3% |
| जनसंख्या | |
| - 2005 एस्टिमेटेड | 7,761,000 (92गु) |
| - 2001 सेन्सस् | 7,932,984 [१] |
| - जनघनत्व | 67गु/किमि² (100गु) (174/वर्ग माइल) |
| कुल ग्राहस्थ उत्पादन (पि पि पि) | 2005 एस्टिमेट |
| - फुकं | $62.292 बिलियन (64गु) |
| - प्रति छ्यं | $9,223 (66गु) |
| मुद्रा | लेभ (BGN)
|
| ई क्षेत्र | EET (UTC+2) |
| - वर्खा (DST) | EEST (UTC+3) |
| इन्टरनेट TLD | .bg |
| कलिंग कोड | +359
|
इतिहास
सम्पादनबुल्गेरिया यवन व इस्तानबुलया उत्तरय् दूगु प्राचीन मानव बस्ती ख। मोंटानानापं 6800दँ पुलांगु छगु अभिलेखय् प्यंगु पंक्तिइ छुँ 24 चिं लूगु दु- थुकियात ब्वने आःतक्क सम्भव मजुनि तर थुकिलिं थ्व अनुमान यायेछिं कि व इलं निसें थन मनुत च्वना वइच्वंगु दु। सन् 1972स हाकु सागरया तटय् स्थित वार्नाय् राजसी चिं दूगु लुंया खज़ाना लुत गुकिलि थन सिक्क न्ह्य हे राजतन्त्र दूगु अनुमान यायेछिं - तर थ्व राज्यया जातीय मूल आःतक्क मस्युनि।
सामान्यतया थ्रेसियनतयेत बुल्गारतयेगु पूर्ववर्ती नालेगु या। थ्रेसया मनुतयेसं ट्रॉइया हताः (1200 ईसापूर्व नापं)य् ब्वति काःगु खनेदु। थ्व धुंका 500 ईसापूर्व तक्क इमिगु छगु साम्राज्य पलिस्था जुल। अलेक्जेन्दरं 332 ईसापूर्वस थ्व थासय् थःगु अधिकार दयेकल व 46 इस्वीइ रोमनतयेसं थन थःगु अधिकार दयेकल। थ्व धुंका एसियाया यक्व पुचःतयेगु आगमन न्ह्यथन। स्लाभ जातिया मनुतयेसं सन् 581स बैजनटाइनया रोमन साम्राज्यनाप शान्ति समझौताय् हस्ताक्षर यात। सन् 864स बोरिस प्रथमं अर्थोडक्स (परंपरावादी) ईसाइयात राजधर्म दयेकल व सीरीलिक लिपियात नालाकाल। अरबतयेगु सेनातयेत बुकाबिल।
सन् 1018 तक्क बुल्गार साम्राज्यया अन्त बैजनटाइन आक्रमणं जुवन। सन् 1185 निसें 1360 तक्क निक्वःगु बुल्गार साम्राज्यया राज्य दवन। थ्व धुंका उस्मानी (औटोमन) टर्क मनुतयेसं थन थःगु अधिकार दयेकल। सन् 1877स रूसं अटोमन साम्राज्यय् हमला याना इमित बुका छ्वल। सन् 1878स स्वंगुगु बुल्गार साम्राज्यया उदय जुल। सन् 1980स टर्कतयेगु विरुद्ध न्ह्यथंगु अभियानया हुनिइ 30000 टर्क बुल्गेरिया त्वता टर्कीइ वन। थुकिया निगु दशक न्ह्यः ग्रीसय् नं थन्याःगु अभियान जूगु ख। सन् 1989स थन कम्युनिस्ट पार्टीया नायु कचा पलिस्था जुल।
स्वयादिसँ
सम्पादन- बुल्गेरिया (विकिस्नरी )
- एप्रिल विद्रोह
| विकिमिडिया मंका य् थ्व विषय नाप स्वापु दुगु मिडिया दु: Bulgaria |