बैजास
बैजास ( प्राचीन ग्रीक : Βύζας, Býzas) बैजान्टियम (प्राचीन ग्रीक: Βυζάντιον, Byzántion)या प्राचीन मिथक पलिस्थामि ख। थ्व नगर लिपा कन्स्ट्यान्टिनोपल व अनंलि वर्तमानय् इस्तानबुलया नामं म्हसीकिगु या।
| बैजास | |
|---|---|
| या दुजः | |
 बैजासया किपा दूगु सिक्का। बैजास बैजान्तियमया मिथक पलिस्थामि ख। सिक्का जुजु मार्कस अरिलियसया ईया ख (१६१-१८०)। | |
| अबु/मां | Keroessa and Poseidon or Semystra or King Nisos |
लिबँ
सम्पादनबैजान्टियमया पलिस्थाया इतिहास लिपाया बैजन्टाइन च्वमितेसं च्वयातःगु दु। थ्व बाखँ ६गु शताब्दीया च्वमि हेसिचियस अफ मिलेटसं कन्स्ट्यान्टिनोपलया पेट्रियाय् दकलय् अप्व संरक्षित यानातःगु दु। पेट्रियां नगर पलिस्थाया थीथी मिथक बाखँतेगु संस्करणत स्वथनातःगु दु। हेसिचियसया प्राथमिकताय् लाःगु विवरणय् थ्व नगरया नां आर्गिभ जुजुया म्ह्याय् इओपाखें वःगु धाइ। इओयात इनाचसं बलात्कार यात व अनंलि इओ साय् रुपान्तरण जुल। जिउस इओलिसे मतिनाय् लाःगु, अले जिउसया कला हेरां ईर्ष्याया झ्वलय् थ्यंबलय् इओयात छगू थासं मेगु थासय् ख्याना छ्वयेत छम्ह गाडफ्लाई (मिथक भुजिं) छ्वयाबिल। थ्रेसय् थ्यना इओं सेरोसायात बुइकल। सेरोसां पोसाइडन नाप बैजास बुकल। छगू मेगु बाखँ परम्परा कथं थ्व नगरया पलिस्था आर्गिभतेसं याःगु ख। इमिसं डेल्फीइ गोल्डेन हर्नया खँय् छगू ओरेकल प्राप्त याःसें नगर पलिस्था याःगु ख। मेगु दाबी कथं मेगारियनत (बैजाया नेतृत्वय्) नगर पलिस्था याःगु ख। अझ नं मेगु बाखनय् धयातःगु दु बैजास छम्ह स्थानीय अप्सरा, सेमिस्ट्राया काय् ख।
बैजन्टियमया पलिस्थामि
सम्पादनबैजन्टियम छगू प्राचीन ग्रीक उपनिवेश ख, गुकिलि कन्स्ट्यान्टिनोपल नगर दयेकूगु ख। बैजन्टियमया संस्थापक, बैजास, मेगाराया जुजु निसोसया काय् ख।
ईसापूर्व ७गु शताब्दीइ ग्रीक नगर-राज्यतेसं विस्तार याना न्हुगु उपनिवेश पलिस्था यानाच्वंगु जुल। एथेन्सया लिक्क लाःगु डोरियन नगर-राज्य मेगारां नं मेगु उपनिवेश दयेकेगु थाय् मालाच्वंगु जुल। डेल्फीया ओराकलयात न्यनेधुंका मेगारियन जुजु निसोसं थः काय् बैजासयात "अन्धा नगरया विपरीतया भूमि" मालेत छ्वल।
जब बैजास युरोप व एसियाया सीमाय् मार्मारा समुद्र बोस्पोरस नाप लाइगु थासय् थ्यन, वय्कलं ओरेकलया अर्थ थुल। एसियाली तटय्, वय्कः दुगु थाय्या विपरीत, छगू उपनिवेश, चाल्सेडन, न्हापा हे पलिस्था जुइधुंकूगु जुल। युरोपेली तटया फाइदा मकाःगुलिं चाल्सेडनयात हे ‘अन्धातय्गु नगर’ धकाः ओरेकलं धाःगु निर्णय बैजासं यानादिल।
थःगु न्हुगु नगर दयेकेगु निंतिं वय्कलं बोस्पोरसया दक्षिणी सिथय् युरोपेली तट ल्यया न्हुगु नगरयात थःगु नामं बैजान्सन नां बिल। लिपा बैजासं थ्रेसया जुजु वरभिजोस (वा वरभिसिओस)या म्ह्याय् फिदालिया नाप इहिपा यात। प्राचीन बैजान्सनया बासिन्दातेसं बैजायात थःगु संस्थापकया रुपय् काइगु व प्राचीन स्रोतया कथं नगरया छगू खनेदूगु थासय् बाइजा व वया कलाः फिदालियाया मूर्ति तयाः सम्मान यानातःगु दु।
प्राचीन मनुतेसं बैजन्टियनयात चाल्सेडन स्वया गुलि फाइदा दु धइगु तसकं बांलाक थुइकूगु खनेदु। बैजन्टियनया उपनिवेशं थःगु थाय्या कारणं निगु समुद्रया प्रवेशद्वार, कृष्ण सागर (बोस्पोरस समुद्र जुया) व एजियन सागर (मार्मारस सागर, गुकिया प्राचीन नां प्रोपोन्टिस खः)या ल-मार्ग नियन्त्रण यायेफत।
अपोलोनियन डेल्फीया पाइथियन ओरेकलया बाखं त्वता, ग्रीक भूगोलविद् व इतिहासकार स्ट्राबो (ईसा पूर्व ६३ - २३ ई.) व रोमन इतिहासकार ट्यासिटस (ई. १गु शताब्दी)या वर्णन कथं थ्व बाखंया मेमेगु संस्करण नं दु गुकिलि "कांपिं मनूत" बारे खँ कनातःगु दु। ग्रीक इतिहासकार हेरोडोटोस (५गु शताब्दी ईसापूर्व) नं च्वःगु दु कि फारसी जनरल मेगाबाजुस बाइजान्टियमय् थ्यंबलय् वं चाल्सेडोनया मनूतय्त कां धाःगु खः छाय् धाःसा इमिके थाय् ल्ययेगु विकल्प दुसां इमिसं बांमलाःगु थाय् ल्यःगु खः ।