भोत नगरपालिका

भोत नगरपालिका (अंग्रेजी:Banepa), नेपा:यागु बागमती अञ्चलयागु काभ्रे जिल्लायागु छगु नगरपालिका खः। भोतयागु मू देवी चण्डेश्वरी देवी ख। धनेश्वर देगः भोंतयागु १ किलोमितर दक्षिणे लाइ। भोतयात च्या म्ह गणेद्य यागु देय् नं धाइ।

भोत नगरपालिका
किपा:Nepal-map-blank (1).png भोत नगरपालिका
अञ्चल  - जिल्ला	बागमती  - काभ्रे
को-अर्डिनेट	27.63° N 85.52° E
लागा  - जा	५.५६ km²  - १४३९ m (४७२१ ft)
ई लागा	NST (UTC+५:४५)
जनसंख्या (२०११)  - जनघनत्व	२४,७६४  -
कोड  - पोस्टल  - Telephone  - गाडी	- ४५२१०  - +०११  -

भूगोल

थ्व थाययागु अक्षांश व देशान्तर खः 27.63° N 85.52° E ।समुद्र सतह स्वया थ्व थाय १४३९ मिटर (४७२१ फुट) च्वे ला।

जनसंख्या

नेपायागु दं २०११ यागु जनगणना कथं भोत नगरपालिका यागु जनसंख्या २४,७६४ खः।

इतिहास

भोतया इतिहास स्वेउबले थन बस्ती किरातकाल निसे खनेदु। ऊबले भोतयात भुजङ्ग धक धाइ। लिपा विक्रम सम्वत् ११५३ खे जुजु आनन्द देवं चण्डेश्वरी देवीया दर्शन काया न्हे गाँ मिलेयाना बनेपा न्हय् गाँ धका देय् दय्कल। व न्हे गाँ पिं थथे ख।

• चण्डेश्वरी पीठ न्ह्यने भोंत
• नाला भगवती नापं न्ह्यने नाला
• धनेश्वर न्ह्यने खम्पु(श्रीखण्डपुर)
• उत्तर प्रयाग धका पनाती
• नारांद्य न्ह्यने धौख्यः
• नासिका पीठ न्ह्यने सांगा
• चकोर ऋषी आश्रम न्ह्यने चौखट

भोंतया यक्व नां दु। व मध्ये छुं नां भोंदेय्, बन्हिकापुर, बनेपुर ख। "बने" धाउ "बनेज्या(व्यापार)" अले "पुर" धाइगु "देय्" ख। अय् जुया भोंतय् न्हापां निसें बनेज्या(व्यापार) यक्व जुइ धख नं सिए दु।

ऐतिहासिक थाय् व पुलांगु देय्

भोतयागु ऐतिहसिक रुप स्वसा पुलांगु देय् छगु नेवा बस्ती ख। थ्व पुलांगु देय् नगरपालिकाया बीचेलागु दु। पुलांगु देय् यात च्याम्ह गणेद्य नापं च्यागु पुखु व च्यागु फल्चा नं घेरेयागु दु।

च्या म्ह गणेद्य या नां थ्व कथं दु:

• तुकंप्व गणेद्य
• कोभः गणेद्य
• वकु गणेद्य
• क्वँ लाँ गणेद्य
• तलाःपुखु गणेद्य
• काँथु गणेद्य
• थाछु गणेद्य
• ज्यासःननी गणेद्य

नखः व जात्रा

भोतय् यक्व नखः व जात्रा हनी। थन हनीगु नख: व जात्रा थ्व कथं दु:

• चण्डेश्वरी जात्रा स्वाँया पुन्हि बले
• कन्या पूजा(मिसामचातय्‌त पुजा याय्गु), गुंला बलय्
• नवदुर्गा जात्रा(ङा ल्वाक्यु जात्रा)
• गणेद्य जात्रा मोहनीया दशमी बले
• भिन्द्य जात्रा