भोला जिल्ला
भोला जिल्ला बंगलादेशया छगू जिल्ला ख। थ्व जिल्ला दक्षिण-मध्य बंगलादेशया छगू प्रशासनिक जिल्ला ख। थ्व जिल्लाय् बंगलादेशया दकलय् तःधंगु टापु भोला टापु नं ला। थ्व थाय् बरिशाल विभागय् ला व थुकिया क्षेत्रफल ३,४०३.४८ किमि २ दु । थ्व जिल्लाया उत्तरय् लक्ष्मीपुर व बरिसाल , दक्षिणय् बंगालया खाडी, पूर्वय् लक्ष्मीपुर व नोआखाली जिल्ला नापं मेघना खुसि व शाहबाजपुर च्यानल, व पश्चिमय् पटुआखाली जिल्ला व तेतुलिया खुसि ला। भोलाया काचिया धाःगु थासय् करिब ४० करोड घन फीट (१ करोड १० लाख घन मिटर) प्राकृतिक ग्यास लुयावःगु दु गुकियात छगू विद्युत केन्द्र संकेतः छ्यलाच्वंगु दु।
| भोला जिल्ला | |
|---|---|
| — जिल्ला — | |
| देय् | बंगलादेश |
भोला जिल्लाया न्हापाया नां आशुतोष ख। जेसी ज्याकं थःगु "बेकरगंज गजेटियर"य् थ्व टापुया सृजना सन् १२३५इ न्ह्याःगु व थ्व थासय् १३००इ बुँज्या न्ह्याःगु खँ कनातःगु दु। १५००इ पोर्चुगिज व मोग समुद्री डाकूतेसं थ्व टापुइ थःगु अड्डा पलिस्था याःगु ख। अराकन व मोग समुद्री डाकूतेसं शाहबाजपुरया दक्षिणी भागय् नं थःगु अड्डा पलिस्था यात।
शाहबाजपुर सन् १८२२ तक्क बकरगंज जिल्लाया छगू भाग जुयाच्वन। १९गु शताब्दीया शुरुइ मेघना खुसिया विस्तारया कारणं जिल्ला मुख्यालयं दक्षिणी शाहजादपुर स्वायेत थाकुया वन। सरकारं अनंलि दक्षिण शाहबाजपुर व हाटियायात नोआखाली जिल्लाय् दुथ्याकेगु निर्णय यात। भोला सन् १८६९ तक्क नोआखालीइ लाःगु ख। १८६९य् उपविभागया रुपय् बरिसाल जिल्लाय् लाःगु ख। सन् १८७६य् प्रशासनिक मुख्यालय दौलतखानं भोलाय् स्थानान्तरण जुल। सन् १९८४य् थ्व जिल्लाया रुपय् पलिस्था जुल।
प्रशासनिक विभाजन
सम्पादन| उपजिल्लाया नां | युनियनया ल्या | क्षेत्रफल (किमि २ ) | जनसंख्या |
|---|---|---|---|
| भोला सदर उपजिल्ला | १३ | ४१३.१६ | ४३०,५२० |
| दौलतखान उपजिल्ला | ९ | ३१६.९९ | १६८,५६७ |
| बुर्हानुद्दिन उपजिल्ला | ९ | २८४.६७ | २३३,८६० |
| तजुमुद्दीन उपजिल्ला | ५ | ५१२.९२ | १२६,९४० |
| लालमोहन उपजिल्ला | ९ | ३९६.२४ | २८३,८८९ |
| चार फासन उपजिल्ला | २१ | ११०६.३१ | ४५६,४३७ |
| मनपुरा उपजिल्ला | ३ | ३७३.१९ | ७६,५८२ |
अर्थ
सम्पादनथन च्वंपिं मुक्कं मनुतेगु ८०% न्या लाःपिं ख। थ्व जिल्लाया मू आम्दानीया स्रोत थथे दु: बुंज्या ६३.६४%, गैरकृषि मजदूर ४.९५%, उद्योग ०.५०%, वाणिज्य १२.६७%, यातायात व संचार २.४७%, सेवा ५.७४%, निर्माण १.५५%, धार्मिक सेवा ०.३५% व मेमेगु ७.६९% । भौगोलिक अवस्थितिया कारणं थ्व जिल्लाय् तःधंगु उद्योग मदु। लिपांगु इलय् थन लाकां, प्लाष्टिक, मैन, टार आदि चिचीधंगु कारखानात स्थापना जूगु दु।
यातायात
सम्पादनथ्व जिल्लाय् रेल व विमानस्थल मदु व राजधानी नाप तप्यंक सतक स्वापू मदु। जलमार्ग यातायातया मू माध्यम ख। यातायातया निंतिं लःखः छ्यली । भोला ढाका निसें जलमार्गं १९५ कि.मि व सडकं २४७ कि.मि. तापाः। थन खुसिया मुक्कं क्षेत्रफल ११३३.४६ किमि २ दु । कुल सडक लम्बाई ३८९३.६५ कि.मि., कंक्रिट सडक ३००१.८ कि.मि., कच्ची सडक ८९९.८५ कि.मि. दु।
थनया प्रमुख प्रक्षेपण सेवा एमवी ग्रीनलाइन १ व २ एमवी भोला, तसरीफ, शोम्पोड, श्रीनगर, कर्णफुली, बलिया, एमवी परिजात व लाली खः । मौसमया आधारय् भोलानिसें लक्ष्मीपुरतक बंगलादेशया पश्चिम व पूर्वपाखे शक्तिशाली मेघना खुसि पार यानाः थीथी कथंया जहाज संचालन जुइ। शान्त चिकुलाया मौसमय् इलिशा बन्दरगाहं न्हिच्छियंकं चिचिधंगु जहाज व स्पीडबोट दइ, तर मनसुनया इलय् एमभी परिजात व सी-ट्रिक्स थेंज्याःगु तग्वःगु तटीय जहाज मेघना पार यायेगु छगू जक माध्यम जुइ। आन्तरिक यात्राया अवस्था तसकं बांलाः। उपजिल्लाया दथुइ सतक यातायातया सुविधा दु। मोनपुरा उपजिल्लाया यात्राया निंतिं सी-ट्रक छ्यली ।