मुम्बई
मुम्बई भारत यु दक्ले तधंगु महानगर खः व हलिमयागु दक्ले तधंगु महानगरय् छगु खः। मुम्बई भारतयु पश्चिमी तटय् लाः। थ्व सहर[महाराष्ट्र]] राज्य यु राजधानी खः। थ्व सहर छगु द्वीपय् स्थित दु। मुम्बई भारतयु आर्थिक राजधानी खः। मुम्बईयागु संकिपा उद्योग बलीवुड यु नामं लोकंह्वा।
| मुम्बई | |
  मुम्बई
| |
| राज्य - जिल्ला(त) |
महाराष्ट्र - मुम्बई सहर - Mumbai Suburban |
| को-अर्डिनेट | |
| लागा - जाः |
437.71 km² - 8 m |
| ई लागा | IST (UTC+5:30) |
| जनसंख्या (2001) - जनघनत्व - महानगर लागा (2006) |
11,914,398 (1st) - 27,220/km² - 19,944,372 (1st) |
| Municipal commissioner | Johny Joseph |
| नगरप्रमुख | Datta Dalvi |
| Codes - पोस्टल - टेलिफोन - बाहन |
- 400 xxx - +022 - MH-01—03 |
| वेबथाय्: www.mcgm.gov.in | |
इतिहास
सम्पादनई सं १९९५ स्वया न्हापा थ्व सहरयु नां अंग्रेजीय् ‘बम्बे’ व हिन्दीय् ‘बम्बई’ खः। आ थुकिगु अधिकारिक नां ‘मुम्बई’ खः । मुम्बईयु परम्परागत व पुलांगु नां मुम्बई हे खः। थ्व नां थ्व थासे हनिगु देवी मुम्बादेवीयु नामं तगु खः। १६गु शताब्दीय् पोर्तुगालीतेसं मुम्बईयात बोम बहिआ नां बिल। अंग्रेजतेसं थ्व नगरय् अधिकार याना मुम्बईयु नां हिला बोम्बे याना बिल।
मुम्बई न्हापा मुम्बईयागु न्हेगु चीधंगु द्वीपतेसं दया च्वंगु खः। मुम्बई सम्राट अशोकयु साम्राज्ययु भाग खः। ई सं १५३४ य् पोर्तुगालीतेसं गुजरातयु जुजु बहादुर शाह नाप मुम्बईयु अधिकार काल। ई सं १६६१ तक्क थ्व द्वीप पोर्तुगालीतेगु ल्हाते लात। १६६१ य् थ्व द्वीप केथरीन डे ब्रगान्जा व इंग्ल्यान्ड यु चार्ल्स द्वीतीययु इहिपाय् क्वस कथलं बिल। चार्ल्स नं ई सं १६६८ य् थुकियात ईस्ट इंडिया कम्पनी यात बाहाले बिल। थ्व द्वीपतेगु दछियागु लब्व सान्हि पाउन्ड य् बाहाले ब्युगु खः। ईस्ट इंडिया कम्पनी नं थन थगु बन्दरगाह देकल व १६६१ निसें १६७५यागु दुने (१४ दंय्) मुम्बई यु जनसंख्या १०,००० नं थाहां वना ६०,००० थ्यन। इ सं १६८७ य् ईस्ट इंडिया कम्पनी नं थगु मुख्यालय सूरत नं हिला मुम्बई यात। मुम्बईयागु न्हेगु चीधंगु द्वीपतेत स्वाना छगु यायेगु ज्या ई सं १८१७य् न्ह्यथन व ई सं १८४५य् क्वचाल। ई सं १८५३य् भारतयागु न्हापाअंगु रेल मुम्बई व ठाणेयागु दथुइ न्ह्यथन। ई सं १८५७ तक्क मुम्बई नगर ईस्ट इंडिया कम्पनी तेगु ल्हाते लानाच्वन। व धुंका थुकिगु शासन अंग्रेजतेगु ल्हाते ला वन।