मोबाइल फोन
मोबाइल फोन छता सञ्चार माध्यम ख। मोबाइल फोनयात सेलफोन नं धाइ। थ्व छगू पोर्टेबल टेलिफोन ख गुकिलिं छ्येलामि टेलिफोन सेवा क्षेत्र दुने न्ह्यानाच्वंगु इलय् रेडियो फ्रिक्वेन्सी लिङ्कं कल यायेफु व रिसिभ यायेफु। थ्व स्वया न्ह्यःया छथासय् दइगु फोनयात ल्याण्डलाइन फोन धाइ। रेडियो फ्रिक्वेन्सी लिङ्कं छगू मोबाइल फोन अपरेटरया स्वीचिङ सिस्तमनाप स्वापू स्थापित याइ, गुकिलिं सार्वजनिक स्वीचिङ टेलिफोन नेटवर्क (PSTN)या पहुँच प्रदान याइ। आधुनिक मोबाइल टेलिफोन सेवाय् सेलुलर नेटवर्क आर्किटेक्चर छ्येलि, व उकिं उत्तर अमेरिकाय् मोबाइल टेलिफोनयात सेलफोन (वा "सेल फोन") धाइ। टेलिफोनी(तापा-सः) या नापं, डिजिटल मोबाइल फोनं मेमेगु थी-थी सेवायात समर्थन याइ, दसु: टेक्स्ट मेसेजिङ, मल्टिमेडिया मेसेजिङ, इमेल , इन्टरनेट स्वापू, शर्ट-रेन्ज वायरलेस संचार (इन्फ्रारेड , ब्लुटुथ ), स्याटेलाइट सेवा (नेभिगेसन, मेसेजिङ्ग कनेक्टिभिटी), व्यापारिक एप, भुक्तानी (एनएफसी मार्फत), मल्तिमिदिया प्लेब्याक व स्ट्रिमिंग (रेडियो , टेलिभिजन), डिजिटल फोटोग्राफी , व भिडियो गेम आदि। आधारभूत क्षमता जक्क बिइगु मोबाइल फोनयात फीचर फोन (बाय् दम्बफोन "dumbphones") धाइ; तसकं उन्नत कम्प्युटिङ्ग क्षमता बीगु मोबाइल फोनयात स्मार्टफोन धाइ।
स्वयादिसँ
सम्पादन| विकिमिडिया मंका य् थ्व विषय नाप स्वापु दुगु मिडिया दु: Mobile phones |