म्याग्नेटिक रेजोनेन्स इमेजिंग

म्याग्नेटिक रेजोनेन्स इमेजिंग (एम आर आई) चिकित्सा शास्त्रय् छगू डायगोनिस्टिक प्रक्रिया खः । थ्व प्रविधि छ्यला: मनू तयेगु दुनेयागु अंग, इमिगु संरचना, घा:पा:, थें ज्या:गु खँ स्वये ज्यू ।

म्हसिका

एम॰आर॰आइ॰ व सि॰टि॰

कम्प्युटेड टोमोग्राफी स्क्यानरं एक्स रे (आयोनाइजिंग रेडियसन) छ्यला: किपा दयेकी, अथे जुगुलिं थुकी यक्व एटमिक ल्याखं दुगु तत्त्वतयेसं दयेकूगु तन्तुयागु सीकेज्या याये अपुइ । दसु- क्वयें, क्याल्सिफिकेसन, आर्टरी कन्ट्रास्ट स्टडी यायेबले आदि । मेखे म्याग्नेटिक रेजोनेन्स इमेजिंगय् नन-आयोनाइजिंग रेडियो फ्रिक्वेन्सी सिग्नल छ्यला: नन-क्याल्सिफाइड व सफ्ट तन्तु स्वयेत अ:पु ।

सि॰टि॰ व एम॰आर॰आई॰ निगुलिं हे निगु डाइमेन्सन (२डि) व स्वंगुगु डाइमेन्सन (३डि) यागु किपात पिकाय्‌ फइ । सिटिइ एक्स रे जक छ्यला: किपा दयेकिइ धासा एम् आर् आई लय् यक्व कथं टिस्यु कन्ट्रास्ट हे यये छिं ।

एम आर आई नं न्ह्याग्गु नं प्लेनय् किपा काये फु धासा सिटिइ किपा एक्सियल वा न्यर-एक्सियल प्लेनय् जक किपा कायेफइ ।