ध्वः

ध्वः,सिद्धान्त कथं, हाकः दूगु व ब्या मदूगु छगू आयामिक आकार ख। व्यवहारय् थन्यागु आकार दयेकेमछिं। अतः, हाकः जक्क दानिगु आकारयात ध्वःया रुपय् कायेगु या। ध्वः च्वयेगु ज्यायात "ध्वः सालिगु" धाइ। ध्वः तप्यंक व बेक्वय्‌कः सालेछिं। तप्यंकः सालाःतगु निता ध्वः स्वापूलि वःसा अन्यागु निता ध्वलं कुं दयेकि। छता चकंगु ख्यःयात प्यखें हे थन्यागु कुं दूगु ध्वतेसं कुनातःसाः अन्यागु ख्यःयात पोलिगन (Polygon) धाइ। व्यवहारिक रुपय् छता पोलिगन दयेकेत स्वपु ध्वः मा। स्वपु ध्वः निसें अल्याख तप्यंगु/धःस्वःगु ध्वः जाना थी-थी पोलिगन दयेकेफु। सैद्धानिक रुपय् अल्याखः कुं दूगु पोलिगनं चाकलागु रुप काइ। तप्यंगु ध्वःत जाना दयेकिगु साधारण पोलिगनत थ्व कथं दु-

• स्वकुं (Triangle)
• प्यकुं (Quadrilateral)
• न्याकुं (Pentagon)
• खुकुं (Hexagon)
• न्हेकुं (Heptagon)
• च्याकुं (Octagon)

छध्वःया प्रतिनिधि

ध्वःया सीका

ध्वःया पहः म्हसीकेत ध्वःयात कार्तेसियन प्लेनय् स्वयेगु या। ध्वःयात थन्यागु प्लेनय् "लिनियर" इक्वेसनय् (linear equations) सीकिगु या। द्विआयामिक थन्यागु प्लेनय् पूर्णरुपं धःस्वःगु ध्वः त्वःता मेमेगु ध्वःयात स्लोप इन्तर्सेप्त रुपय्, थ्व कथं म्हसीके छिं-

$y=mx+b\,$

गनकि:

m ध्वःया लुयच्वंगु पाहा (slope) वा उकिया ग्रेदियन्त,

b ध्वःया y-intercept व

x yया छता स्वतन्त्र भेरिएबल (independent variable) फंक्सन ख। अर्थात, y = f(x).

स्वयादिसँ

• रेखाशास्त्र