ल्याङ्गस्टन ह्यूज

जेम्स मर्सर ल्याङ्गस्टन ह्यूज (फेब्रुअरी १, १९०१ - मे २२, १९६७) छम्ह अमेरिकी चिनाखँमि, सामाजिक कार्यकर्ता, उपन्यासकार, नाटककार व जोप्लिन, मिसौरीया स्तम्भकार ख। ज्याज चिनाखँ धाःगु साहित्यिक विधाया दकलय् न्हापांया आविष्कारक मध्ये छम्ह ह्यूजयात हार्लेम पुनर्जागरणया नेताया रुपय् म्हसीकेगु याइ। वय्कलं थ्व ईया बारेय् "हार्लेम चलनय् दुबलय्" (when Harlem was in vogue) धकाः वर्णन यानादिल।

ल्याङ्गस्टन ह्यूज
Portrait by Carl Van Vechten, 1936
बूगु	James Mercer Langston Hughes (1901-02-01)फेब्रुवरी 1, सन् 1901 Joplin, Missouri, U.S.
मदूगु	मे 22, 1967(1967-05-22) (आयु 66) New York City, U.S.
ज्या	Poet columnist dramatist essayist novelist
शिक्षा	Columbia University Lincoln University (BA)
कालखण्ड	1926–1964
थः-थिति	Charles Henry Langston (grandfather) John Mercer Langston (uncle) Mary Sampson Patterson Leary Langston (grandmother) Lewis Sheridan Leary (grandfather)

मध्यपश्चिमी शहरया झ्वलय् ब्वलंम्ह ह्युज चीधिकःबलय् हे छम्ह प्रचुर च्वमि जुल। ल्याय्म्ह बलय् हे वय्कः न्यूयोर्क शहरय् च्वं झाल, गन वय्कलं थःगु करियर दयेकादिल । वय्कलं क्लिभल्याण्ड, ओहायोय् उच्च विद्यालय स्नातक यानादिल, व याकनं हे न्यूयोर्क शहरया कोलम्बिया विश्वविद्यालयय् अध्ययन न्ह्याकादिल। वय्कलं ब्वनेगु त्वःतादिसां वय्कःयात न्यूयोर्कया प्रकाशकतय्सं न्हापां द क्राइसिस पत्रिकाय् व लिपा सफू प्रकाशकतय्सं ध्यान बियादिल व हार्लेमया रचनात्मक समुदायय् वय्कःया नां वल । वय्कःया न्हापांगु काव्य संग्रह, द वेयरी ब्लुज , सन् १९२६य् पिहांवल। ह्यूजं अन्ततः लिंकन विश्वविद्यालयं स्नातक यानादिल।

काव्यया नापं ह्युजं नाटक च्वयादिल व चिनाखँ संग्रह, उपन्यास, व यक्व गैर-काल्पनिक कृतित पिथनादिल। सन् १९४२ निसें १९६२ तक नागरिक अधिकारया आन्दोलनं ट्राक्सन कायेवं ह्यूजं छगू अग्रणी अश्वेत पत्रिका द शिकागो डिफेन्डरय् छगू गहन वार्षिक राय स्तम्भ च्वयादिल ।