ल्हासा सँदेय्या मू नगर व राजधानी ख। चीनया शासन दुने थ्व छगू प्रान्त स्तरया नगर ख । चीनया सँदेय् स्वायत्त क्षेत्रया मू प्रशासनिक विभागय् छगू ख। थ्व नगर २९,२७४ वर्ग किलोमिटर (११,३०३ वर्ग माइल)या क्षेत्रफल दु। थनया नगरीय केन्द्र ल्हासा ख, गन करिब ३००,००० मनूत दु। थ्व जनसंख्याया अप्व मनू प्रशासनिक चेंगगुआन जिल्लाय् दु धाःसा थुकिया उपनगर डोइलुङ्देकन जिल्ला व दागजे जिल्लाय् नं मनूतेगु बसोबास विस्तारित दु। एकीकृत प्रान्त-स्तरया नगरय् थप न्यागू, अप्व यानाः ग्रामीण, काउन्टी दु।
नगरया सीमा लगभग यार्लुङ त्साङपो खुसिया छगू मू सहायक खुसि ल्हासा खुसिया स्वनिगःनाप ज्वःलाः। भू-संरचना कथं थ्व थाय् ल्हासा तेरेन(Terrane)य् ला। भारत महादेश करिब ५ करोड दँ न्ह्यः एसियानाप टक्कर जुया थ्व भूसंरचना दयावःगु ख। थनया भूभाग तजाः, फल्ट(faults)या जटिल स्वरुप दु व टेक्टोनिक रुपं सक्रिय दु। ताल्लाबलय् अप्वः धया थें तापक्रम लुमुसे च्वनी अले चिकुलाय् निभाः त्वइगु न्हिइ तापक्रम फ्रिज स्वयां अप्वः अप्वइ। अप्वः धया थें वा ताल्लाबलय् वइ। अपल्याण्ड क्षेत्र व उत्तरी घाँय् बुँइ याक, फै व द्वहंया चरणया निंतिं छ्यलिगु या धाःसा खुसिया स्वनिगलय् जौ, छ्वः व तरकारी बुसः थें न्याःगु मा बुंज्याया निंतिं पिनातःगु दु। थन वन्यजन्तुत यक्व मदु, तर दुर्लभ हिम चितुवा व हाकुगु गःपः दुम्ह क्रेन दु। खानिया हुनिं छुं वातावरणीय समस्या वःगु दु।
सन् २०००या जनगणनाय् कुल जनसंख्या ४,७४,४९० दु, गुकिलि ३,८७,१२४ सँदेय्मि दु। हान चिनियाँ जनसंख्या मू रुपं शहरी क्षेत्रय् केन्द्रित जुयाच्वंगु दु। प्रान्त-स्तरीय नगर निगु मू राजमार्ग व किङ्घाई–तिब्बत रेलमार्गं पार यासें ल्हासा नगरय् क्वचाइ। भविष्यय् थौंकन्हय् निर्माणाधीन सिचुआन–तिब्बत रेलमार्गं सन् २०३०इ संचालन न्ह्याकेगु परियोजना दु। ल्हासा खुसिया निगु तःधंगु बाँधं जलविद्युत बिइ। अथे हे यक्व चिधंगु बाँध व याङ्गबेन जियोथर्मल प्लान्तं [ zh ] नं विद्युत पिकाइगु या। थन प्राथमिक ब्वनेकुथि व आधारभूत चिकित्सा सुविधा दु। यद्यपि अप्व उन्नत सुविधाया अभाव दु। तिब्बती बौद्ध धर्म व भिक्षु जीवन ७गु शताब्दी निसें स्थानीय संस्कृतिया प्रमुख पक्ष जुयाच्वंगु दु। अप्व विहार(गोम्पा)त सांस्कृतिक क्रान्तिया इलय् स्यंगु दु, तर वयां लिपा यक्व पुनर्स्थापना जुल व पर्यटकीय आकर्षणया रुपय् ज्या यानाच्वंगु दु।
|250px|none|alt=|Location of Lhasa]]
.png)
.svg)