वहः
वहः छगू रासायनिक तत्त्व ख; थुकिया चिं Ag (ल्याटिन अर्जेन्टम 'वहः', प्रोटो-इन्डो-युरोपेली भासय् *h2erǵ 'चमकदार, ह्याउँगु') व परमाणु ल्याः ४७ दु।
वहः छगू नरम, ह्याउँगु, चमकदार संक्रमण धातु खः। थ्व धातुं छुं नं धातुय् दकलय् अप्व विद्युत चालकता, थर्मल चालकता, व प्रतिबिम्बितता क्यनि। थ्व धातु पृथ्वीया सतहय् शुद्ध, स्वतन्त्र तत्त्वया रुपय् ("नेटिभ सिल्भर"), लुँ व मेमेगु धातुनापया मिश्र धातुया रुपय् व अर्जेन्टाइट व क्लोरागिराइट थें न्याःगु खनिजय् दै। अप्वः धया थें वहः सिजः, लुँ, लेड व जस्ता परिशोधनया उपजया रुपय् उत्पादन जुइ।
वहःयात ताःई न्ह्यःनिसें मूवंगु धातुया रुपय् मूल्यवान यानातःगु दु। थ्व धातुयात बुलियन सिक्काय् लुँ नापं छ्येलिगु या। थ्व लुँ स्वया अप्व प्रचुर मात्राय् दःसां थ्व धातु थःगु नेतिभ रुपय् यक्व म्हो मात्राय् जक दइ। थुकिया शुद्धता सामान्यतया प्रति-मिलया आधारय् लनेगु जुइ। ९४%-शुद्ध मिश्र धातुयात "०.९४० फाइन" धकाः वर्णन यानातःगु दु। प्राचीन कालया न्हय् गू धातु मध्ये छगू कथं, वहःया मानव तजिलजिइ स्थायी भूमिका दु।
मुद्रा व लगानीया माध्यम (सिक्का व बुलियन) त्वताः वहःयात सौर्य प्यानल, लः फिल्ट्रेशन, तिसा, ज्वलं, विद्युतीय स्वापू व कण्डक्टरय् छ्येलिगु या। विशेष न्ह्याय्कः, झ्याःया लेपय्, रासायनिक प्रतिक्रियाया उत्प्रेरकय्, रंगीन ग्लासय् रंगया रुपय्, व विशेष नसाय् थ्व तत्त्व छ्यलिगु या। थुकिया कम्पाउण्ड फोटोग्राफिक व एक्स-रे फिल्मय् छ्यलिगु या। सिल्भर नाइट्रेट व मेमेगु सिल्भर कम्पाउन्दया कीटाणुनाशक व माइक्रोबायोसाइड (ओलिगोडायनामिक इफेक्ट)या रुपय् छ्येलिगु या। थ्व रुपय् थ्व तत्त्वयात पट्टी, घाः-ड्रेसिंग, क्याथेटर, व मेमेगु चिकित्सा उपकरणय् तइ।
स्वयादिसँ
सम्पादन| विकिमिडिया मंका य् थ्व विषय नाप स्वापु दुगु मिडिया दु: Silver |