वाशिता प्यारिश, लुइजियाना

वाशिता प्यारिश (फ्रेञ्च: Paroisse d'Ouachita) अमेरिकी राज्य लुइजियानाय् अवस्थित छगू प्यारिश ख। सन् २०१०स जनगणना कथं थनया जनसंख्या १,५३,७२० दु। थ्व प्यारिशया प्यारिश मुख्यालय मन्रो ख। थ्व प्यारिश सन् १८०७स पलिस्था जूगु ख।

वेस्त मन्रोय् अवस्थित वाशिता प्यरिश पब्लिक लाइब्ररी 

वाशिता प्यारिश मन्रो, LA Mमहानगर तथ्याङ्क क्षेत्रया छगू भाग ख। 

इतिहास

प्रागितिहास

युरोपियन बस्ती स्वया न्ह्यः वाशिता प्यारिश थी-थी आदिवासी अमेरिकी पुचःत च्वनिगु थाय् जुयाच्वन। थ्व प्यारिशया थाय्-थासय् मार्क्सभिल तजिलजि, त्रोइभिल तजिलजि, कोल्स क्रिक तजिलजि व Plaquemine cultureया मनूतेसं गां व mound (चा धि) देकातःगु दु। थन्यागु संरचनाया मू दसुया कथं Filhiol Mound Site कायेछिं। थ्व थाय् वाशिता खुसिया प्राकृतिक सेतुइ अवस्थित दुl

ऐतिहासिक काल

थ्व प्यारिशया नां व थन बाहा वनिगु खुसि वाशिता खुसिया छगू हे नां दु। थनं बाहावनिगु थ्व खुसि दक्षिणी आर्कान्सः व उत्तरपूर्वी लुइजियानाय् बाहावनि। सन् १५४१स थ्व थासय् दकलय् न्हापांगु युरोपियन पुचः थ्यन। थ्व पुचः युरोपियनत स्पेनी अन्वेषणकर्ता व कङ्क्विस्तादोर हर्नान्दो दे सोतोया पुचः जुयाच्वन। मिसिसिपि खुसिया चा अप्व दूगु पश्चिमी घाटय् मवनेत थ्व पुचलं व्हाइत खुसिनापं मिसिसिपि खुसिया पश्चिम तट पुलाः वर्तमान लुइजियानाया वाशिता व तेन्सास खुसिया दोभानय् थ्यन। फ्रेञ्च बासिन्दात थ्व थास य् करिब १७२०पाखे थ्यन। सन् १७६९स अलेहान्द्रो ओ'राइलीं वाशिता प्यारिशयात स्पेनया भूभाग जूगु दावा यात। अबिलय् याःगु जनगणनां थ्व थासय् ११०म्ह मनू दूगु खं क्यन। सन् १७८५स Juan Filhiolनं थ्व थासय् लुइजियानाया दकलय् न्हापांगु युरोपियन चौकी, फर्त मिरो (Fort Miro) पलिस्था यात। थ्व चौकी लुइजियाना पर्चेजया निदं धुंका सन् १८०५स ताउन (town) जुल। सन् १८१९स फर्त मिरोया नां हिला वाशिता पोस्त धकाः न्हूगु नां छुइगु ज्या जुल। थ्व नगरया नां दच्छिति लिपा वाशिता खुसिइ थ्यंगु न्हापांगु स्तिमबोतया नामं मन्रो जुवन।

सन् १८०७या मार्च ३१स अर्लिन्सया क्षेत्रयात १९गू उप-विभागय् विभक्त यात। वाशिता प्यारिश थ्व १९गू मू विभागय् छगू जुयाच्वन। तर, लिपा थ्व प्यारिशयात विभक्त यासें ८गू न्हूगु प्यारिशया पलिस्था जुल। थ्व प्यारिशत मोरहाउस, काल्द्वेल, युनियन, फ्र्यांक्लिन, तेन्सास, म्यादिसन, इस्त क्यारोल व वेस्त क्यारोल ख।

सन् १८८३स वाशिता खुसि पुला वनिगु दकलय् न्हापांगु रेलमार्ग तां निर्मित जुल। सन् १९१६स मन्रो प्राकृतिक ग्यास क्षेत्र लुयावल। थ्व क्षेत्र करिब ५०० वर्ग माइल (१००० वर्ग किमि)य् विस्तारित दु व थ्व थासय् करिब ६,५००,०००,०००,००० क्युबिक फित (१८० किमि३) प्राकृतिक ग्यास दु। थ्व ग्यासया कारणं छुं समय तक्क मन्रो हलिंया प्राकृतिक ग्यास राजधानी धकाः नं प्रसिद्ध जुल। अगस्त १९६१स स्तर्लिंगतन व १९७४स रिचवुद निगमित क्षेत्रया रुपय् विस्तारित जुल। वाशिता प्यारिशया सीमा २३कः हिलेधुंकूगु दु। आपालं थ्व प्यारिशया सीमा न्हूगु प्यारिशया पलिस्था नापं हिलावंगु खनेदु। 

भूगोल

वाशिता खुसि मन्रो व वेस्त मन्रोया दसुइ प्यारिस न्यायालय नापं बाहा वनि। 

संयुक्त राज्य अमेरिकाया तथ्याङ्क विभाग कथं थ्व प्यारिशया कूल क्षेत्रफल ६३२ वर्ग माइल (१६४० वर्ग किमि) दु गुकिलि ६१० वर्ग माइल (१६०० वर्ग किमि) बं व २१ वर्ग माइल (५४ वर्ग किमि) (३.४%) लः दु।

मू राजमार्ग

•  इन्तरस्तेत २०
•  युएस हाइवे ८०
•  युएस हाइवे १६५
•  लुइजियाना हाइवे २ 
• लुइजियाना हाइवे १५
• 
•  लुइजियाना हाइवे १४३

नापंया प्यारिश

• युनियन प्यारिश (उत्तर)
• मोरहाउस प्यारिश (उत्तरपूर्व)
• रिचल्यान्द प्यारिश (पूर्व)
• काल्दवेल प्यारिश (दक्षिण)
• ज्याक्सन प्यारिश (दक्षिणपश्चिम)
• लिङ्कन प्यारिश (पश्चिम)

राष्ट्रिय संरक्षित क्षेत्र

• ब्ल्याक बायु लेक न्याशनल वाइल्द्लाइफ रिफ्युज
• द्यरबोर्न न्यासनल वाइल्द्लाइफ रिफ्युज (आंशिक)

जनसंख्या

सन् २००स जनगणना कथं थ्व प्यारिशय् १,४७,२५० मनू व ५५,२१६ छें व ३८,३१९ परिवार दु। थनया जनघनत्त्व २४१ प्रति वर्ग माइल (९३/किमि²) दु। थन ६०,१५४ हाउसिङ्ग युनित दयाच्वन व औसत घनत्त्व ९८ प्रति वर्ग माइल (३८/किमि²) दयाच्वन। थनया वर्ण/जातिइ ६४.४८% व्हाइत, ३३.६३% ब्ल्याक वा अफ्रिकन अमेरिकन, ०.२३% आदिवासी अमेरिकन, ०.६४% एसियन, ०.०३% प्यासिफिक आइल्यान्दर, ०.३३% मेमेगु वर्ण, व ०.६७% मिस्रित दयाच्वन। १.१९% जनसंख्या छुं नं वर्णया हिस्प्यानिक वा ल्यातिनो जुयाच्वन। 

समाज

वाशिता प्यारिश, लुइजियानाया मानकिपाय् नगरक्षेत्र क्यनातःगु 

नगर

• मन्रो, लुइजियाना (प्यारिश मुख्यालय)
• वेस्त मन्रो

ताउन

• रिचवुद
• स्तर्लिङ्गतन्

तथ्याङ्क-घोषित थाय् (Census-designated places)

• ब्राउन्स्भिल-बाकम्भिल
• क्याल्हुन
• क्लेबर्न
• स्वार्ज