अफ्रिकन युनियन

अफ्रिकन युनियन (अंग्रेजीइ AU, मेमेगु आधिकारिक भाषाय् UA) छगू अन्तरसरकारी संस्था ख। थ्व संस्थाय् अफ्रिकाया ५२गु सार्वभौम राष्ट्र सदस्य दु। जुलाई ९, सन् २००२ खुनु न्ह्यथंगु [१] थ्व संस्था अर्गेनाइजेसन अफ अफ्रिकन युनिटीया उत्तराधिकारी ख। थ्व संघया दक्ले महत्त्वपूर्ण निर्णय असेम्ब्लीं कायेगु या। असेम्ब्लीया बैठक खुलाय् छकः देय्‌तेगु राष्ट्राध्यक्ष व सरकारया नायःतेगु दथुइ जुइ। संघया सेक्रेटेरियट अफ्रिकन युनियन कमिसनया ज्याकुथि अदिस अबाबा, इथियोपियाय् दु। फेब्रुवरी २००९या युनियनया बैठक लिब्याया नेता गदाफीया नेतृत्त्वय् जुल। थ्व सम्मेलनय् अफ्रिकन युनियन कमिसनयात अफ्रिकन युनियन अथोरिटी दयेकिगु निर्णय जुल। [२]

पृष्ठभूमि सम्पादन

एयुया थी-थी संस्थातेगु लक्ष्य अफ्रिकाया राजनैतिक, सामाजिक व आर्थिक एकता तीव्र यायेगु, अफ्रिकायात व अफ्रिकाया मनुतेत असर याइगु मुद्दाय् अफ्रिकाली मंका अडानया प्रवर्धन व संरक्षण यायेगु, अफ्रिकाय् शान्ति व सु‍रक्षा दयेकिगु व लोकतान्त्रिक संस्था, बांलागु प्रशासन व मानव अधिकारयात प्रवर्धन यायेगु ख।

एयुइ राजनैतिक व प्रशासनिक निगु हे क्षेत्रया संलग्नता दु। थ्व संघया उच्चतम् निर्णयकर्ता असेम्ब्ली अफ अफ्रिकन युनियन ख। थ्व असेम्ब्लीया सदस्य अफ्रिकाया सकल देय्‌या राष्ट्राध्यक्ष वा सरकारी प्रमुखत जुइ। आया ईले थ्व असेम्ब्ली लिब्याया नेता मुअम्मर अल गदाफीया नेतृत्त्वय् सनाच्वंगु दु। वय्‌कःयात असेम्ब्लीया १०गु साधारण सभां ज्यानुवरी २००९इ निर्वाचित याःगु ख। एयुइ प्रतिनिधि निकाय वा प्यान अफ्रिकन पार्लियामेन्ट नं दु गुकिलि २६५ सदस्य दु। थ्व सदस्यत अफ्रिकाया थी थी देय्‌या राष्ट्रिय संसदं त्याना थ्व संसदय् थ्यनि। प्यान अफ्रिकन पार्लियामेन्टया आःया अध्यक्ष इद्रिस न्देले मूसा ख।


भाय् सम्पादन

अफ्रिकी संघया संवैधानिक ऐन अनुसारं, थनया कामकजयु भाषात अरबी, अङ्ग्रेजी, फ्रेन्च व पोर्चुगिज खः, नापं अफ्रिकी भाषात "यदि सम्भव जुसा"।

  1. Thabo Mbeki (July 9, 2002). Launch of the African Union, 9 July 2002: Address by the chairperson of the AU, President Thabo Mbeki. africa-union.org. 2009-02-08 कथं।
  2. BBC NEWS | Africa | AU summit extended amid divisions