साहित्य

साहित्य धाःगु कलाया छगू ख्यः ख। थ्व ख्यः खँग्वःनाप स्वापू दूगु ख्यः ख। खँग्वःतेत कलात्मक पहलं प्वंकिगु कलाया ख्यः साहित्य ख। खँग्वःतेत म्हुतुं ल्हाया वा च्वया छ्येलेछिं। अथे हे कथं साहित्यया नं म्हुतुं ल्हाइगु साहित्य व च्वया थःगु खं अभिव्यक्त याइगु साहित्य यासें निता रुप दु। मनू लहनाया आपालं कालखन्दय् सः मुंकेगु प्रविधि मदूगुलिं च्वया अभिव्यक्त याइगु साहित्य वा "च्वसु साहित्य" साहित्यया मू ख्यःया रुपय् विकशित जुल। च्वसु साहित्ययात गद्य व पद्य साहित्यय् बायेछिं। प्राचीन कालया आपालं साहित्य पद्य साहित्य जुयाच्वन। थन्यागु साहित्यय् इलियाद, ओदिसि, महाभारत, रामायण, वेद आदि ला। च्वयेगु माध्यम बांलाक्क विकशित मजुबिलय् मनूतेत लुमंके अपुइकेत म्येया पहलं थन्यागु साहित्य विकास जुया वल। च्वयेगु माध्यम सरल जुइधुंका गद्य साहित्यया यक्व विकास जुल।

गिल्गमेशया काव्यया अक्केदियन भासय् दयेकातःगु देल्युज (deluge) शिलापत्र

सफूकुथिइ स्वथनातःगु पुलांगु सफूत

विभाजन

साहित्ययात ल्हायेगु साहित्य व च्वयेगु साहित्यय् बायेछिं।

• ल्हायेगु साहित्य
  • परम्परागत म्ये
  • दबू ख्यालिखं (Stand-up comedy)
• च्वयेगु साहित्य (च्वसु)
  • पद्य
    • काव्य (महाकाव्य, खन्दकाव्य)
    • चिनाखँ (छन्द दूगु, स्वछन्द, आधुनिक, चिनाखँमुना)
  • गद्य
    • बाखं
    • उपन्यास
    • दबूप्याखं
    • च्वखं
    • ध्याचु
    • ख्यालिखं

स्वयादिसँ

• भाषा
• गिल्गमेशया काव्य
• महाभारत
• शाहनामे
• रामायण
• इलियाद