सत्यनारायण बहादुर श्रेष्ठ
सत्यनारायण बहादुर श्रेष्ठ नेपाःया नांजाम्ह शिक्षाकर्मी व प्रजातन्त्र संघर्षक ख। वय्कलं नेपाले शिक्षाया निंति यक्व ब्वंकुथि चाय्किगु, सफू च्वैगु आदि ज्या यानादिगु दु। वय्कःलं वि॰सं॰ २००७ सालया प्रजातन्त्रया संघर्षय् नं यक्व ज्या यानादिल।
व्यक्तिगत जीवनी
सम्पादनवय्कःया जन्म येँय् जुगु ख। वय्कः दरबार हाइ स्कूलय् ब्वनादिबिले गणेशमान सिंह थें न्यापिं नेतातेगु संगत यानादिल व सिद्धिचरण श्रेष्ठनाप वय्कःया संगत जुवन। लिपा वय्कःलं नेपाले प्रजातन्त्रया निंति संघर्षय् ब्वति कयादिल। नेपाले प्रजातन्त्रया बारेय् खँल्हाइपिंत राणा सरकारतेसं ज्वना कुनिगु, यातना बिगु व स्याइगु जुलिं जनतापिन्त प्रजातन्त्रया सन्देश बी थाकुया च्वंगु ईले वय्कलं प्रजातन्त्रया समर्थनय् पर्चा देका हवाइजहाजं इनिगु ज्या यानादिल। २००७ सालय् प्रजातन्त्र वे धुंका वय्कलं देय्यात विकास यायेत देय्या जनतातेसं ब्वनेमा धैगु भावना तया राजनीति त्वता ब्वंकुथि चाय्कादिल।