सिलिकन
सिलिकन छगू रसायनिक तत्त्व ख। थ्व तत्त्वया चिं Si व एतमिक ल्या १४ ख। साधारन अवस्थाय् थ्व तत्त्व कडागु, तज्याइगु क्रिस्तलाइन ठोस तत्त्वया रुपय् दयाच्वनि व थुकिया रंग वचुगु-भुयु धातु लसा वःगु जुइ। नापं, थ्व रुपय् थ्व तत्त्व तेत्राभ्यालेन्त मेतालोइद व सेमिकन्दक्तर जुइ। थ्व तत्त्व तत्त्वमाया पुचः १४(ग्रुप १४)य् ला। थ्व तत्त्व स्वया च्वये कार्बन व जर्मेनियम, तिन, लेद, व फ्लेरोभियम थुकिया क्वय् ला। साधारनरुपय् थ्व तत्त्व रसायनिक रुपं प्रतिक्रियाशिल मजु। स्वांमाया फिजियोलोजी व मेताबोलिजमय् थ्व तत्त्वया विशेष योगदान दु। सिलिकनयात इलेक्त्रोनिक हलिमय् मू सेमिकन्दक्तरया रुपय् स्थापित यानातःगु दु। थुकियात त्रानजिस्तर, सोलार सेल, इन्तेग्रेतेद सर्कित आदि थीथी थासय् छ्यलीगु या।