हाइ लेभल भाषा

ऐशेम्व्ली ल्याङग्वेज पाखें नं ज्या याइगु ई अप्वः काःगुलिं लिपा हाइ लेभल भाषा (ल्याङग्वेज) या विकास यात। हाइ लेभल भाषा ल्याङग्वेजयात मेशिन लेभल भाषा (ल्याङग्वेज)य् अनुवाद याइगु प्रोग्रामयात कम्पाइलर धकाः धाइ। हाइ लेभल ल्याङग्वेजय् अंग्रेजी थेन्याःगु हे भाय् व साधारण गणितिय चिं दइ । हाइलेभल ल्याङग्वेजयात मेशीन ल्याङग्वेजय् अनुवाद मयाकं इन्टरप्रेटर प्रोग्रामया ग्वहालिं छक्वलं चले यायेगु बा रन यायेगु ज्या नं यायेज्यू । अथेसां प्रोग्राम अःपुक व बांलाक चले यायेत हाइ लेभल ल्याङग्वेजय् कम्प्यूटर प्रोग्राम च्वये धुंकाः कम्पाइलरं वयात मेशीन ल्याङग्वेजय् अनुवाद यानाः बा धाये कम्पाइल यानाः जक कम्पूटर प्रोग्राम चलेयायेगु याइ । भिज्युवल बेसिक, सी, सी ++, जाभा आदि हाइ लेभल प्रोग्रामया दसुत खः। हाइ लेभल प्रोग्रामयात हाइ अर्डर प्रोग्राम नं धायेगु याः ।

स्वयादिसँ - मेशिन लेभल भाषा, लो लेभल भाषा