शिकागो

शिकागो संयुक्त राज्य अमेरिकाया इलिनोई राज्यया छगु सिटी ख। थ्व नगरयात संरा अमेरिकाया निगुगु नगर नं धाइगु या। जनसंख्या कथं न्युयर्क व लस एञ्जेलेस धुंका थ्व संरा अमेरिकाया दकले तःधंगु नगर ख। सन् २०२०या जनगणना कथं थ्व नगरया जनसंख्या २७,४६,३८८ दु। संरा अमेरिकाया मध्यपश्चिम क्षेत्रया थ्व दकलय् तःधंगु नगर ख। थ्व नगर कुक काउन्तिइ ला। कुक काउन्ति संरा अमेरिकाया २गू दकलय् यक्व जनसंख्या दूगु काउन्ति ख। थ्व नगर शिकागो महानगर क्षेत्रया केन्द्र ख। थ्व नगर क्षेत्र हलिंया दकलय् तःधंगु नगर क्षेत्रय् छगू ख।

शिकागो
—  नगर  —
क्लकवाइज च्वंनिसें : दाउनताउन शिकागो, शिकागो रङ्गमञ्च, शिकागो 'L', नेभी पियर, मिलेनियम पार्क, फिल्द संग्रहालय, व विलिस तावर क्लकवाइज च्वंनिसें : दाउनताउन शिकागो, शिकागो रङ्गमञ्च, शिकागो 'L', नेभी पियर, मिलेनियम पार्क, फिल्द संग्रहालय, व विलिस तावर
Flag Seal
Nickname(s): द विन्डी सिटी, द सेकेन्ड सिटी, Chi-Town, Hog Butcher for the World, City of Big Shoulders, The City That Works, White City, and others found at List of nicknames for Chicago
Motto: Latin: Urbs in Horto (City in a Garden), Make Big Plans (Make No Small Plans), I Will
Location in the Chicago metropolitan area and Illinois Location in the Chicago metropolitan area and Illinois
शिकागो Location in the United States
Coordinates: 41°52′55″N 87°37′40″W
Country	United States
State	Illinois
Counties	Cook, DuPage
Settled	1770s
कर्पोरेसन पलिस्था	मार्च ४, सन १८३७
Named for	Template:Lang-mia ("Wild onion")
Government
- Type	Mayor–council
- Mayor	Rahm Emanuel (D)
- City Council
Area
- नगर	२३४.० sq mi (६०६.१ km2)
- Land	२२७.२ sq mi (५८८.४ km2)
- Water	६.९ sq mi (१७.९ km2)  3.0%
- Urban	२,१२२.८ sq mi (५,४९८ km2)
- Metro	१०,८७४ sq mi (२८,१६३.५ km2)
Elevation	५९७ ft (१८२ m)
Population (2010 Census)
- नगर	२,६९५,५९८
- Rank	3rd US
- Density	११,८६४.४/sq mi (४,४४७.४/km2)
- Urban	८,७११,०००
- Metro	९,४६१,१०५
Demonym	Chicagoan
Time zone	CST (UTC−6)
- Summer (DST)	CDT (UTC−5)
Area code(s)	312, 773, 872
Website	cityofchicago.org

मिशिगन पुखूया सिथय् दयाच्वंगु थ्व नगरया पलिस्था सन् १८३७स जूगु ख। व इलय् ग्रेट लेक्स व मिसिसिपी खुसिया दथुया बुंइ दयाच्वंगु छगू बन्दरगाहया नापंया बस्तीया रुपय थ्व नगरया पलिस्था जुल। १९गू शदीइ थ्व नगरया जनसंख्या तसकं थाहांवल। सन् १८६०या दुने शिकागो १,००,००० जनसंख्या दकलय याकनं थ्यंगु अमेरिकी नगर जुल। सन् १८७१स थ्व नगर तसकं मिं नल। थ्व इलय् थ्व नगरया १ लख स्वया अप्व मनूतेगु छेँ नष्ट जुल। १८८० दुने थ्व नगरया जनसंख्या अप्वया ५,०३,००० जुल धाःसा उकिया छगू दशक दुने थ्व नगरया जनसंख्या थ्व स्वया निक्व अप्वल। थ्व नगरय् तःच्वलं निर्माण जूल व सन् १९००दुने, नगर मिं नःगु ३०दँ स्वया म्हो इलय् थ्व नगर हलिंया ५गू दकलय् तःधंगु नगर जूवन। हलिंया शहरी विकास व व्यवस्थापनया विकासय् शिकागोया तःधंगु योगदान दु। थ्व नगरय भवन निर्माणया यक्व न्हूगु शैली (दसु: शिकागो स्कुल आर्कितेक्चर, सिति ब्युतिफुल अभियान व स्तिलया भुसा दूगु गगनचुम्बी भवन) विकास जूगु दु।

शिकागो वित्त, संस्कृति, वाणिज्य, उद्योग, शिक्षा, प्रविधि, दूरसंचार व परिवहनया निंतिं हलिंया छगू महत्त्वपूर्ण अन्तरराष्ट्रीय केन्द्र ख। थ्व नगरया शिकागो बोर्ड अफ ट्रेडं जारी याःगु फ्युचर कन्ट्र्याक्ट हलिंया सर्वप्रथम व्यवस्थापित फ्युचर कन्ट्र्याक्ट ख। थ्व फ्युचर कन्ट्र्याक्ट वर्तमान इलय् हलिंया दकलय् तःधंगु व दकलय् विस्तारित/विविध देरिभेतिभ मार्केत ख गुकिलिं सकल भोलुमया २०% कमोदिति व फाइनान्सियल फ्युचरय् जक हे उत्पादन याइ। एयरपोर्ट काउन्सिल इंटरन्याशनलं मुंकातःगु तथ्याङ्क कथं ओ'हेर अन्तराष्ट्रिय विमानस्थल हलिंया ६गू दकलय् व्यस्त विमानस्थल ख। थ्व क्षेत्र जुया संरा अमेरिकाया दकलय् अप्व संघीय राजमार्ग वनि धाःसा थ्व देय्या रेलमार्ग केन्द्र नं ख। शिकागो क्षेत्रय् हलिंया द्कलय् अधिक कूल ग्राहस्थ उत्पाद (जीडीपी) दूगु थासय् छगू ख। सन् २०१८स थ्व क्षेत्रं $६८९ बिलियनया कूल उत्पाद दयेकल। शिकागोया अर्थव्यवस्था थीथी ख्यलय् विस्तारित दु। थ्व नगरया छुं नं छगू उद्योगं १४% स्वया अप्व कर्मचारीतेत ज्या बियातःगु मदु। थ्व नगरय् हलिंया यक्व फर्च्युन ५०० कम्पनीतेगु मू ज्याकुथि दु, गुकिलि एबट लेबोरेटोरीज, एबभी, अलस्तेत, आर्चर द्यानियल मिदल्यान्द, कोनाग्रा ब्र्यान्द्स्, एक्सेलन, जेएलएल, क्राफ्ट हाइन्ज,म्याकदोनाल्द्स, मोन्देलेज् इन्तरन्याशनल, मोतोरोला सोल्यूसन्स, सियर्स, युनाइतेद एयरलाइन्स होल्दिङ्गस, युएस फूड्स ला।

सन् २०१८स शिकागोय् ५८ मिलियन पर्यटक वःसें हलिंया पर्यटन क्षेत्रय् न्हूगु रेकर्द देकल। थ्व नगरया मू चाहिलिगु थासय् मिलेनियम पार्क , नेभी पियर, द म्याग्निफिसेन्त माइल , द आर्ट इन्स्तिच्युत अफ शिकागो, म्यूजियम क्याम्पस, विलिस (सियर्स) टावर , ग्रान्त पार्क, विज्ञान व उद्योगया संग्रहालय व लिंकन पार्क जू ला। शिकागोया क्वःने (साउथ साइद)य् दूगु हाइड पार्कय् निर्माणाधीन बाराक ओबामा प्रेसिदेन्शियल सेन्टर ला। शिकागोया संस्कृतिइ दृश्य कला, साहित्य, संकिपा, दबूप्याखँ (थिएटर), न्हिला (विशेष रूपं इम्प्रोभाइजेसनल कमेडी), नसा, हुलाप्याखँ (आधुनिक हुलाप्याखँ, ज्याजपुचः व जोफ्रे ब्यालेप्याखँ), व संगीत (विशेष रूपं ज्याज, ब्लुज, सोल, हिप-हप, गस्पेल, इलेक्त्रोनिकप्याखँ, हाउस प्याखँ आदि) नांजा। शास्त्रीय कलाया ख्यलय् शिकागो सिम्फनी अर्केस्ट्रा व शिकागोया लिरिक ओपेराया विशेष भूमिका दु। थनया विश्वविद्यालय व कलेजय् शिकागो विश्वविद्यालय,नर्थवेस्टर्न युनिभर्सिटी व युनिभर्सिटी अफ शिकागो एट इलिनोइस "उच्चतम शोध" विश्ववारिधी विश्वविद्यालयया रूपय् वर्गीकृत यानातःगुदु। संरा अमेरिकाय् लोकंह्वागु सकल कासाया प्रोफेसनल लीगय शिकागोय् अवस्थित टिमतेगु उपस्थिति दु। नापं, शिकागोय् मेजर लीग बेसबलया निगु टिम दु।

जनसंख्या

सन् २०००या तथ्यांक कथं थ्व थाय्‌य जनसंख्या २८९६०१६ दु धाःसा थ्व थासय् ११५२८६८ खा छें दु।

भूगोल

थ्व शहरया अक्षांश ४१.८४०६७५ उत्तर व देशान्तर ८७.६७९३६५ पश्चिम खः (41.840675° N 87.679365° W)। थ्व थासय् ५८८२७०५४७ वर्ग मिटर (२२७.१३२५३८ वर्ग माइल) जमिन दु धासा १७७९०५७४ वर्ग मिटर (६.८६८९७९ वर्ग माइल) ल दु।

शिकागो उत्तरपूर्वी इलिनोइय् मिशिगन पुखुया दक्षिणपश्चिमी तटय् ला। थ्व नगर शिकागो महानगरीय क्षेत्रया मू नगर ख। थ्व नगर मध्यपश्चिमी संयुक्त राज्य अमेरिका व ग्रेट लेक्स क्षेत्र निगुलिं थासय् ला। जलस्रोतया आधारय् थ्व नगर "शिकागो पोर्टेज" धाःगु भौगोलिक थासय् ला। थ्व छगू महाद्वीपीय विभाजनय् दूगु थाय् ख गन मिसिसिपी खुसि व ग्रेट लेक्सया जलक्षेत्र स्वाइ। मिशिगन पुखुया सिथय् लाःगु थ्व खुसिया नापं निगु खुसि- डाउनटाउनय् शिकागो खुसि व औद्योगिक सुदूर साउथ साइडय् क्यालुमेट खुसि- थ्व नगरं पूर्ण वा आंशिक रुपं बाहा वनि।

शिकागोया इतिहास व अर्थतन्त्र मिशिगन पुखु नाप तसकं स्वापू दु। शिकागो खुसिं ऐतिहासिक रुपय् थ्व क्षेत्रया लःया यक्व कार्गो संचालन याइगु जूसां थौंकन्हय् तःधंगु पुखुया मालवाहक जहाज दक्षिणय् (साउथसाइद) च्वंगु नगरया पुखुया क्यालुमेट बन्दरगाह छ्येलि। थ्व पुखुलिं मेगु सकारात्मक प्रभाव नं बी: शिकागोया जलवायुयात मध्यम याइ, चिकुलाय् लःया सिथय् च्वंगु त्वाःयात भचा लुमुकेगु व बर्खाय् ख्वाउँकेगु याइ।

सन् १८३७इ शिकागोया पलिस्था जुइबलय् न्हापाया भवनया अप्व भाग शिकागो खुसिया मुहानया चाकःलिं दत, थ्व खँ नगरया मू ५८ ब्लकया नक्साय् खनेदु।भूमिया औसत जाः समुद्र सतह स्वया ५७९ फिट (१७६.५ मिटर) दु। नगरय् दकलय् क्वय् या थाय् ५७८ फीट (१७६.२ मिटर)य् पुखुया सिथय् ला धाःसा दकलय् च्वय् या थाय् ६७२ फीट (२०५ मिटर)य् नगरया सुदूर दक्षिणी पक्षय् च्वंगु ब्लु आइल्याण्डया मोरेनल रिज ख।

लेक शोर ड्राइभ शिकागोया वाटरफ्रन्टया सिथय् दु। वाटरफ्रन्टय् दूगु छुं पार्कय् लिंकन पार्क, ग्रान्ट पार्क, बर्नहम पार्क, व ज्याक्सन पार्क नांजाः। वाटरफ्रन्टया २६ माइल (४२ किमि)य् २४गु सार्वजनिक समुद्र तट दु। ल्याण्डफिल पुखुया छुं भाग विस्तारित याना नेभी पियर, नर्दली आइल्याण्ड, म्युजियम क्याम्पस, व मिककर्मिक प्लेस कन्भेन्सन सेन्टरया तःधंगु भागया निंतिं थाय् दयेकल। नगरया अप्वः धया थें तजाःगु व्यावसायिक व आवासीय भवन लःया सिथय् लाः ।

मुक्कं शिकागो महानगरीय क्षेत्रया छगू अनौपचारिक नां "शिकागोल्यान्द" ख, गुकिया अर्थ सामान्यतया नगर व थुकिया सकल उपनगर ख, यद्यपि थी-थी संगठनया परिभाषाय् भिन्नता दु।