नोबेलियम

नोबेलियम छगू सिन्थेटिक रासायनिक तत्त्व ख। थुकिया चिं No व परमाणु ल्याः १०२ दु। थ्व तत्त्वया नां डायनामाइटया आविष्कारक व विज्ञानया परोपकारी व्यक्तित्त्व अल्फ्रेड नोबेलया सम्मानय् तःगु खः। नोबेलियम छगू रेडियोधर्मी धातु खः। थ्व ट्रान्सयुरेनिक तत्त्व झ्वलय् १०गू तत्त्व ख व थ्व एक्टिनाइड झ्वःया अन्तिम सदस्य खः। १०० स्वया अप्व परमाणु ल्याः दूगु फुक्क तत्त्व थें नोबेलियम नं चार्ज दूगु कणं हल्का तत्त्वय् प्रहार यानाः दयेकेछिं। मुक्कं झिंनिगु नोबेलियम आइसोटोप अस्तित्वय् दु; दकलय् स्थिर ²⁵⁹No ख गुकिया अर्धजीवन ५८ मिनेट जुइ, तर म्हो आयु दूगु ²⁵⁵No (अर्धजीवन ३.१ मिनेट) रसायन शास्त्रय् दकलय् अप्व छ्येलिगु या छाय् धाःसा थ्व तःधंगु स्तरय् उत्पादन यायेछिं।

स्वयादिसँ

• रसायनिक तत्त्व