रामसिज द्वितीय

Ramesses II
Ramesses II
Ramesses the Great, Ozymandias
	रामसिज द्वितीय
Pharaoh
शासनकाल	1279–1213 BC
पूर्वाधिकारी	Seti I
उत्तराधिकारी	Merneptah
Horus name
Horus name
	Ka nakht, Mery maat; The strong bull, beloved of right (truth)
Nebty name
	Mek kemet, waf khasut; Protector of Egypt who curbs foreign lands
Golden Horus
	User renput, aa nakhtu; Rich in years – great in victories
Prenomen (Praenomen)
	User maat Re, setep en Re; The justice of Rê is powerful – chosen of Rê
Nomen
	Ra mes su, mery Amun; Rê is the one who bore him, beloved of Amun
	;
कलाः	नेफेरतारी, इसेत्नोफ्रेट, माथोर्नेफेरुरे, मेरिटामेन, बिन्तानाथ, नेबेट्टावी, हेनुटमायर
मचा	88–103 (List of children of Ramesses II)
अबु	Seti I
मां	Tuya
बुंदिं	c. 1303 BC
मदूगु	c. 1213 BC (aged 90–91)
समाधि	KV7
स्मारक	Abu Simbel, Abydos, Ramesseum, Luxor, Karnak
राजवंश	19th Dynasty

रामसिज द्वितीय (प्राचीन मिस्र भासय् : rꜥ-ms-sw , Rīꜥa-masē-sə, प्राचीन मिस्रया उच्चारण : [ ɾiːʕamaˈseːsə ]; जन्म १३०३ इपू, मृत्यु १२१३ इपू) छम्ह प्राचीन मिस्रया फारो (शासक वा जुजु) ख। प्राचीन मिस्रया १९गू राजवंशया वय्कः स्वम्हम फारो ख। झिन्च्यागु राजवंशया थुटमोस तृतीय नापं वय्कःयात प्रायः न्हुगु राजवंशया दकलय् महान, दकलय् नांजाःम्ह व दकलय् शक्तिशाली फारोया रुपय् कायेगु या। न्हुगु राजवंशकाल प्राचीन मिस्रया दकलय् शक्तिशाली ई ख। वय्कःयात प्राचीन मिस्रया दकलय् सफल योद्धा फारो मध्ये छम्ह धकाः नं म्हसीकिगु या। वय्कलं १५ स्वया अप्व सैन्य अभियान न्ह्याकादिल। कदेशया युद्धयात त्वःताः, वय्कलं सकल सैन्य अभियानय् स्पष्ट कथं त्याकल। कदेशया युद्ध धाःसा गतिरोधय् क्वचाल व सुं हे निश्चित विजेता मजु।

प्राचीन ग्रीक स्रोतय् वय्कःयात ओजिमन्डियास (Ozymandias) धकाः म्हसीकातल। थ्व नां वय्कःया इजिप्सियन भाषाया शासन नां उसरमात्रे सेतेपेन्रे (Usermaatre Setepenre)या न्हापांगु भागं थ्व नां वःगु ख। रामसिजयात वय्कःधुंकाया उत्तराधिकारी फारो व मिस्रया मनुतेसं "महान् पुर्खा" नं धाइ।

थःगु शासनकालया प्रारम्भिक भागय् वय्कलं नगर, देगः व स्मारक दयेकेगु ज्याय् ध्यान बियादिल। नाइल डेल्टाय् पि-रामसिज नगर पलिस्था यायेधुंका वय्कलं थ्व नगरयात मिस्रया न्हुगु राजधानीया रुपय् घोषणा यानादिल व सिरियाय् थःगु अभियानया निंतिं मू सामरिक केन्द्रया रुपय् छ्यलादिल। रामसिजं लेभान्तय् यक्व सैन्य अभियानया नेतृत्व यानादिल, गन वय्कलं कनान व फिनिसियाय् मिस्रया नियन्त्रण पुनःस्थापित यानादिल। वय्कलं नूबियाय् नं यक्व अभियानया नेतृत्व यानादिल, थ्व फुक्कं बेत एल-वाली व गेर्फ हुसेनय् शिलालेखय् लुमंकातःगु दु। वय्कलं थःगु शासनकालय् अभूतपूर्व रुपं झिंस्वंगू वा झिंप्यंगु सेद नखः हनादिल। थ्व ल्या मेमेपिं फारोत स्वया अप्व ख।

वय्कः मदुबिले वय्कः ९० वा ९१ दँ दूगु अनुमान दु। वय्कः मदयेधुंका वय्कःया पार्थिव म्हयात जुजुपिनिगु स्वनिगलय् च्वंगु छगू समाधिइ (KV7) थुनाबिल; वय्कःया म्ह लिपा रोयल क्याचय् स्थानान्तरण यात। थन वय्कःया अस्थि-म्ह पुरातत्वविद्तेसं सन् १८८१इ लुइकल। रामसिजया ममी (म्ह) आः काइरो नगरय् च्वंगु मिस्र सभ्यताया राष्ट्रिय संग्रहालयय् ब्वयातःगु दु।

बाल्यकाल

रामसिज द्वितीय राजकुमारया रुपय् जन्म जूगु मखु। वय्कःया अजा रामसिज प्रथम फारो होरेमहेबया शासनकालय् वजीर व सैनिक अधिकारी ख, गुम्हेस्यां रामसिज प्रथमयात थःगु उत्तराधिकारी नियुक्त यात। थ्व इलय्, रामसिज द्वितीय थ्यंमथ्यं झिंछदँ दुम्ह खः।

रामसिज प्रथमया मृत्यु धुंका वय्कःया काय् सेती प्रथम जुजु जुल व वय्कःया काय् रामसिज द्वितीययात करिब झिंस्वदँ दुबलय् राजकुमार रीजेन्टया रुपय् नियुक्त यात।

शासनकाल

रामसिजया सिंहासनय् च्वंगु तिथि III शेमु, न्हि २७ कथं च्वयातःगु दु। थ्व तिथियात अप्व इजिप्टलोजिष्टतेसं ईसापूर्व ३१ मे १२७९ ख धका विश्वास याइ।

यहूदी इतिहासकार जोसेफसं थःगु सफू कन्ट्रा एपिओनेम(Contra Apionem)य् मानेथोया एजिप्टियाकाया स्रोत दुथ्याःगु दु। थ्व स्रोत कथं रामेसेस द्वितीय ("आर्मेसेस मियामुन")या शासनकाल ६६ दँ, २ला बियातःगु दु। थ्व खँया मूलतः पेपिरस गुरोब (Papyrus Gurob)या कुचा Lया पात्रों पुष्टि याइ, गन रामसिज द्वितीयया दँ ६७, १ अखेत दिं १८या तुरुन्त लिपा मेर्नेप्ताह (रामेसेस द्वितीयया काय्) या दँ १, द्वितीय अखेत दिं १९ दु। थ्व कथं रामसिज द्वितीय वय्कःयागु ६७ क्वःगु शासनकालया दँय् करिब निलाय् मदयादिल।

सन् १९९४य् एजे पेडेनं रामसिज द्वितीयया मृत्यु द्वितीय अखेत न्हि ३ व द्वितीय अखेत न्हि १३ दथुइ थेबन ग्राफिटो (Theban graffito) ८५४+८५५ या आधारय् मृत्यु जूगु प्रस्ताव तःगु दु, थ्व मेर्नेप्ताहया दँ १ II अखेत न्हि २ या बराबर दु।

सैन्य अभियान

थःगु जीवनया सुरुइ हे रामसिज द्वितीयं न्हापा न्युबियन व हित्ताइततेगु ल्हातय् लाःगु भूभागयात पुनःस्थापना यायेत व इजिप्टया सीमा सुरक्षित यायेत यक्व अभियान न्ह्याकल। वय्कलं छुं न्युबियामि विद्रोहयात दमन यायेगु व लिबियाय् अभियान न्ह्याकेगु ज्या नं यानादिल। वय्कःया शासनकालय् इजिप्टया सेनाय् करिब १ लख मनुत दुगु अनुमान दु: थ्व छगू भयानक शक्ति ख गुकियात वय्कलं इजिप्टया प्रभावयात बल्लाकेत छ्येलादिल।

रामसिज द्वितीयया सैन्य अभियान थ्व कथं दु:

शेर्डेन समुद्री डाकूत विरुद्धया हःताः

थःगु शासनया निगूगु दँय् रामेसिस द्वितीयं इजिप्टया भूमध्यसागरीय तटय् दुपिं शेर्डेन समुद्री डाकूतय्त निर्णायक रुपं बुकाः इजिप्टय् समुद्री मार्गय् वनीगु मालबाहक लःखःया लं सुरक्षित यानादिल। शेर्डेन मनुत सम्भवतः आयोनियाया तट, दक्षिणपश्चिम एनातोलिया वा सार्डिनिया टापुयापिं मनूत ख। रामसिजं समुद्री तटया रणनीतिक थासय् सैनिक व जहाज तया धैर्यतापूर्वक समुद्री डाकूतेत पियाच्वन। डाकूतेसं जहाज खनाः सामान लाकाः कायेतः आक्रमण यात। थथे वःपिं डाकूतेत समुद्री युद्धय् कुशलतापूर्वक बुकुसें मिस्रया सेनां फुक्क ल्यंपिं डाकूतेत ज्वन। तनिसया छगू शिलापत्रय् इपिं (रामसिजया सेना) "समुद्रया दथुइ थःगु युद्ध-जहाजय् वःगु, व सुं नं इमिगु न्ह्यःने दने मफुत" धकाः धाःगु दु। सम्भवतः नाइलया मुहानया लिक्क थ्व नौसेना युद्ध जूगु खः, छाय् धाःसा छुं ई लिपा, यक्व शेर्डेनत फारोया अंगरक्षकया रुपय् खनेदत। समुद्री युद्धय् शेर्डेन नापं फारों लुक्का (L'kkw, सम्भवतः लिपा लाइसियाया नामं म्हसीपिं मनुत), व Šqrsšw (Shekelesh) मनुतेत नं बुकल।

सिरियाली अभियान

न्हापांगु सिरियाली अभियान

मेम्फिसया रामसिज द्वितीयया छगू प्रस्तर कलाय् वय्कलं शत्रुतेत ज्वनाच्वंगु क्यनातःगु दु। शत्रुइ छम्ह न्युबियन, छम्ह लिबियाली व छम्ह सिरियाली दु। करिब १२५० ई.पू.या कलाकृति, कायरो संग्रहालय।^[६]

कादेश युद्धया तत्काल न्ह्यः रामसिज द्वितीयं कनानय् न्हापांगु अभियान याःगु ख। वय्कःया न्हापांगु अभियान वय्कःया शासनकालया प्यंगूगु दँय् जूगु खनेदु। थ्व अभियानया लुमन्तिइ थौंया बेरुतया लिक्क नाहर अल-काल्बया लुमन्तिइ न्हापांगु शिलालेख(Commemorative stelae of Nahr el-Kalb) दयेकल। द्वलंद्व दँया मौसमया हुनिं शिलालेख पूवंक ब्वने मछिं। थःगु शासनया प्यंगूगु दँय् सिरियाय् थःगु अभियानया झ्वलय् हित्ताइत मैत्रीराज्य अमुरु कब्जा यानादिल।

- निक्वःगु सिरियाली अभियान
- स्वंगूगु सिरियाली अभियान
- लिपांगु सिरियाली अभियान
हित्ताइत नाप शान्ति सन्धि
न्युबियन अभियानत
लिबियाया अभियानत

स्वयादिसँ

प्राचीन मिस्र

लिधंसा

↑ ^१.० ^१.१ ^१.२ ^१.३ ^१.४ Leprohon (2013), pp. 114-115.
↑ ^२.० ^२.१ ^२.२ Tyldesley (2001), p. xxiv.
↑ ^३.० ^३.१ Clayton (1994), p. 146.
↑ Mortuary temple of Ramesses II at Abydos.
↑ ^५.० ^५.१ Anneke Bart. Temples of Ramesses II.
↑ (2013) Cairo and the Pyramids (Rough Guides Snapshot Egypt) (in en). Rough Guides UK.

[FOOTNOTELeprohon2013114-115-1] १.० ^१.१ ^१.२ ^१.३ ^१.४ Leprohon (2013), pp. 114-115.

[FOOTNOTETyldesley2001xxiv-2] २.० ^२.१ ^२.२ Tyldesley (2001), p. xxiv.

[FOOTNOTEClayton1994146-3] ३.० ^३.१ Clayton (1994), p. 146.

[4] Mortuary temple of Ramesses II at Abydos.

[Bart-5] ५.० ^५.१ Anneke Bart. Temples of Ramesses II.

[6] (2013) Cairo and the Pyramids (Rough Guides Snapshot Egypt) (in en). Rough Guides UK.

[१]

[२]

[३]

[४]

[५]

[६]