विश्वविद्यालय
विश्वविद्यालय उच्च शिक्षा व अनुसन्धानया छगू संस्था ख गुकिलिं यक्व शैक्षिक विषयय् शैक्षिक डिग्री बी। विश्वविद्यालययात अंग्रेजीइ युनिभर्सिटी धाइ। थ्व खँग्वः ल्याटिन खँग्वः युनिभर्सिटास म्याजिस्ट्रोरम एट स्कोलारियमं वःगु ख, गुकिया अर्थ मोटामोटी "शिक्षक व विद्वानतेगु समुदाय" ख। नेपालभासय् छ्यलीगु मेगु खँग्वः विश्वविद्यालय धाःसा संस्कृत भासं वःगु खः गुकिया अर्थ हलिंया ब्वनेकुथि ख। विश्वविद्यालयतेसं सामान्यतया स्नातक व स्नातकोत्तर निगुलिं शैक्षिक ज्याझ्वः न्ह्यथनि।
युरोपया दकलय् न्हापांगु विश्वविद्यालय क्याथोलिक भिक्षुपिन्सं पलिस्था याःगु खः। १०८८इ पलिस्था जूगु इटालीया बोलोग्ना विश्वविद्यालय (Università di Bologna) थ्व अर्थय् दकलय् न्हापांगु विश्वविद्यालय ख:
- उच्च डिग्री बीगु संस्था जुयाच्वंगु।
- युनिभर्सिटास खँग्वः छ्यला।
- धर्मशास्त्रीय विद्यालयं स्वतन्त्रता दुगु व धर्मनिरपेक्षया नापं गैरधर्मनिरपेक्ष डिग्री जारी यायेगु दसु: व्याकरण, रेतोरिक, तर्क, धर्मशास्त्र, क्यानन कानून, नोटरी कानून आदि।
खँग्वःयागु उत्पत्ति व छ्येलेज्या
सम्पादनउत्पत्ति व विकास
सम्पादनविश्वविद्यालय खँग्वया छ्येलेज्या दकलय् न्ह्य संस्कृतय् जुगु ख। लिपा थ्व खँग्वयागु तत्सम खँग्वया रुपे यक्व भासे, यक्व कथलं छ्येलेज्या जुल। थ्व खँग्वया छ्येलेज्या संस्कृत, संस्कृत नाप स्वापू दुगु भाय् व संस्कृतं बुया वःगु भासय् जूगु खनेदु।