Open main menu

कायरो (अरबी: القاهرة अलक़ाएरऩ) मिस्रया राजधानी ख। १ कोटी ५२ लखः जनसंख्या दूगु थ्व नगर हलिमया १७गु दक्ले तःधंगु नगर ख। कायरो अरब हलिमया दक्ले तःधंगु नगर ख।

कायरो
القـــاهــرة al-Qāhira
Cairo by night.jpg
कायरो is located in Egypt
कायरो
कायरो
मिस्र: कायरोया थाय्‌ (टप सेन्टर)
Coordinates: 30°03′N 31°22′E / 30.050°N 31.367°E / 30.050; 31.367
Country Flag of Egypt.svg Egypt
Governorate Cairo Governorate
Government
 - Governor Dr. Abdul Azim Wazir
क्षेत्रफल
 - City २१४ km² (८२.६ sq mi)
Population (2006)
 - City ६,७५८,५८१
 - Density ३१,५८२/km2 (८१,७९७/sq mi)
 - Urban १७,२८५,०००
Time zone EET (UTC+2)
 - Summer (DST) EEST (UTC+3)
Website: www.cairo.gov.eg

भूगोलEdit

कायरो मिस्रया उत्तरय् नाइल खुसिया सिथय् व दथुइ खुसिं थःगु मरुभूमि लागा त्वःता निगु भागय् विभाजित जुइगु म्हो जाःया नाइल डेल्टाय् ला।

नगरया पुलांगु भाग खुसिया पूर्वी भागय् ला। थनं थ्व नगर पश्चिमय् नाइलया खेतीयोग्य बुँ जुया फैलेजुइ। नगरया पश्चिमी क्षेत्रय् १९गु शताब्दीइ शाह इस्माईलं फ्रेञ्च राजधानी पेरिसया नकल याना दयेकातःगु बोलेभार्ड, सार्वजनिक क्यबः, सरकारी भवन आदि दु। नगरया पूर्वी भागय् अव्यवस्थित कथं शताब्दी निसें दयाच्वंगु पुलांगु मस्जिद व स्मारक दु धाःसा पश्चिमी थासय् व्यवस्थित नगर दु।

परिमार्जित लया व्यवस्थां नगर मरुभूमिइ नं विस्तार जूगु दु। नाइलया टापू जजीरा व रो दायात तांया माध्यमं स्वानातःगु दु। थ्व निगु थासय् यक्व सरकारी भवन दु नापं थन यक्व सरकारी कर्मचारी नं च्वनिगु या। तांतेसं नाइल खुसि पुलाः कायरो नगरयात गिजाया उपनगर व इम्बाबानाप नं स्वाइ।

गिजाया पश्चिमय् मरुभूमिइ गिजा प्लाटुइ प्राचीन नेक्रोपोलिस मेम्फिस ला। थ्व थासय् ग्रेट पिरामिड अफ गिजा नापं स्वंगु तःधंगु पिरामिड दु। आधुनिक कायरो स्वया करिब ११ माइल (१८ किमि) तापाक्क प्राचीन मिस्री नगर मेम्फिस व उकिया नापंया नेक्रोपोलिस सकारा ला। थ्व नगरत कायरोया प्राचीन पूर्वज ख।

लिधंसाEdit

स्वयादिसँEdit