केप भर्डे

केप भर्दे वा काबो भर्दे आधिकारिक रुपं गणतन्त्र काबो भर्दे पश्चिम अफ्रिकाया मध्य एटलान्टिकया द्वीप पुचलं दयेकातःगु छगू द्वीप देय् ख। थ्व देय् महासागरया दथुइ दूगु १०गू ज्वालामुखी टापुतेसं दयेकातःगु दु व थ्व सकल टापूतेगु संयुक्त भूमि क्षेत्रफल लगभग ४,०३३ वर्ग किलोमिटर (१,५५७ वर्ग माइल) दु। महाद्वीपीय अफ्रिकाया दकलय् पश्चिमी बिन्दु क्याप-भर्टया पश्चिमय् ६०० निसें ८५० किलोमिटर (३२० व ४६० नटिकल माइल)या दूरीइ थ्व देय् ला। केप भर्दे टापुत एजोर,क्यानरी टापु, मदेइरा व स्याभेज टापुत नाप म्याक्रोनेसिया इको-रिजनया छगू भाग ख।

República de Cabo Verde
गणतन्त्र केप भर्दे

ध्वांय National Emblem
म्ये: Cântico da Liberdade
Cape Verdeयागु नक्सा
राजधानी	Praia 14°55′N 23°31′W
तधंगु सहर	Praia
औपचारिक भाय	Portuguese (official) and nine Portuguese Creoles
सरकार	Republic
- President	Pedro Pires
- Prime Minister	José Maria Neves
Independence	from Portugal
- Recognized	July 5, 1975
क्षेत्रफल
- फुकं	4,033 किमि² (172nd)
	(1,557 वर्ग माइल)
- लयागु प्रतिशत (%)	Negligible
जनसंख्या
- July 2005 एस्टिमेटेड	507,000 (165th)
- 2001 सेन्सस्	401,343
- जनघनत्व	126/किमि² (79th) (326/वर्ग माइल)
कुल ग्राहस्थ उत्पादन (पि पि पि)	2005 एस्टिमेट
- फुकं	$3.055 billion (158th)
- प्रति छ्यं	$6,418 (92nd)
मुद्रा	Cape Verdean escudo (CVE)
ई क्षेत्र	CVT (UTC-1)
- वर्खा (DST)	not observed (UTC-1)
इन्टरनेट TLD	.cv
कलिंग कोड	+238

१५गु शताब्दी तक्क केप भर्दे द्वीपसमूहय् मनु मदु। अबिले पोर्चुगिज अन्वेषकतयेसं थ्व टापुत लुइकल व उपनिवेश दयेकल, गुकिलिं उष्णकटिबंधीय क्षेत्रय् न्हापांगु युरोपेली बस्ती पलिस्था जुल। केप भर्दे टापुत एटलान्टिक दास व्यापारय् भूमिका म्हितेत सुविधाजनक रुपं अवस्थित जूगुलिं केप भर्डे १६गु व १७गु शताब्दीया दुने आर्थिक रुपं समृद्ध जुल। नापं, थ्व टापूं व्यापारी निसें प्राइभेतियर व समुद्री डाकूतय्त आकर्षित यात। बेलायती साम्राज्यं एटलान्टिक दास व्यापारयात दमन यायेधुंका १९गु शताब्दीइ आर्थिक रुपं थ्व थासय् ह्रास वल व थ्व ईलय् थनया यक्व बासिन्दात आप्रवासनय् वन। अथे जुसां केप भर्दे बुलुहुँ आर्थिक रुपं सुधार जुल। थ्व देय्या व्यापारिक कथं महत्त्वपूर्ण स्थिति व व्यावसायिक केन्द्र व मू जहाज मार्गया उपयोगी स्टपओभर प्वाइन्ट जूगुलिं थथे आर्थिक सुधार सम्भव जूगु ख। सन् १९७५य् केप भर्दे स्वतन्त्र जुल।

सन् १९९०या दशकया सुरुइ निसें केप भर्दे छगू स्थिर प्रतिनिधितामूलक लोकतन्त्र जुयाच्वंगु दु व अफ्रिकाया दकलय् विकसित व लोकतान्त्रिक देय् मध्ये छगू जुयाच्वंगु दु। प्राकृतिक संसाधनया अभावं थनया विकासशील अर्थतन्त्र अप्व याना सेवा-उन्मुख दु, गुकिलि पर्यटन व वैदेशिक लगानीइ ध्यान केन्द्रित दु। थुकिया जनसंख्या करिब ५९६,००० (२०२२या कथं) दु गुकिलि अप्व याना अफ्रिकी व छगू चिधंगु युरोपेली मूलया मनूत दु। थन प्रधानतः रोमन क्याथोलिक धर्म दु गुकिलिं पोर्चुगिज शासनया विरासतयात प्रतिबिम्बित याइ। छगू तःधंगु केप भर्डियन डायस्पोरा समुदाय हलिमय् दु, विशेष यानाः संयुक्त राज्य अमेरिका व पोर्चुगलय्, व इमिगु जनसंख्या थ्व देसय् च्वनिपिं मनूतेगु स्वया यक्व अप्व दु। केप भर्डे अफ्रिकी संघया छगू सदस्य देय् ख ।

केप भर्देया सरकारी भाषा पोर्चुगिज ख। मेगु मान्यता प्राप्त राष्ट्रभाषा केप भर्डियन क्रियोल ख , गुकियात अप्व जनसंख्यां ल्हाइ। सन् २०२१या जनगणना कथं दकलय् अप्व जनसंख्या दूगु टापुत सान्तियागो ख, गन राजधानी प्रायया (२६९,३७०)ला। नाप, थन दूगु मू नगरय् साओ भिसेन्टे (७४,०१६), सान्तो एन्टाओ (३६,६३२), फोगो (३३,५१९) व साल (३३,३४७) ला। देय्या दकले तःधंगु नगरय् प्रायया (१३७,८६८), मिन्देलो (६९,०१३), एस्पार्गोस (२४,५००) व असोमादा (२१,२९७) ला।

स्वयादिसँ

• अफ्रिका