क्याल्कुलस
क्याल्कुलस निरन्तर हिउपाया गणितीय अध्ययन ख। मूल रुपं इन्फिनिटिसिमल क्यालकुलस वा " इन्फिनिटिसिमलया क्यालकुलस " धाइगु थ्व गणितया निगु मू शाखा दु, दिफरेन्सियल क्यालकुलस व इन्तिग्रल क्यालकुलस। दिफरेन्सियल क्याल्कुलसय् तत्काल हिउपाया दर, व चाकःया ढलानया सरोकार दु धाःसा इन्तिग्रल क्याल्कुलसया सरोकार मात्राया संचय, व चाकःया अधीनय् वा दथुइ च्वंगु क्षेत्रफलया सरोकार दु। थ्व निता कचा क्यालकुलसया मौलिक प्रमेयं (fundamental theorem of calculus) स्वापू दु। इमिसं अल्याख अनुक्रम (infinite sequences) व अल्याख झ्वः(infinite series)यात निश्चित सीमाय् अभिसरणया मौलिक धारणाया छ्येलि।
इन्फिनिटेसिमल क्यालकुलस १७गु शताब्दीया अन्तय् आइज्याक न्यूटन व गट्फ्राइड लीब्निज्जुं स्वतन्त्र रुपं विकास याःगु खः। लिपाया ज्या, दसु सीमाया विचाःयात संहिताबद्ध यायेगु नापं थ्व विषययात अप्व ठोस वैचारिक आधार दत। थौं, क्यालकुलसया व्यापक छ्यलाबुला विज्ञान, इन्जिनियरिङ , व सामाजिक विज्ञानय् दु।