गथ्याबिल्ली

 

गथ्याबिल्ली (गुबलें गुबलें हेलबिली ) रकबिली व गोथ उपसंस्कृतिं प्रभावित संगीतया विधा ख। थ्व नां छगू पोर्टमेन्टो खँग्वः ख गुकिलिं गोथिक व रकेबिलीयात स्वानातःगु दु, गुकियात न्हापांखुसी सन् १९७०या दशकया लिपांगु इलय् क्र्याम्प्स पुचलं रकेबिली व पंक रकया थःगु गम्भीर मिश्रणयात वर्णन यायेत छ्यःगु खः । थुकिया लिपा थ्व खँग्वः गथिक फेशनं प्रभावित जूगु छगू फेशन शैलीयात वर्णन यायेत वःगु दु, गुकिलि ब्ल्याक सिल्क, स्यातिन, लेस व मखमल, कोर्सेट, टप ह्याट, एन्टिक ज्वेलरी, पीभीसी व छ्यंगुया छ्यलाबुलाय् खनेदु ।

विशेषता

गथाबिल्ली साइकोबिली स्वया बिस्कं सः दूगु समान जन्र ख: । साइकोबिलीं १९५०या दशकया रकबिलीयात १९७०या दशकया पंक रकलिसे तच्वःगु, आक्रामक सःया रुपय् फ्युज याइ धाःसा गथाबिल्लीं ब्लुजी रकबिलीयात गथिक पियानो व गिटारलिसे फ्युज याइ, अले थुकियात म्हो टेम्पो दइगु व आक्रामकता स्वया मूडय् बः बीगु कथं थायेगु याइ ।