जिब्राल्टर जलसन्धि

जिब्राल्टर जलसन्धि हलिमया छगु मू जलसन्धि ख। थ्व लःबालां एत्लान्तिक महासागर व भूमध्य सागरयात स्वाइ। थ्व जलसन्धिया छखे युरोपय् स्पेन व जिब्राल्टर दु धाःसा मेखे अफ्रिकाय् मोरक्को व सिउता (स्पेनया नगर) दु। थ्व जलसन्धिया दकलय् चिब्याःगु थासय् युरोप व अफ्रिका ७.७ नटिकल माइल (१४.३ किमि, ८.९ माइल) तापाः। थ्व जलसन्धि ३०० निसें ९०० मितर गाः वं।

नामाकरण

जिब्राल्टर जलसन्धिया नां जिब्राल्टरया ल्वहँ नं वःगु ख, गुकिया उत्पत्ति अरबी भाय्या खँत्वाः जबाल तारिक (अर्थात "तारिकया पर्वत") ख। थ्व नां तारिक इब्न जियादया नामं तःगु ख। थ्व थाय् यात स्ट्रेट्स अफ जिब्राल्टर, द गट अफ जिब्राल्टर (पुलां चलनचल्तीइ), व नौसेना छ्येलेज्याय् STROG (STRait Of Gibraltar)या नामं नं म्हसीकिगु या।

मेगु अरबी नां बाब अल- मगरिब ( Arabic: ) ख गुकिया अर्थ अर्थ "पश्चिमया ध्वखा" वा "सूर्यास्तया ध्वखा" ख। नापं थुकियात " मघरेबया ध्वखा" वा " मोरक्कोया ध्वखा"  नं धाइगु या। मध्य युगय् थुकियात अरबी भासं अज-जुकाक ( الزقاق, गुकिया अर्थ 'लं ') बाय् भार अज-जुकाक ( بحر الزقاق अर्थ 'सागरया लं') धाइगु या। अले रोमनतय्सं Fretum Gaditanum ( काडिजया जलसन्धि) धाइगु या।

लाटिन भासं थुकियात फ्रेतम हर्कुलियम धाइ। थ्व नां प्राचीन कालया नां "हर्क्युलिसया स्तम्भत " (प्राचीन ग्रीक: αἱ Ἡράκλειοι στῆλαι)या नामं वःगु ख। थ्व जलसन्धिया घेराय् दूगु पहाडयात स्तम्भया रुपय् कयाः थ्व नां बियातःगु ख।

भूगोल

थ्व जलसन्धिया अवस्था थ्व कथं दु:

• पूर्वः भूमध्य सागर
• पश्चिमः एल्तान्तिक महासागर
• उत्तरः युरोप
• दक्षिणः अफ्रिका

स्वयादिसँ

• जलसन्धि
• भूगोल