पाक जलसन्धि
पाक जलसन्धि भारतया तमिलनाडु राज्य व श्रीलङ्काया मन्नार जिल्लाया दथुइ दयाच्वंगु छगू जलसन्धि ख। रामसेतू थ्व हे जलसन्धिइ ला। थ्व जलसन्धिं उत्तरपूर्वया बंगालया खाडीयात पाक बे जुसें दक्षिणपश्चिमया मन्नारया खाडीनाप स्वाइ।[१] थ्व जलसन्धिया ब्याः ३३ निसें ५० किमि दु।[२] थ्व जलसन्धिइ थी-थी खुसि क्वचाइ, दसु तमिलनाडुया वैगै खुसि। थ्व जलसन्धिया नां बेलायती राज बिलय्या मद्रास प्रेजिदेन्सीया गभर्नर, रॉबर्ट पाक (Robert Palk),या नामं तःगु ख।
भूगर्भ
सम्पादनलिपांगु हिमयुगया इलय् ( आः स्वयां १,१५,०००-११,७०० दँ न्ह्यः ) समुद्रया सतह म्हो जूगुलिं, अबिले समुद्रया सतह वर्तमान सतह स्वया 120 मिटर (३९० फुट) चि-हाः जुया च्वन। अबिले थ्व चिजाःगु जलसन्धिया सकल क्षेत्र गंगु बँया रुपय् दयाच्वन। होलोसीनया ईले वर्तमान समुद्रया सतह तःजाना वल व करिब ७,००० दँ न्ह्यः, थ्व बँ जलसन्धिइ क्वबात। [३] थुकिया उत्तर व दक्षिणया जःखःया लहर तसकं अखः दु। उत्तरय् बंगालया खाडीइ लहर अप्वः यानाः स्वेल जुइ धाःसा दक्षिणय् पाल्क खाडीइ लहर अप्वः यानाः चिधंगु वायु लहर जुइ । [४] उल्लेखनीय तरंगया जाः अपेक्षाकृत म्ह्व जूइ व रामसेतु नापं औसत ०.५ मि जकः दु। [५]
स्वयादिसँ
सम्पादन
लिधंसा
सम्पादन- ↑ Map of Sri Lanka with Palk Strait and Palk Bay
- ↑ Distances measured on Google Earth
- ↑ Dubey, K.M. (January 2023). "Evolution of Ramasetu region as a link between India and Sri Lanka during the late Pleistocene and Holocene". Quaternary Research 111: 166–176. DOI:10.1017/qua.2022.41. ISSN 0033-5894.
- ↑ Kumar, Sanil (2017-08-09). "Observation on dominance of swells over wind-seas in the coastal waters of Gulf of Mannar, India". Ocean Science Discussions. DOI:10.5194/os-2017-16-ac1.
- ↑ George, victor (October 2019). "Wind-wave measurements and modelling in the shallow semi-enclosed Palk Bay". Ocean Engineering 189: 106401. DOI:10.1016/j.oceaneng.2019.106401. ISSN 0029-8018.