झ्वाला

झ्वाला वा क्वब्वाःलः धाःगु भूगोलय् थन्याःगु थाय् खः गनं बाहा वनाच्वंगु लः छकलं तःजागु थासं चिजाःगु थासय् क्वहांवनि।

सुन्दरीजलय् दयाच्वंगु छगू झ्वाला

थीथी कथंया झ्वाला

• सि/लेज झ्वाला (Ledge Waterfall): धःस्वाःगु पाः दूगु थासं आधार ल्वहंयात म्हो जक्क थिया लः छकलं क्वबाइ।
  • धी/ब्लक/शीत (Block/Sheet): लः तब्यागु धाः वा खुसिं क्वबाइ।
  • क्लासिकल (Classical): सि(Ledge) झ्वाला गुकिलि झ्वाला खुसिया ब्या ति हे तःजाना च्वंगु जुइ। थ्व चतुर्भुज (स्क्वायर) आकारया जुयाच्वनि।
  • धकिं (Curtain): सिझ्वाला गुकिलि झ्वाला खुसिया ब्या स्वया तःजानाच्वनि।
• क्वबाः (Plunge): याकनं क्व बाहा वनिगु लः गुकिलिं थःगु आधार ल्वहं मथ्युसें क्वबाइ। लः या आधार ल्वहंनापया स्वापू लः समसतहीय कथं बाहा वनिबिलय् हे सिधइ। थन्यागु झ्वाला आपालं चिप्वाःगु खुसिचां न्ह्यथनि।
  • पञ्चबौल (Punchbowl): झ्वाला चिब्याःगु थासं न्ह्यथना तःब्यागु पुखूलि क्वचाइ।
• सलःया न्हिपं (Horsetail): क्वबाइगु लखं थःगु आधार ल्वहंनाप बांलाःगु स्वापू तइ व आधार ल्वहंयात आपा ईलय् थिया च्वनि।
  • घुसुगु (Slide): लः घुसु-घुसु मिना बिस्तारं क्वबाइगु झ्वाला।
  • रिबन (Ribbon): तः रिबन थें तःबालागु चिब्याःगु थासं क्वबाइ।
  • शुत (Chute): लःया यक्व मात्रा चिब्याःगु, धःस्वागु थासं न्याक्क क्वबाइ।
  • गालि (Fan): लः आधार ल्वहँनाप स्वापू तःसें horizontally फैलेजुइ।
• कास्केद (Cascade): लः छझ्वः ल्वहं "त्वाथ" पुला क्वबाइ।
• त्वाथः (Tiered/Multi-step/Staircase: करिब छगू हे आकारया झ्वलं झ्वः झ्वालात छगू धुंका मेगु दयाच्वनिगु, नापं सकल झ्वालातेगु थःगु हे गाःपुखू दयाच्वनिगु।
• काताराक्त (Cataract): तःधंगु न्याःगु झ्वाला।
• खण्डित (Segmented): लः क्वबाइबिलय् थी-थी धाः दयेका ब्यागलं क्वबाइगु।
• कातादुपा (Catadupa): नाइल खुसिइ खनिगु छकथंया काताराक्त। "कातादुपा" धाःगू थन्याःगु काताराक्तय् च्वनिपिं मनूतेगु नामं वःगु खँग्वः ख। थन्यागु थासय् च्वनिपिं मनूत लःया सलं याना न्हाय्‌पं मताइगु जुयावनि धइगु विश्वास दु।
• ज्वार झ्वाला (Tide Fall): समुद्र वा महासागरय् छकलं क्वबाइगु झ्वाला।
• काकरां (Frozen): च्वापु दूगु झ्वाला।

स्वयादिसँ

• खुसि